Kōrosa 3:3 - Rapa Nui

³ A kōrua, paꞌi, ko mate ꞌana, te auraꞌa, ko haka rē ꞌana te kōrua noho iŋa raꞌe era. ꞌE hora nei, te kōrua noho iŋa ꞌāpī ena pa he meꞌe: ꞌi muri i a Ietū Kiritō ꞌi muꞌa o te ꞌAtua. Te noho iŋa nei ꞌina he aŋi-aŋi e te taŋata

Kōrosa 3:3 ပူးပေါင်းရင်းမြစ်များ

Māteo 11:25

ꞌI rā hora i pure i kī ai e Ietū: «He haꞌahana-hana atu a au ki a koe, e Koro, e te ꞌAtua o te raŋi ꞌe o te henua ē, ꞌo te taꞌe haka takeꞌa ōꞌou i taꞌa meꞌe naꞌa ki te nuꞌu manaꞌu ko rāua mau nō te nuꞌu ꞌite ꞌe mārama-rama, ꞌe ki te nuꞌu pa he ŋā poki a koe i haka takeꞌa ai.

Iovani 14:19

Mahana taꞌe rahi nō te mahana toe mo takeꞌa i a au e te nuꞌu o te ao nei taꞌe haka moe i te manaꞌu ꞌi ruŋa i a au. Mo kōrua nō a au e takeꞌa, ꞌe he ora kōrua ꞌi te ai e ora rō ꞌana a au.

Iovani 3:16

»ꞌI te haŋa rahi o te ꞌAtua ki te taŋata taꞌatoꞌa o te ao, he vaꞌai i tāꞌana Poki mau nō era e tahi mo mate, ꞌe nuꞌu nō era mo haka moe i te manaꞌu ꞌi ruŋa, e ko haka tapa e te ꞌAtua mai muri i a ia ꞌe e ko haka ūtuꞌa; he vaꞌai i te ora ꞌāpī ꞌina he hopeꞌa raꞌa.

Iovani 4:14

ꞌe, te kope unu i te vai vaꞌai e au, e ko pohe haka ꞌou. Te vai vaꞌai e au ꞌi roto i a ia pa he kona tehe vai ꞌina he oti ꞌe mai ira he ravaꞌa e ia i te ora ꞌāpī ꞌina he hopeꞌa raꞌa vaꞌai e te ꞌAtua.

Iovani 5:21

»Pa he vaꞌai iŋa e te Matuꞌa ki te taŋata mate i te ora, pē ira takoꞌa te Poki ka vaꞌai ena i te ora ki te kope nō era ꞌāꞌana i haŋa.

Iovani 5:24

»ꞌĪ a au he kī atu: te kope haka roŋo i tāꞌaku vānaŋa ꞌe haka moe i tōꞌona manaꞌu ꞌi ruŋa i te kope uŋa mai i a au, i a ia te ora ꞌāpī ꞌina he hopeꞌa raꞌa, ꞌe ꞌina he ūtuꞌa mōꞌona. Ko haka eꞌa ꞌana, paꞌi, e te ꞌAtua mai te ara o te mate ꞌe ko haka noho ꞌana ꞌi roto i te ara o te ora.

Iovani 5:40

ꞌina a kōrua he haŋa mo haka moe i te manaꞌu ꞌi ruŋa i a au ki ravaꞌa ai e kōrua i rā ora.

Rōmano 5:10

ꞌE, i ai era ko haka riva-riva ꞌā e te ꞌAtua i a tātou ki a ia hai mate o tāꞌana Poki ꞌi te hora e ꞌenemī rō ꞌā a tātou mōꞌona, hora nei ia, he hora e riva-riva rō ꞌana a tātou ko te ꞌAtua, e ꞌite nei a tātou e ko taꞌe haka eꞌa e te ꞌAtua i a tātou mai roto i te ūtuꞌa o te hara ꞌi te ai e ora rō ꞌana tāꞌana Poki.

Rōmano 5:21

Te meꞌe ravaꞌa e te taŋata mai te hara he mate, he haꞌataꞌa mau rō ꞌāvai mai te ꞌAtua. ꞌE te meꞌe ravaꞌa mai te riva rahi o te ꞌAtua he tano ki tōꞌona mata ꞌe he ora ꞌāpī ꞌina he hopeꞌa raꞌa hai meꞌe aŋa era ꞌi ruŋa i te tātaurō e te tātou Pūꞌoko Haka Tere ko Ietū Kiritō.

Rōmano 6:11

ꞌE a kōrua, e manaꞌu pē nei ē: ko mate takoꞌa ꞌā i a kōrua te pūai o te hara, ꞌe te ora ꞌāpī o kōrua o te hora nei mo aŋa, hai Ietū Kiritō, i te meꞌe haŋa o te ꞌAtua.

Rōmano 6:2

¡Taꞌe pē ira! Ko mate ꞌā i a tātou te hara. ¿He aha ia a tātou ana noho nō ꞌi roto i te hara?

