Marko 10:35 - Rapa Nui

³⁵ He haka hāhine ki a Ietū te ŋā poki ꞌa Tevereo ko Tanatiako ꞌe ko Iovani, he kī: —E te Maꞌori, e haŋa rō ꞌana a māua mo vaꞌai mai ōꞌou i te meꞌe nei ka no-noꞌi atu ena.

Marko 10:35 ပူးပေါင်းရင်းမြစ်များ

Māteo 4:21

Pe muꞌa ꞌiti he takeꞌa e Ietū i te taina haka ꞌou hoko rua: ko ⌊Tanatiako⌋ ꞌe ko Iovani, he ŋā poki ꞌa Tevereo, e haka riva-riva ꞌana i te rāua kūpeŋa ananake ko te rāua matuꞌa tane ꞌi ruŋa i te vaka. He kī e Ietū mo oho takoꞌa ꞌi muri i a ia.

Marko 10:36

He ꞌui ia e Ietū: —¿He aha te kōrua meꞌe haŋa mo vaꞌai atu?

Marko 14:33

He maꞌu ia e Ietū ꞌi muri i a ia i a Pētero, i a ⌊Tanatiako⌋ ꞌe i a Iovani. E oho nō ꞌā ananake he oꞌo te riꞌa-riꞌa ki a Ietū ꞌi te manaꞌu ki te ꞌati ka topa era ki a ia ꞌe he ŋaroꞌa ꞌina ōꞌona haŋu toe mo ꞌamo i rā ꞌati.

Marko 5:37

ꞌIna kai haꞌatiꞌa e Ietū i te taŋata mo oho ꞌi muri i a ia ki te hare o Hairo. Te nuꞌu nō i maꞌu ko Pētero, ko ⌊Tanatiako⌋ ꞌe ko ⌊Iovani⌋, taina o Tanatiako.

Marko 9:2

E ono mahana pe muꞌa mai tū meꞌe era, he iri a Ietū ki ruŋa i te maꞌuŋa ruŋa nui e tahi. Te nuꞌu nō i maꞌu ꞌi muri i a ia ko Pētero, ko ⌊Tanatiako⌋ ꞌe ko ⌊Iovani⌋. ꞌI ira i huru kē ai a Ietū ꞌi muꞌa i rā nuꞌu.