Kōrosa 4:6 - Rapa Nui

⁶ Ana vānaŋa hai koa ꞌe e reka rō ꞌana, ki haka roŋo atu ai. ꞌE e ꞌite takoꞌa kōrua mo pāhono riva-riva i te rāua ꞌui o ruŋa i a Ietū.

Kōrosa 4:6 ပူးပေါင်းရင်းမြစ်များ

Māteo 5:13

»A kōrua he miti mo te taŋata o te ao nei. Mo kore tāꞌue te maŋeo o te miti, ꞌina ōꞌona hauhaꞌa toe; ꞌina paꞌi, he rāveꞌa mo haka maŋeo haka ꞌou. He hoa ki te ara ꞌe he rei-rei e te taŋata.

Marko 9:50

Te miti, paꞌi, meꞌe riva-riva; ꞌe mo taꞌe maŋeo, ¿pē hē ia ana haka riva-riva haka ꞌou? A kōrua e hāpaꞌo ꞌo kore te kōrua maŋeo, ꞌe e noho hai haumārū ꞌi roto i a kōrua.

Ruka 4:22

Te nuꞌu taꞌatoꞌa o ira e koa rō ꞌā e vānaŋa era o ruŋa i a Ietū ꞌe ko māere tahi ꞌana ꞌi te meꞌe nehe-nehe kī e ia. He ꞌui ki a rāua ꞌā: —¿Pē hē ia te meꞌe nei? Ko tū poki era ꞌa ⌊Kōsē⌋, paꞌi, te kope nei.

Ēfeto 4:29

ꞌIna ko parauꞌino ꞌe ꞌina ko kī i te vānaŋa mo taꞌe au o te rua. Te meꞌe mau nō o kōrua mo vānaŋa he meꞌe riva-riva mo hāꞌūꞌū i te rua.

Kōrosa 3:16

E te taina, e maꞌu te roŋo ꞌa Ietū Kiritō ꞌi roto i te kōrua māhatu, ki haka tika ai nei roŋo i te kōrua manaꞌu ꞌe i te kōrua meꞌe aŋa. E hāpī ꞌe e hatu ki te rua, hai mārama-rama, mo haꞌatura o rāua ki te ꞌAtua. E hīmene kōrua i te vānaŋa o te ꞌAtua aŋa mo hīmene, i te tētahi hīmene haꞌahana-hana mo te ꞌAtua, ꞌe i te meꞌe haka hīmene e te ⌊Vārua Maitai⌋ koia ko māuru-uru ki te ꞌAtua hai māhatu.

1 Pētero 3:15

Te meꞌe o kōrua mo aŋa: he haꞌamuri ki a Ietū Kiritō ꞌi roto i te māhatu pa he Pūꞌoko Haka Tere o kōrua i a ia te kī iŋa hopeꞌa o te meꞌe mo topa atu ki a kōrua. ꞌE ꞌi te hora taꞌatoꞌa e ꞌite pē hē kōrua ka pāhono ena ki te nuꞌu ꞌui atu he aha kōrua e haka moe ena i te manaꞌu ꞌi ruŋa i a Ietū.