Marko 1:39 - Rapa Nui

³⁹ ꞌI roto i te hare pure hūrio o te kona taꞌatoꞌa o Karirea e haka ꞌite era a Ietū i te roŋo, ꞌe, takoꞌa, e haka eꞌa era i te tātane mai roto i te taŋata.

Marko 1:39 ပူးပေါင်းရင်းမြစ်များ

Māteo 4:23

A te kona taꞌatoꞌa o Karirea e haꞌere e oho era a Ietū, e hāpī ꞌana ꞌi roto i te ⌊hare pure hūrio⌋ taꞌatoꞌa o rā ŋā kona. E haka ꞌite ꞌana i te parau ꞌāpī riva-riva o te ⌊haka tere iŋa ꞌāpī o te ꞌAtua⌋ ꞌe e haka ora ꞌā i te māui-ui taꞌatoꞌa.

Māteo 9:35

A te kona taꞌatoꞌa e hāpī e oho era e Ietū ꞌi roto i te ⌊hare pure hūrio⌋, e haka ꞌite ꞌā o ruŋa i te roŋo riva-riva o te ⌊haka tere iŋa ꞌāpī o te ꞌAtua⌋ ꞌe e haka ora ꞌā meꞌe rahi nō atu huru o te māui-ui.

Marko 1:21

He oho ia a Ietū ananake ko tū nuꞌu era ki Kaperenāū. I tano era te ⌊mahana haka ora⌋, he uru a Ietū ki roto i te ⌊hare pure hūrio⌋ he hāpī i te taŋata.

Marko 1:23

E hāpī nō ꞌā a Ietū, he oꞌo e tahi taŋata ko uru ꞌā e te tātane, he ohu:

Marko 1:38

He kī ia e Ietū: —Mai tātou ki oho hai kona taŋata hāhine mai ki haka ꞌite a au i te roŋo o te ꞌAtua ꞌi rā ŋā kona takoꞌa. Mo ira, paꞌi, a au i oho mai ai.

Marko 3:1

ꞌI te mahana haka ora haka ꞌou e tahi, he oho a Ietū ki te ⌊hare pure hūrio⌋. ꞌI roto e tahi taŋata rima rehe-rehe.

Marko 6:6

ꞌE a Ietū ko māere ꞌā ꞌi te nuꞌu o ira ꞌi te taꞌe ⌊haka moe i te manaꞌu⌋ ꞌi ruŋa i a ia. He eꞌa ia a Ietū he oho ki kona era ki kona era e hāpī ꞌā i te taŋata.

Marko 7:30

I tuꞌu era rā viꞌe ki tōꞌona hare, he takeꞌa ꞌi ruŋa i te roꞌi i tū poki era; te tātane ko eꞌa ꞌā mai roto i a ia.

Ruka 4:41

I rahi rō te nuꞌu o rā nuꞌu māui-ui era mai roto takoꞌa i eꞌa ai te tātane koia ko ohu: —¡He Poki koe o te ꞌAtua! He ture e Ietū ki rā ŋā tātane ꞌe, ꞌi te ꞌite o rāua a ia he ⌊Kiritō⌋, ꞌina he haka rē e Ietū mo vānaŋa.