Marko 1:45 - Rapa Nui

⁴⁵ Kai mou rā kope; i ꞌaꞌamu nō ki te taꞌatoꞌa. ꞌO ira ꞌina he tano haka ꞌou a Ietū mo tuꞌu ki te kona nūnaꞌa hare e ꞌite rō ꞌana e te nuꞌu ꞌo putu-putu ꞌi muri. Te aŋa ia ꞌa Ietū he noho a te kona ꞌina he rahi e te taŋata. ꞌE, ka ai atu pē ira, ko te tuꞌu iŋa ꞌā ki a ia te nuꞌu mai te kona taꞌatoꞌa.

Marko 1:45 ပူးပေါင်းရင်းမြစ်များ

Māteo 28:15

He toꞌo ia tū ŋā vaꞌehau era i te moni, ꞌe he eꞌa he oho he aŋa pē rā meꞌe kī era e rā nuꞌu. ꞌE pē ira e ꞌaꞌamu ena e te ⌊hūrio⌋ ꞌātā ki ꞌaŋarīnā.

Māteo 9:26

ꞌI te taꞌatoꞌa nō kona o ira i ꞌite ai o ruŋa i tū parau ꞌāpī era.

Māteo 9:31

ꞌE, ka ai atu pē ira, te meꞌe raꞌe i aŋa i eꞌa ai mai rā kona, he ꞌaꞌamu a te kona taꞌatoꞌa i tū meꞌe aŋa era e Ietū.

Marko 2:13

ꞌI te mahana e tahi he hoki a Ietū ki te taha-taha o te vai era ko Karirea. E haꞌere nō ꞌana, he piri te taŋata ꞌe he hāpī he oho e Ietū.

Marko 3:20

I hoki era a kuā Ietū ki te hare noho o rāua, he taka-taka haka ꞌou te taŋata ꞌi ira. ꞌI te rahi, ꞌina he ravaꞌa te hora mo kai o rāua.

Marko 3:7

E tahi mahana he oho a Ietū ananake ko tāꞌana nuꞌu hāpī ki te taha-taha o te vai era ko Karirea. ꞌI muri i a rāua i oho ai meꞌe rahi taŋata noho hāhine ki ira.

Marko 7:36

He kī e Ietū ki te nuꞌu mo taꞌe vānaŋa o ruŋa o tū meꞌe era, ꞌe, ka ai atu i rahi rō tōꞌona kī iŋa, ko te ꞌaꞌamu iŋa ꞌā e te nuꞌu.

Iovani 6:2

Nuꞌu rahi te nuꞌu i oho ꞌi muri ꞌo te takeꞌa i te mana aŋa e ia, he haka ora i te māui-ui.

Tito 1:10

Te tumu o tāꞌaku vānaŋa taꞌatoꞌa nei, e Tito ē: rahi riꞌa-riꞌa te nuꞌu o roto i te nūnaꞌa taŋata haka moe i te manaꞌu ꞌi ruŋa i a Ietū ꞌina he haŋa haka ꞌou mo haka roŋo ꞌe mo haꞌatura ki te roŋo parautiꞌa. ꞌI roto i a rāua e ai rō ꞌana te ⌊hūrio⌋ e maꞌu nō ꞌā i te ⌊haka tere iŋa era ꞌa Mōtē⌋, ꞌe e hāpī rō ꞌā ki te nuꞌu pē nei ē: ꞌāmui ki te haka moe i te manaꞌu ꞌi ruŋa i a Ietū e hore takoꞌa te kiri o te kinoŋa. Te meꞌe nei taꞌe he parautiꞌa ꞌe ꞌina e tahi hauhaꞌa. Ka ai atu pē ira, meꞌe rahi nuꞌu e haka roŋo rō ꞌā ki a rāua.