Marko 10:43 - Rapa Nui

⁴³ ꞌI roto i a kōrua ꞌina ko ai te meꞌe tuꞌu pē ira. Te tano mau: te kope haŋa mo hōnui o roto i a kōrua e tāvini mo te taꞌatoꞌa,

Marko 10:43 ပူးပေါင်းရင်းမြစ်များ

Marko 10:42

He raŋi ia e Ietū ki te taꞌatoꞌa o rā nuꞌu hāpī era ꞌāꞌana mo haka hāhine ki muri i a ia ꞌe he kī: —E ꞌite rō ꞌana e kōrua, nā ꞌi roto i te nuꞌu taꞌe he hūrio e ai rō ꞌā te nuꞌu pūꞌoko haka tere manaꞌu e tano rō ꞌā a rāua mo haka aŋa i te taŋata pa he puaꞌa, ꞌe te nuꞌu ꞌata ra-rahi he haka ꞌite nō te aŋa ki te nuꞌu ko ai a rāua.

Marko 10:44

ꞌe te kope haŋa mo raꞌe o roto i a kōrua e ꞌekaravo mo te taꞌatoꞌa.

Marko 9:35

He noho ia a Ietū, he raŋi ki tū nuꞌu hāpī era ꞌāꞌana e hoꞌe ꞌahuru mā piti mo haka hāhine, ꞌe he kī: «Te kope haŋa mo raꞌe ka haꞌariro i a ia mo hopeꞌa ꞌe mo tāvini o te taꞌatoꞌa».

Ruka 14:11

ꞌĪ a au he kī atu: te kope haka paka i a ia mau ꞌā e haka ka-kata ꞌe e haka haꞌamā rō; ꞌe te kope taꞌe haka paka i a ia pe muꞌa ka oho ena e haka hōnui rō».

Ruka 18:14

»ꞌĪ a au he kī atu: te taŋata haka ꞌauhau era i te nuꞌu hai moni mo te rōmano, i hoki era ki tōꞌona hare, ko haka kore tahi ꞌana e te ꞌAtua i tōꞌona hara, ꞌe te taŋata fariseo era, kai haka kore e te ꞌAtua i te hara. Te taŋata haka paka i a ia, pe muꞌa ka oho ena, e haka ka-kata ꞌe e haka haꞌamā rō; ꞌe te taŋata taꞌe haka paka i a ia, pe muꞌa ka oho ena, e haka hōnui rō».

Ruka 22:26

»A kōrua ꞌina ko tuꞌu pē ira. Te kope hopeꞌa o te hōnui o roto o kōrua e haka riro i a ia pa he kope hopeꞌa o te taꞌe hōnui, te kope ko ia te pūꞌoko haka tere e haka riro i a ia pa he tāvini.

Ruka 9:48

ꞌe he kī ki rā nuꞌu: «Te kope toꞌo ꞌe hāpaꞌo i te poki nei hai ꞌīŋoa ōꞌoku e toꞌo ꞌana i a au; ꞌe te kope toꞌo i a au e toꞌo takoꞌa ꞌana i te kope uŋa mai i a au. ꞌE te kope ꞌata hōnui ꞌi roto i a kōrua, he kope tōꞌona manaꞌu mau nō he tāvini ki te taꞌatoꞌa».

Iovani 18:36

He pāhono e Ietū: —Tōꞌoku haka tere iŋa taꞌe o te ao nei. ꞌĀhani o te ao nei, ko ai ꞌana tāꞌaku taŋata mo moto ki te ŋā hūrio ra-rahi ena mōꞌoku, ꞌo topa a au ꞌi te rāua rima. Tōꞌoku haka tere iŋa, e kī atu ena, taꞌe o te ao nei.

Rōmano 12:2

ꞌIna kōrua ko noho haka ꞌou hai manaꞌu taꞌe tano o te taŋata. E haka rē ki te ꞌAtua mo huri i te kōrua manaꞌu, ki huri ai te kōrua noho iŋa, ꞌe ki ꞌite ai e kōrua he aha te meꞌe haŋa o te ꞌAtua, te auraꞌa, he aha te meꞌe tano ki a ia, he aha te meꞌe mo koa ōꞌona, ꞌe he aha te meꞌe hopeꞌa o te riva-riva ki tōꞌona mata.

Karatia 5:13

E te taina, o te ꞌAtua i haka eꞌa i a tātou mai te meꞌe he ꞌamo i te haka tere iŋa ꞌa Mōtē mo tano o tātou ki tōꞌona mata. Te parautiꞌa nei ꞌina ko ai mo tātou he ꞌōtohe mo aŋa i te meꞌe taꞌe tano pohe nō e te hakari. Te meꞌe o tātou mo aŋa he haŋa ꞌe he hāꞌūꞌū ki te rua hai māhatu.