Marko 10:17 - Rapa Nui

¹⁷ I eꞌa era a Ietū mo oho ꞌi tōꞌona ara, he tuꞌu e tahi taŋata e tahuti rō ꞌā, he tū-turi ꞌi muꞌa ꞌe he ꞌui: —E te Maꞌori riva ē, ¿he aha tāꞌaku meꞌe mo aŋa mo ravaꞌa e au i te ora ꞌāpī ꞌina he hopeꞌa raꞌa vaꞌai e te ꞌAtua?

Marko 10:17 ပူးပေါင်းရင်းမြစ်များ

Māteo 17:14

I tuꞌu era a kuā Ietū ki te kona ꞌi ira te nuꞌu, he haka hāhine te taŋata e tahi, he tū-turi ꞌi muꞌa i a Ietū ꞌe he kī:

Māteo 25:34

E kī rō e te ꞌAriki ki te nuꞌu o tōꞌona pāꞌiŋa mataꞌu: “Ka oho mai kōrua, e te nuꞌu haꞌamaitai e tōꞌoku Matuꞌa ē; ka koa kōrua ꞌi te ao vaꞌai atu e te ꞌAtua haka riva-riva e ia mo kōrua mai te hora haꞌamata aŋa e ia i te ao.

Māteo 28:8

He oho tū ŋā viꞌe era mai rā kona e horo-horou rō ꞌā koia ko riꞌa-riꞌa ꞌe ko koa haka ꞌite i tū parau ꞌāpī era ki te nuꞌu hāpī ꞌa Ietū.

Marko 1:40

ꞌI te mahana e tahi he haka hāhine ki a Ietū te taŋata māui-ui ꞌi te rēpera, he noi he tū-turi ꞌai ka kī: —Mo haŋa ōꞌou, i a koe te ora o tōꞌoku māui-ui.

Marko 10:18

He pāhono e Ietū: —¿He aha koe e kī mai ena he taŋata riva a au? E tahi mau nō kope riva: he ꞌAtua.

Marko 12:14

He kī e rā nuꞌu: —E te Maꞌori, ko ꞌite ꞌana a mātou: taꞌa meꞌe kī he parautiꞌa. ꞌIna koe he haka tano i a koe ki te vānaŋa kī e te nuꞌu, ꞌe ꞌina koe he vānaŋa mo haka koa i a rāua. Te meꞌe hāpī ꞌāꞌau he ara parautiꞌa o te ꞌAtua. Ki tuꞌu manaꞌu, ¿ko tano mau ꞌā a tātou e ꞌauhau nei i te moni kī mo ꞌauhau ki te ꞌariki o te rōmano? ¿E ꞌauhau ꞌo ꞌina?

Marko 9:25

ꞌI te uꞌi o Ietū ko ꞌata rahi ko oho ꞌā te taŋata, he ture ki tū tātane era he kī: —E te tātane taꞌe haꞌatiꞌa mo vānaŋa ꞌe mo ŋaroꞌa ē, ka eꞌa koe mai roto i te poki ena, ꞌe ꞌina koe ko uru haka ꞌou ki roto.

Ruka 10:25

He oho e tahi ⌊maꞌori o te haka tere hūrio⌋ he vānaŋa ararua ko Ietū mo haka ꞌatu pē hē ka pāhono era, he ꞌui: —E te Maꞌori, ¿he aha tāꞌaku meꞌe mo aŋa mo ravaꞌa e au i te ora ꞌāpī ꞌina he hopeꞌa raꞌa vaꞌai e te ꞌAtua?

Iovani 3:2

he oho ꞌi te pō e tahi uꞌi i a Ietū ꞌe he kī: —E te Maꞌori, ko ꞌite ꞌana a mātou o te ꞌAtua a koe i uŋa mai mo hāpī i te taŋata; ꞌina, paꞌi, e tahi kope aŋa i te mana aŋa e koe mo kore o te ꞌAtua o muri.

Iovani 5:39

He rara nō te aŋa o kōrua o ruŋa i te meꞌe hāꞌaki ꞌi ruŋa i te ⌊Pāpaꞌi Moꞌa⌋ he manaꞌu e kōrua pē ira ana ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. ꞌE, ka ai atu ꞌai ruŋa e vānaŋa rō ꞌana o ruŋa i a au,

Iovani 6:40

Te haŋa o tōꞌoku Matuꞌa: he ai o te ora ꞌāpī ꞌina he hopeꞌa raꞌa i te nuꞌu taꞌatoꞌa ꞌite ko ai te Poki nei o te ꞌAtua ꞌe haka moe i te manaꞌu ꞌi ruŋa i a ia; ꞌe he haka ora tahi e au ꞌi te mahana o te ture hopeꞌa.

