Marko 1:28 - Rapa Nui

²⁸ ꞌE kai roa te parau ꞌāpī o ruŋa i a Ietū i tuꞌu ai ki te kona taꞌatoꞌa o Karirea.

Marko 1:28 ပူးပေါင်းရင်းမြစ်များ

Māteo 4:24

ꞌI te kona taꞌatoꞌa o Tīria e ꞌaꞌamu era o ruŋa i te meꞌe aŋa e Ietū. He maꞌu ia e te taŋata o ira i te nuꞌu huru kē huru kē te rāua māui-ui, te nuꞌu oꞌo e te tātane, te nuꞌu māui-ui kiki-kiki, te nuꞌu taꞌe makenu o te hakari, ꞌe he haka ora tahi e Ietū.

Māteo 9:26

ꞌI te taꞌatoꞌa nō kona o ira i ꞌite ai o ruŋa i tū parau ꞌāpī era.

Māteo 9:31

ꞌE, ka ai atu pē ira, te meꞌe raꞌe i aŋa i eꞌa ai mai rā kona, he ꞌaꞌamu a te kona taꞌatoꞌa i tū meꞌe aŋa era e Ietū.

Marko 1:27

He riꞌa-riꞌa te nuꞌu taꞌatoꞌa koia ko ꞌui ki a rāua ꞌā: «¿He aha nei? ¡Te huru o tōꞌona hāpī iŋa huru ꞌāpī! ¡Te pūai ꞌātā he haꞌatura e te tātane!».

Marko 1:29

I eꞌa era a kuā Ietū mai roto i te hare pure, he oho koia ko Tanatiako ꞌe ko Iovani ki te hare o Tīmona ꞌe o Antarea. I tuꞌu era he uru ananake.

Marko 1:45

Kai mou rā kope; i ꞌaꞌamu nō ki te taꞌatoꞌa. ꞌO ira ꞌina he tano haka ꞌou a Ietū mo tuꞌu ki te kona nūnaꞌa hare e ꞌite rō ꞌana e te nuꞌu ꞌo putu-putu ꞌi muri. Te aŋa ia ꞌa Ietū he noho a te kona ꞌina he rahi e te taŋata. ꞌE, ka ai atu pē ira, ko te tuꞌu iŋa ꞌā ki a ia te nuꞌu mai te kona taꞌatoꞌa.

Ruka 4:17

He puka o te perofeta era ko ꞌItaia te meꞌe i vaꞌai. He mātaki ꞌi te kona e hāꞌaki rō ꞌā pē nei ē:

Ruka 4:37

ꞌE he ꞌata rahi rō ꞌai te vānaŋa o ruŋa i a Ietū ꞌi te kona taꞌatoꞌa hāhine ki ira.

Ruka 7:17

Te taŋata taꞌatoꞌa o Hūrea ꞌe o te kona taꞌatoꞌa hāhine ki ira he ꞌite o ruŋa i tū meꞌe aŋa era e Ietū.