Kōrosa 4:10 - Rapa Nui

¹⁰ ꞌĪ a Aritarako e ꞌaroha atu ena mo kōrua; a ia he hokorua ōꞌoku ꞌi roto i te hare maꞌuꞌaurī. ꞌE a Marko, poki o te taina poreko o te matuꞌa o Verenāvē, ꞌī e ꞌaroha takoꞌa atu ena mo kōrua. ꞌE nā a au ko pāpaꞌi atu ꞌā o ruŋa i a ia; ana tuꞌu atu, e hāpaꞌo riva-riva.

Kōrosa 4:10 ပူးပေါင်းရင်းမြစ်များ

Firemono 1:24

ꞌE, ꞌī e ꞌaroha takoꞌa atu ena a Marko, a Aritarako, a Rema, ꞌe a Ruka, nuꞌu hāꞌūꞌū mai ꞌi tāꞌaku aŋa.

2 Timoteo 4:11

Ko Ruka mau nō te meꞌe ꞌi muri i a au. E uꞌi e kimi mai a Marko ꞌe ꞌai ka maꞌu rō mai ꞌi muri i a koe mo hāꞌūꞌū mai ꞌi tāꞌaku aŋa.

Aŋa o te ꞌĀpōtoro 19:29

Kai roa he ꞌite te nuꞌu taꞌatoꞌa o rā kona o ruŋa i tū meꞌe era ꞌe he mira-mira rō atu ꞌai te manaꞌu. He ꞌa-ꞌaru ia i a Kāio ararua ko Aritarako, he ŋāŋata o Mātērōnia oho ꞌi muri i a Pauro, he to-toi he oho ki te kona nui-nui e tahi aŋa mo taka-taka o te taŋata.

Aŋa o te ꞌĀpōtoro 27:2

I eke ai a mātou ki ruŋa i te pahī e tahi ko hāhine ꞌā mo reva ki ꞌĀtia tuꞌu atu mai te kona ꞌuahu era o Ataramītio. ꞌI muri i a mātou i oho takoꞌa atu ai te taŋata e tahi te ꞌīŋoa ko Aritarako o Tētārōnika, he kona o Mātērōnia.

Aŋa o te ꞌĀpōtoro 20:4

ꞌI muri i a Pauro i oho takoꞌa ai a Topatere o Vērea, poki ꞌa Piro; a Aritarako ꞌe a Sekuntano o Tētārōnika, a Kāio o Reve, a Timoteo, a Tīkiko ꞌe a Toropimo o ꞌĀtia.

Aŋa o te ꞌĀpōtoro 12:12

I aŋi-aŋi era e Pētero i tū meꞌe era, he oho ki te hare o ⌊Māria⌋, matuꞌa o Iovani, kī takoꞌa ko Marko. ꞌI ira e taka-taka rō ꞌana meꞌe rahi nuꞌu e pure ꞌā.

1 Pētero 5:13

Te nuꞌu haka moe i te manaꞌu ꞌi ruŋa i a Ietū o ⌊Vāvīrōnia⌋, haꞌataꞌa e te ꞌAtua māꞌana, pa he haꞌataꞌa iŋa ena i a kōrua, ꞌī e ꞌaroha atu ena ꞌe pē ira takoꞌa ꞌana a Marko, he kope pa he poki ꞌā ꞌāꞌaku.

Rōmano 16:7

E ꞌaroha ki a Anatoroniko ꞌe ki a Hūnia, he ⌊hūrio⌋ takoꞌa pē au ꞌā, ꞌe he hokorua era ōꞌoku ꞌi roto i te hare maꞌuꞌaurī. He ⌊ꞌāpōtoro⌋ moꞌa rahi a rāua, ꞌe ꞌi raꞌe ki a au i haka moe ai i te rāua manaꞌu ꞌi ruŋa i a Ietū.

Rōmano 16:2

Ki tuꞌu atu, e uꞌi kōrua e haka naho-naho i a ia ꞌo te ai takoꞌa ōꞌona ꞌa Ietū, he meꞌe mau ꞌā, paꞌi, mo aŋa e tātou e te taina haka moe i te manaꞌu ꞌi ruŋa i a Ietū. ꞌE mo hape o te meꞌe, e hāꞌūꞌū kōrua. I rahi rō, paꞌi, te nuꞌu i hāꞌūꞌū e ia, ꞌātā i hāꞌūꞌū takoꞌa rō mai i a au.

Aŋa o te ꞌĀpōtoro 13:13

He eke ia a Pauro ananake ko te nuꞌu o muri i a ia ki ruŋa i te pahī ꞌe he oho mai Pafo ki Perehē, he kona e tahi o Panafiria. ꞌI ira i haka rē ai e Iovani i rā nuꞌu ꞌe he hoki he oho ki Hērutarema.

Aŋa o te ꞌĀpōtoro 4:36

Pē ira i aŋa ai e te taŋata ⌊rēvita⌋ e tahi te ꞌīŋoa ko ⌊Kōsē⌋ o te motu ko Tīpere, nape e te ꞌāpōtoro ko Verenāvē (te auraꞌa: «he kope hāꞌūꞌū i te rua»).

Aŋa o te ꞌĀpōtoro 13:5

I tuꞌu era ki Taramina, he kona o Tīpere, he haꞌamata he haka ꞌite i te ⌊roŋo riva-riva o te ꞌAtua⌋ ꞌi te ⌊hare pure hūrio⌋ taꞌatoꞌa o ira. I oho takoꞌa rō a ⌊Iovani⌋ ꞌi muri i a rāua mo hāꞌūꞌū.

Aŋa o te ꞌĀpōtoro 12:25

A Verenāvē ararua ko Sauro, i oti era te rāua aŋa ꞌi Hērutarema, he hoki he oho ki Antiokia. ꞌI muri i a rāua i oho ai a Iovani, kī takoꞌa ko Marko.

Firemono 1:23

ꞌĪ a Epafara e ꞌaroha atu ena; a ia he hokorua ōꞌoku ꞌi roto i te hare maꞌuꞌaurī ꞌo te haka ꞌite takoꞌa o ruŋa i a Ietū Kiritō.