Marko 10:41 - Rapa Nui

⁴¹ I ŋaroꞌa era i rā meꞌe e tū tētahi nuꞌu hāpī era ꞌa Ietū e hoꞌe ꞌahuru, he riri rō atu ꞌai mo Tanatiako ararua ko Iovani.

Marko 10:41 ပူးပေါင်းရင်းမြစ်များ

Māteo 20:24

I ŋaroꞌa era i rā meꞌe e tū tētahi nuꞌu hāpī era ꞌa Ietū e hoꞌe ꞌahuru, he riri rō atu ꞌai mo rā ŋā taina.

Marko 10:42

He raŋi ia e Ietū ki te taꞌatoꞌa o rā nuꞌu hāpī era ꞌāꞌana mo haka hāhine ki muri i a ia ꞌe he kī: —E ꞌite rō ꞌana e kōrua, nā ꞌi roto i te nuꞌu taꞌe he hūrio e ai rō ꞌā te nuꞌu pūꞌoko haka tere manaꞌu e tano rō ꞌā a rāua mo haka aŋa i te taŋata pa he puaꞌa, ꞌe te nuꞌu ꞌata ra-rahi he haka ꞌite nō te aŋa ki te nuꞌu ko ai a rāua.

Ruka 22:24

He tātake ia tū nuꞌu hāpī era ꞌa Ietū ko ai te kope hōnui o roto i a rāua.

Ruka 22:25

He kī e Ietū: «ꞌI roto i te nuꞌu taꞌe he hūrio e ai rō ꞌā te nuꞌu pūꞌoko haka tere manaꞌu e tano rō ꞌā a rāua mo haka aŋa i te taŋata pa he puaꞌa. ꞌE, ꞌi ruŋa ꞌana, e haŋa rō ꞌā mo manaꞌu o te nuꞌu e hāꞌūꞌū rō ꞌana a rāua ki te taŋata.

Rōmano 12:10

E here ꞌi roto i a kōrua pa he taina, ꞌe e moꞌa pa he nuꞌu manaꞌu i hau rō atu te rua ki a rāua.

Fīripo 2:3

ꞌIna kōrua ko aŋa e tahi aŋa mo haka tuꞌu pē nei ē: ꞌauē ꞌō kōrua ē. Ana aŋa kōrua e tahi meꞌe, e aŋa hai haumārū ꞌe hai manaꞌu pē nei ē: i hau rō atu te tētahi nuꞌu ki a kōrua.

Tanatiako 4:5

Taꞌe i hāꞌaki tahaŋa nō ꞌi ruŋa i te ⌊Pāpaꞌi Moꞌa⌋: «Te ⌊Vārua Maitai⌋ uŋa mai e te ꞌAtua ki roto i te tātou māhatu e haŋa rō ꞌana mo ai o tātou o te ꞌAtua mau nō».