Marko 1:24 - Rapa Nui

²⁴ —¿He aha taꞌa meꞌe haŋa i a mātou, e Ietū o Nātāreta ē? ¿E oho mai ꞌana koe mo haka kore i a mātou? Ko ꞌite ꞌana a au ko ai koe: he kope moꞌa uŋa mai e te ꞌAtua.

Marko 1:24 ပူးပေါင်းရင်းမြစ်များ

Māteo 2:23

I tuꞌu era ki Karirea he oho he noho ꞌi Nātāreta. Te meꞌe nei i topa ai tano ki te meꞌe kī e te perofeta o ruŋa i te Kiritō pē nei ē: «E kī rō i a ia he taŋata o Nātāreta».

Māteo 8:29

He haꞌamata e te tātane he ohu: —¡E te Poki o te ꞌAtua ē! ¿He aha taꞌa meꞌe haŋa i a mātou? ¿I oho mai ai koe mo tōtōā mai kai tano hia ꞌā te hora?

Marko 1:23

E hāpī nō ꞌā a Ietū, he oꞌo e tahi taŋata ko uru ꞌā e te tātane, he ohu:

Marko 1:25

He kī e Ietū ki tū tātane era: —¡Ka mou ꞌe ka eꞌa koe mai roto i te taŋata ena!

Marko 10:47

I ŋaroꞌa era ko Ietū o Nātāreta te meꞌe vari a ira, he haꞌamata he ohu: —¡E Ietū, e te Hakaara o ⌊Tāvita⌋ ē, ka haka ꞌaroha koe i a au!

Marko 14:67

I takeꞌa era i a Pētero e haka mahana ꞌā ꞌi muri i te ahi, he noho he uꞌi riva-riva ꞌe he kī: —Ē, a koe o roto i te nuꞌu oho ꞌi muri i a Ietū era o Nātāreta.

Marko 16:6

He kī e rā taŋata: «ꞌIna ko riꞌa-riꞌa. A kōrua e kimi ꞌana i a Ietū era o Nātāreta, kope veo era ꞌi ruŋa i te tātaurō. A ia ko ora haka ꞌou ꞌā; ꞌina o nei. Ka uꞌi nō a te kona haka rē era i a ia».

Marko 5:7

ꞌe, i toꞌo te reꞌo ki roto era, i kī ai: —¡Ka haka rē koe i a au, e Ietū, e te Poki o te ꞌAtua o te raŋi ē! ¡Ka haka ꞌaroha koe i a au; ꞌina koe ko tōtōā mai!

Ruka 1:35

He pāhono e te merahi: —E topa rō atu te Vārua Maitai, ꞌe ꞌi ruŋa i a koe ka noho ena te mana o te ꞌAtua. ꞌO ira te poki ka poreko ena ꞌina e ko ravaꞌa e te hara; e kī rō he Poki o te ꞌAtua.

Ruka 24:19

He ꞌui e Ietū: —¿He aha rā te meꞌe i topa? He kī e rā nuꞌu: —He meꞌe i topa ki a Ietū o Nātāreta. A ia he perofeta pūai e tahi ki te mata o te ꞌAtua ꞌe ki te taŋata taꞌatoꞌa hai meꞌe aŋa ꞌe vānaŋa e ia.

Ruka 4:34

—¿He aha taꞌa meꞌe haŋa i a mātou, e Ietū o Nātāreta ē? ¿E oho mai ꞌana koe mo haka kore i a mātou? Ko ꞌite ꞌana a au ko ai koe: he kope moꞌa uŋa mai e te ꞌAtua.

Ruka 8:28

I takeꞌa era i a Ietū, he tū-turi ꞌi muꞌa koia ko ohu: —¡Ka haka rē koe i a au, e Ietū, e te Poki o te ꞌAtua o te raŋi ē! ¡Ka haka ꞌaroha koe i a au; ꞌina koe ko tōtōā mai!

Ruka 8:37

He haꞌamata he ani e te nuꞌu taꞌatoꞌa o Hērata ki a Ietū mo oho mai rā kona, he riꞌa-riꞌa o rāua. He eke ia a Ietū ki ruŋa ki te vaka ꞌe he eꞌa he oho rō ꞌai.

Iovani 6:69

ꞌE a mātou e haka moe rō ꞌana i te manaꞌu ꞌi ruŋa i a koe ꞌe ko ꞌite ꞌā: he kope moꞌa uŋa mai koe e te ꞌAtua.

Aŋa o te ꞌĀpōtoro 2:27

E ko haka rē koe i tōꞌoku vārua ꞌi muri i te nuꞌu mate ꞌe e ko haꞌatiꞌa koe mo piro o te hakari o tuꞌu tāvini haꞌataꞌa ꞌe haꞌatura ki a koe.

Aŋa o te ꞌĀpōtoro 24:5

Ki te mātou uꞌi te taŋata ena he ꞌati e tahi: he oho nō te aŋa a te kona taꞌatoꞌa haka tumu i te ture ꞌi roto i te ⌊hūrio⌋. A ia he pūꞌoko haka tere e tahi o te nuꞌu maꞌu i te hāpī reo-reo o tū kope era o Nātāreta.

Aŋa o te ꞌĀpōtoro 3:14

Kai haŋa a kōrua mo kī mo haka eꞌa i te taŋata aŋa i te meꞌe tī-tika ꞌe ꞌina he hara; he taŋata taparahi-taꞌata i haŋa e kōrua mo haka eꞌa.

Aŋa o te ꞌĀpōtoro 4:27

»He aŋi mau ꞌā a ⌊ꞌErore⌋, a Pontio Pirato, te nuꞌu taꞌe he hūrio, ꞌe te itaraera i haka piri tahi rō ꞌi nei ꞌi Hērutarema mo aŋa i te meꞌe taꞌe tano ki tuꞌu tāvini moꞌa ko Ietū, haꞌataꞌa e koe mo Kiritō.

Tanatiako 2:19

A koe e manaꞌu ena: te ꞌAtua e tahi mau nō, ꞌe he aŋi ꞌā. Ka ai atu pē ira, taꞌe hai ꞌite i rā meꞌe ana tano kōrua ki tōꞌona mata. Te tātane, paꞌi, e ꞌite takoꞌa rō ꞌā ꞌe e rurū rō ꞌana ꞌi te riꞌa-riꞌa.

1 Iovani 2:20

ꞌE a kōrua ko haꞌataꞌa ꞌana e Ietū Kiritō māꞌana hai vaꞌai atu i te ⌊Vārua Maitai⌋. ꞌO ira a kōrua taꞌatoꞌa e ꞌite ena i te hāpī parautiꞌa.

Meꞌe Haka Takeꞌa 3:7

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o Pīrārēpia: “Pē nei te kī o te kope ꞌina he hara ꞌe a ia he parautiꞌa, kope i a ia te tāviri o te ꞌariki era ko ⌊Tāvita⌋, ꞌe kope mo mātaki e tahi meꞌe, ꞌina he rua kope mo puru; ꞌe mo puru e tahi meꞌe, ꞌina he rua kope mo mātaki: