Marko 10:24 - Rapa Nui

²⁴ He māere rō atu ꞌai tū nuꞌu era ꞌi rā vānaŋa. He kī haka ꞌou e Ietū: —E kuā haŋu ē, ¡ko te aŋa riꞌa-riꞌa mo oꞌo ki roto i te haka tere iŋa ꞌāpī o te ꞌAtua!

Marko 10:24 ပူးပေါင်းရင်းမြစ်များ

Māteo 19:25

I ŋaroꞌa era, he ꞌata māere rō atu ꞌai tāꞌana nuꞌu hāpī, ꞌe he ꞌui: —Mo ai pē ira, ¿ko ai ia te meꞌe mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua?

Marko 1:27

He riꞌa-riꞌa te nuꞌu taꞌatoꞌa koia ko ꞌui ki a rāua ꞌā: «¿He aha nei? ¡Te huru o tōꞌona hāpī iŋa huru ꞌāpī! ¡Te pūai ꞌātā he haꞌatura e te tātane!».

Marko 10:23

He uꞌi a Ietū a ruŋa o te nuꞌu o muri i a ia, ꞌai ka kī ki tāꞌana nuꞌu hāpī: —¡Ko te aŋa riꞌa-riꞌa ꞌō mo te nuꞌu ꞌono mo oꞌo ki roto i te haka tere iŋa ꞌāpī o te ꞌAtua!

Ruka 16:14

I ŋaroꞌa era i tū meꞌe taꞌatoꞌa era e te ⌊fariseo⌋, he nuꞌu nou-nou moni, he haka ka-kata i a Ietū.

Iovani 13:33

»E kuā ŋā poki ꞌāꞌaku ē, e ko noho haka ꞌou atu a au ꞌi muri i a kōrua. E kimi rō mai kōrua. ꞌE pa he meꞌe kī e au ki te nuꞌu ⌊hūrio⌋ ra-rahi ka kī takoꞌa atu ena a au ꞌi te hora nei: e ko tuꞌu atu kōrua ki te kona nei ōꞌoku ka oho nei.

Iovani 21:5

He ohu atu e Ietū: —E kuā hoa, ¿ꞌina ꞌō kōrua ika? He pāhono e rā nuꞌu: —ꞌIna.

Iovani 6:60

I ŋaroꞌa era i te meꞌe nei e te nuꞌu oho ꞌi muri i a Ietū, nuꞌu rahi i kī: —Tū meꞌe kī mai nei meꞌe taꞌe au. ¿Ko ai ia te meꞌe mo haka roŋo?

Karatia 4:19

E te ŋā poki haŋa rahi ꞌāꞌaku ē, pa he māui-ui ŋaroꞌa e te viꞌe aꞌu i te poki te māui-ui ŋaroꞌa e au mo kōrua ꞌātā ka ai rō te kōrua huru taꞌatoꞌa pē Ietū Kiritō ꞌā.

1 Timoteo 6:17

Ki te nuꞌu ꞌono o te ao nei e kī: ꞌina ko manaꞌu i a rāua mau nō te tano, ꞌe ꞌina ko haka noho i te rāua manaꞌu ꞌi ruŋa i te hauhaꞌa; te hauhaꞌa, paꞌi, e ko roa he pau tahi. Te meꞌe o rāua mo aŋa he haka noho i te manaꞌu ꞌi ruŋa i te ꞌAtua. ꞌĀꞌana, paꞌi, te vaꞌai mai ki a tātou i te meꞌe taꞌatoꞌa hai mau mo koa o tātou.

1 Iovani 2:1

E te ŋā poki ꞌāꞌaku ē, e pāpaꞌi atu ena a au i te meꞌe nei ꞌo hara kōrua. ꞌE mo hara tāꞌue e tahi o kōrua, e ai rō ꞌana e tahi kope ꞌi muꞌa o te ꞌAtua mo vānaŋa mo te tātou ora ko Ietū Kiritō, ꞌe a ia he kope aŋa i te meꞌe tī-tika.

1 Iovani 4:4

E ŋā poki, o te ꞌAtua a kōrua, ꞌe ko rē ꞌana ki te ŋā haꞌavare era ꞌo te ai te Vārua ena i a kōrua ꞌata pūai ki te vārua o te ao nei.

1 Iovani 5:21

E ŋā poki, e uꞌi kōrua ꞌo haꞌamuri rō ki te meꞌe taꞌe he ꞌAtua parautiꞌa.

Meꞌe Haka Takeꞌa 3:17

’He ꞌono koe e kī ena, e riva-riva rō ꞌā ꞌe ꞌina e tahi aꞌa meꞌe hape; ꞌe te parautiꞌa ꞌina koe he aŋi-aŋi pē nei ē: a koe, ꞌi te meꞌe o te ꞌAtua, he haka ꞌaroha e tahi, he veve, he matapō ꞌe ꞌina uꞌu kahu uru.