Marko 10:49 - Rapa Nui

⁴⁹ He noho ia a Ietū, ꞌe he kī: —Ka kī kōrua mo oho mai. He kī ia e te nuꞌu ki tū matapō era: —Kiahio koe. Ka eꞌa ki ruŋa; ꞌai e kī mai era mo oho ōꞌou.

Marko 10:49 ပူးပေါင်းရင်းမြစ်များ

Māteo 9:2

ꞌI ira te nuꞌu i maꞌu ai ki a ia i te taŋata hakari taꞌe makenu e moe rō ꞌana ꞌi ruŋa i te raŋo. I takeꞌa era i te rahi o te haka moe iŋa o te manaꞌu o rā nuꞌu ꞌi ruŋa i a ia mo ora o rā māui-ui, he kī e Ietū ki tū taŋata hakari taꞌe makenu era: «¡Kiahio koe, e haŋu ē! Ko haka kore ꞌā e au i tuꞌu hara».

Marko 10:50

A ruŋa i rere ai tū kope era, he hoa i tōꞌona kapa, ꞌe he haka hāhine.

Ruka 18:40

He noho a Ietū ꞌe he uŋa mo maꞌu i tū taŋata era. I puā era rā taŋata he ꞌui:

Iovani 11:28

I oti era a Maratuka i te kī i te meꞌe nei, he hoki ki muri i tū taina era ōꞌona ko Māria ꞌe he hāꞌumu-ꞌumu: «ꞌĪ te Maꞌori ꞌi nei. Ko kī mai ꞌana mo oho ōꞌou».

ꞌEvereo 2:17

Mo te meꞌe nei i haka riro ai i a ia he taŋata, mo riro ōꞌona he ⌊oromatuꞌa hopeꞌa o te ra-rahi⌋, māhatu haka ꞌaroha, taꞌe haka rē ki te hora hopeꞌa i tāꞌana meꞌe aŋa ki te ꞌAtua, ki ꞌamo ai e ia i te ūtuꞌa o te hara, ki tano ai te ꞌAtua mo haka rehu i te hara o te taŋata.

ꞌEvereo 4:15

Te tātou oromatuꞌa hopeꞌa nei o te nui-nui e aŋi-aŋi rō ꞌā i te huru taꞌe pūai nei o tātou o te taŋata. ꞌI muꞌa ꞌana, paꞌi, i haka ꞌatu takoꞌa rō i a ia mo hara e Rukifero, pa he haka ꞌatu iŋa mai nei i a tātou. Te meꞌe nō, ꞌina a ia kai hara ki te hora hopeꞌa.