Marko 10:48 - Rapa Nui

⁴⁸ Nuꞌu rahi te nuꞌu i ture mo mou, ꞌe ꞌai rā taŋata e ꞌata ohu pūai era: —¡E te Hakaara o Tāvita ē, ka haka ꞌaroha koe i a au!

Marko 10:48 ပူးပေါင်းရင်းမြစ်များ

Māteo 19:13

I oho era he maꞌu e te nuꞌu i te ŋā poki ki a Ietū mo haka puā hai rima ꞌe mo pure mo rā ŋā poki. I takeꞌa era e tāꞌana nuꞌu hāpī, he ture ki rā nuꞌu.

Māteo 20:31

He ture e te nuꞌu mo mou, ꞌe ꞌai rā ŋāŋata e ꞌata ohu pūai era: «¡E Ietū, e te Hakaara o Tāvita ē, ka haka ꞌaroha mai koe i a māua!».

Māteo 9:27

I eꞌa era a Ietū mai tū hare era, ꞌi tuꞌa i oho ai e rua matapō koia ko ohu: —¡E Ietū, e te Hakaara o ⌊Tāvita⌋ ē, ka haka ꞌaroha koe i a māua!

Marko 10:13

E tahi mahana he maꞌu e te nuꞌu i te ŋā poki ki a Ietū mo haꞌamaitai, ꞌe te nuꞌu hāpī ꞌāꞌana he ture ki rā nuꞌu.

Marko 5:35

E vānaŋa nō ꞌā a Ietū ki rā viꞌe, he tuꞌu te nuꞌu mai te hare o Hairo he kī ki a ia: —Ko mate ꞌana taꞌa poki. ¿Ki te aha nō a Ietū ana oho atu?

Ruka 18:39

He ture e te nuꞌu o muꞌa mo mou, ꞌe ꞌai rā taŋata e ꞌata ohu pūai era: «¡E te Hakaara o Tāvita ē, ka haka ꞌaroha koe i a au!».

Ēfeto 6:18

E te taina, ꞌina kōrua ko haka rē i te pure; e ani e oho ki te ꞌAtua hai pūai o te Vārua Maitai. E uꞌi ꞌo hōriŋa rō ꞌe ꞌo oho kē rō te manaꞌu. E pure mo te nuꞌu taꞌatoꞌa haꞌataꞌa e te ꞌAtua māꞌana.

ꞌEvereo 5:7

Hora era o Ietū ꞌi te ao nei, ꞌi te ꞌite e ai rō ꞌā i te ꞌAtua te pūai mo haka eꞌa i a ia mai te mate, he pure he ani nō te aŋa hai reꞌo pūai koia ko taŋi; ꞌe ꞌi tōꞌona haꞌatura, he haka roŋo e te ꞌAtua.