Kōrosa 4:8 - Rapa Nui

⁸ ꞌO ira a au i uŋa atu ena i a ia mo haka ꞌite atu pē hē a mātou ꞌe mo haka koa ꞌe mo haka pūai i te kōrua manaꞌu ꞌi ruŋa i a Ietū.

Kōrosa 4:8 ပူးပေါင်းရင်းမြစ်များ

1 Kōrinto 4:17

Mo te ŋā meꞌe nei i uŋa atu ena au i a Timoteo mo hāꞌūꞌū atu i a kōrua. A ia pa he poki haŋa rahi ꞌāꞌaku taꞌe haka rē ki te hora hopeꞌa i te aŋa o te ꞌAtua. Māꞌana e haka manaꞌu atu i tōꞌoku haka tere iŋa pa he kope haka moe i te manaꞌu ꞌi ruŋa i a Ietū Kiritō. Tōꞌoku haka tere iŋa, paꞌi, e tano rō ꞌā ki tāꞌaku meꞌe mau nei ꞌā e hāpī e oho nei ki te nūnaꞌa taŋata haka moe i te rāua manaꞌu ꞌi ruŋa i a Ietū o te kona taꞌatoꞌa vari ōꞌoku.

2 Kōrinto 1:4

ꞌI roto i te tātou ꞌati taꞌatoꞌa he haka koa ꞌe he haka pūai nō mai te aŋa e ia, mo ꞌite takoꞌa o tātou mo haka koa ꞌe mo haka pūai i te nuꞌu e ai rō ꞌana te rāua ꞌati hai hāꞌūꞌū vaꞌai mau mai era ꞌā e ia.

2 Kōrinto 12:18

Ki a Tito a au i uŋa atu ai mo oho atu mo uꞌi i a kōrua, ꞌe ꞌi muri i a ia e tahi taina haka ꞌou. ¿Ka kī ꞌō i toꞌo rō a Tito i te kōrua moni hai reo-reo? ꞌIna. A māua, paꞌi, pē tū haka tere iŋa ꞌā ꞌe e tahi mau nō māua manaꞌu.

Ēfeto 6:22

ꞌO ira i uŋa atu ena e au mo haka ꞌite atu pē hē a mātou. Pē ira he koa a kōrua ꞌe he pūai te manaꞌu ꞌi ruŋa i a Ietū.

Fīripo 2:28

ꞌĪ a au he haka keꞌo-keꞌo he haka uŋa atu mo koa o kōrua ꞌo te takeꞌa haka ꞌou i a ia, ꞌe pē ira e ko manaꞌu rahi haka ꞌou atu a au.

Kōrosa 2:2

Tāꞌaku meꞌe haŋa: he pūai o te kōrua manaꞌu ꞌi ruŋa i te ꞌAtua, he pūai he oho te kōrua haŋa ꞌi roto i a kōrua, mo ai e tahi mau nō manaꞌu, ꞌe he ŋaroꞌa e kōrua i te koa ꞌe i te ora o te nuꞌu aŋi-aŋi riva-riva o ruŋa i te parautiꞌa taꞌe haka ꞌite e te ꞌAtua ꞌi muꞌa ꞌā, ꞌe nei parautiꞌa ko Ietū Kiritō.

1 Tētārōnika 2:11

Ko ꞌite takoꞌa ꞌana a kōrua pē hē a mātou i haka haŋu ꞌe i haka koa atu ai i a kōrua pa he meꞌe aŋa e te matuꞌa tane ki tāꞌana ŋā poki. Ko hatu atu ꞌā e mātou mo ai o te kōrua noho iŋa, noho iŋa tano o te nuꞌu o te ꞌAtua, kope kī mai ꞌi roto i te tātou māhatu mo oꞌo ki roto o te nūnaꞌa taŋata haka tere e ia, ꞌe ki roto i tōꞌona nui-nui.

1 Tētārōnika 3:2

ꞌe mo uŋa atu i te tātou taina ko Timoteo mo uꞌi i a kōrua. A ia he taŋata hāꞌūꞌū ꞌi te aŋa he haka ꞌite i te ⌊roŋo riva-riva o ruŋa i a Ietū Kiritō⌋. I uŋa atu ai e mātou mo ꞌata haka pūai ꞌe mo ꞌata haka haŋu i te kōrua haka moe iŋa i te manaꞌu ꞌi ruŋa i a Ietū,

1 Tētārōnika 3:5

ꞌO ira, ꞌi te niva-niva o mātou ꞌo te taꞌe ꞌite mai hoki e haka moe e oho nō ꞌana kōrua i te manaꞌu ꞌi ruŋa i a Ietū, i uŋa atu ai au i a Timoteo mo ꞌite mai o ruŋa i a kōrua. Tōꞌoku riꞌa-riꞌa: ꞌo hoa kōrua i te kōrua haka moe iŋa i te manaꞌu ꞌi ruŋa i a Ietū ka haka ꞌatu atu ena i a kōrua e Rukifero, ꞌe ꞌo māuꞌa te mātou aŋa ꞌi roto i a kōrua.

1 Tētārōnika 4:18

E haka koa kōrua i a kōrua ꞌā hai ŋā vānaŋa nei.

1 Tētārōnika 5:11

ꞌO ira, ꞌi roto i a kōrua e haka koa, e haka pūai te kōrua manaꞌu ꞌi ruŋa i a Ietū, pa he meꞌe mau ena ꞌā e kōrua e aŋa mai ena.

1 Tētārōnika 5:14

He ani takoꞌa atu mātou, e te taina ē: e haka pūai te manaꞌu o te nuꞌu e riꞌa-riꞌa rō ꞌā, e hāꞌūꞌū ki te nuꞌu ꞌina he pūai te rāua haka moe iŋa i te manaꞌu ꞌi ruŋa i a Ietū, e kī ki te nuꞌu hupe-hupe: «e aŋa», ꞌe e ꞌite kōrua mo haꞌaoromaꞌi i te taꞌatoꞌa.

2 Tētārōnika 2:17

e haka pūai atu i te māhatu ꞌe e vaꞌai atu i te pūai mo aŋa ꞌe mo kī mo oho i te meꞌe riva-riva mau nō.