Aŋa o te ꞌĀpōtoro 16:30

He toꞌo i a rāua mai roto i tū kona hopeꞌa era o te raro nui ꞌe he ꞌui: —¿He aha tāꞌaku meꞌe mo aŋa mo eꞌa mai roto i te ūtuꞌa o te hara?

Aŋa o te ꞌĀpōtoro 2:37

I ŋaroꞌa era i rā meꞌe e te nuꞌu taka-taka ꞌi tū kona era, he oꞌo te mamae ki roto i te māhatu, ꞌe he ꞌui ki a Pētero ꞌe ki te tētahi ꞌāpōtoro: —E kuā taina, ¿he aha te mātou meꞌe mo aŋa?

Aŋa o te ꞌĀpōtoro 20:32

»Hora nei, e kuā taina ē, he vaꞌai a au i a kōrua ki te rima o te ꞌAtua mo hāpaꞌo, ꞌe he ani atu mo maꞌu mo oho nō kōrua i te roŋo hāpī atu era e au o ruŋa i te riva rahi o te ꞌAtua. ꞌI te roŋo nei te pūai mo ꞌata haka hio-hio i te kōrua manaꞌu ꞌi ruŋa i a Ietū ki ravaꞌa ai i te meꞌe taꞌatoꞌa hōrea e te ꞌAtua mo te nuꞌu haꞌataꞌa māꞌana.

Aŋa o te ꞌĀpōtoro 9:6

Ka eꞌa ki ruŋa ka oho ki Rāmako; ꞌi ira ka kī atu ena i taꞌa meꞌe mo aŋa.

Rōmano 2:7

Ki te nuꞌu aŋa oho i te meꞌe riva-riva ꞌi te manaꞌu ki te mahana era mo haka koa ꞌe mo haka nui-nui i a rāua e te ꞌAtua, ꞌe ꞌi te haŋa mo ai ꞌi muri i a ia pe muꞌa ka oho ena, ki a rāua ka vaꞌai ena e te ꞌAtua i te ora ꞌāpī ꞌina he hopeꞌa raꞌa.

Rōmano 6:23

Te meꞌe vaꞌai mai e te hara he mate, he haꞌataꞌa mau rō ꞌāvai mai muri i te ꞌAtua. ꞌE te meꞌe vaꞌai mai e te ꞌAtua he ora ꞌāpī ꞌina he hopeꞌa raꞌa ꞌi muri i a ia ꞌi te ai o tātou ꞌa Ietū Kiritō, Pūꞌoko Haka Tere o tātou.

Ēfeto 1:18

ꞌE e ani takoꞌa rō ꞌana a au ki a ia mo haka māꞌeha atu i te kōrua manaꞌu, ki ꞌite ai kōrua he aha te meꞌe ꞌāꞌana mo kōrua pe muꞌa ka oho ena ꞌo te ai o kōrua he nuꞌu haꞌataꞌa māꞌana, ꞌe ki ꞌite takoꞌa ai kōrua i te rahi ꞌe i te nui-nui o te meꞌe hōrea e ia mo tāꞌana nuꞌu,

Tito 3:7

ki aŋi-aŋi riva-riva ai e tātou: pe muꞌa ka oho ena e ravaꞌa rō e tātou i te ora ꞌāpī ꞌina he hopeꞌa raꞌa vaꞌai e te ꞌAtua, pa he hauhaꞌa haka rē e te matuꞌa mo tāꞌana poki. ꞌE e ꞌite nei e tātou i nei meꞌe ꞌo te ai, ꞌi tōꞌona riva rahi, i kī ai e te ꞌAtua: a tātou he nuꞌu tano ki tōꞌona mata.

ꞌEvereo 1:14

Te merahi taꞌatoꞌa, paꞌi, he vārua aŋa ki te ꞌAtua uŋa mo hāꞌūꞌū ki te nuꞌu eꞌa mai roto i te ūtuꞌa o te hara ꞌe ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

1 Pētero 1:4

ꞌe e vaꞌai rō mai i te meꞌe hāpaꞌo mo tātou ꞌi ruŋa i te raŋi, he meꞌe e ko kore, e ko tāpau ꞌe e ko mae-mae ki te hora hopeꞌa.

1 Iovani 2:25

ꞌE te meꞌe hōrea mai era e Ietū Kiritō ko te meꞌe nei: he ora ꞌāpī ꞌina he hopeꞌa raꞌa.