Rōmano 8:2

ꞌi te meꞌe era te Vārua Maitai, vaꞌai i te ora ki te nuꞌu ꞌa Ietū Kiritō, haka tere i a tātou ꞌi te hora nei, ko haka eꞌa ꞌana i a tātou mai roto i te pūai o te hara maꞌu i a tātou ki te mate.

1 Kōrinto 15:45

Pē nei e hāꞌaki ena ꞌi ruŋa i te Pāpaꞌi Moꞌa: «Ki te taŋata raꞌe era ko ꞌĀtamu i vaꞌai ai e te ꞌAtua i te ora ki tōꞌona hakari mo noho ꞌi te ao nei»; ꞌe ki a ꞌĀtamu hopeꞌa ena, ko Ietū Kiritō, i vaꞌai ai i te parau mo vaꞌai i te ora ꞌāpī ꞌina he hopeꞌa raꞌa mo noho ꞌi te raŋi.

1 Kōrinto 2:14

Te kope taꞌe haka moe i te manaꞌu ꞌi ruŋa i a Ietū ꞌe kore o te Vārua Maitai o roto i a ia ꞌina he toꞌo mōꞌona i te hāpī haka ꞌite e te Vārua Maitai; te hāpī nei he meꞌe maꞌa-maꞌa e tahi mōꞌona. ꞌE ꞌina e ko aŋi-aŋi, ꞌi te meꞌe era o te Vārua Maitai mau nō te haka aŋi-aŋi i te auraꞌa parautiꞌa o rā hāpī.

2 Kōrinto 5:14

Te meꞌe haka tere, paꞌi, i a mātou he haŋa o te Kiritō mo tātou mo te taŋata mai te hora aŋi-aŋi: he kope mau nō e tahi te meꞌe i mate mo te taꞌatoꞌa ꞌe e tuꞌu rō ꞌā pa he meꞌe ena ē: taꞌatoꞌa nō i mate ai.

2 Kōrinto 5:7

E haka tere nei a mātou ꞌi te ao nei hai ⌊haka moe i te manaꞌu⌋ ꞌi ruŋa i a ia ꞌe ꞌi ruŋa i tāꞌana meꞌe hōrea mai era, ka ai atu ꞌina he takeꞌa mai.

Karatia 2:20

ꞌE hora nei, taꞌe ko au toe te meꞌe e ora atu ena, ko Ietū Kiritō te meꞌe e ora nei ꞌi roto i a au ꞌe e haka tere nei i a au ꞌi te ao nei. Te meꞌe nei e ai ena hai haka moe ōꞌoku i te manaꞌu ꞌi ruŋa i te Poki o te ꞌAtua haŋa mai ki a au ꞌe vaꞌai i a ia ki te mate mōꞌoku.

Ēfeto 3:9

ꞌE ko vaꞌai takoꞌa mai ꞌana i te aŋa he haka aŋi-aŋi ōꞌoku ki te taŋata taꞌatoꞌa pē hē i haka tano ai e ia i tāꞌana meꞌe manaꞌu era mo aŋa. Te ꞌAtua, kope ꞌāꞌana i aŋa i te meꞌe taꞌatoꞌa, ko haka ꞌite mai ꞌana i tāꞌana meꞌe manaꞌu era mo aŋa, he meꞌe taꞌe haka ꞌite era ki te taŋata ꞌi muꞌa ꞌā,

Fīripo 4:7

Mo aŋa o kōrua i te meꞌe ena, he vaꞌai atu e te ꞌAtua i te haumārū ꞌina e ko aŋi-aŋi e te manaꞌu taŋata, ꞌe mo nā haumārū e hāpaꞌo i te kōrua māhatu ꞌe i te kōrua manaꞌu ꞌo te ai o kōrua ꞌa Ietū Kiritō.

Kōrosa 1:5

ꞌo te ai e tiaki takoꞌa rō ꞌana kōrua ki te meꞌe hōrea mai e ia mo tātou ꞌi te raŋi. A kōrua ko ŋaroꞌa era ꞌana o ruŋa i te meꞌe nei hora haka ꞌite atu era i te roŋo parautiꞌa o te ꞌAtua

Kōrosa 2:20

ꞌI te haka moe o kōrua i te manaꞌu ꞌi ruŋa i a Ietū ko mate ꞌana kōrua ꞌi muri i a ia, te auraꞌa, ko haka kore ꞌā e te ꞌAtua mai ruŋa i a kōrua i te pūai o te meꞌe taꞌe tano pohe e te hakari ꞌe i te pūai o te ŋā kope ena ꞌina he takeꞌa mai haka tere i te ao nei. ¿He aha ia kōrua e haꞌatura nō ena ki te haka tere iŋa taŋata

Kōrosa 2:3

Māꞌana mau nō e hāꞌūꞌū mai mo aŋi-aŋi riva-riva i te roŋo nui-nui nei.

Kōrosa 3:4

ꞌo te ai mai i a Ietū e ai ena. ꞌE hora ena ōꞌona ka hoki mai ena ki te ao nei, he ai takoꞌa a kōrua ꞌi muri i a ia ꞌi roto i tōꞌona nui-nui, te auraꞌa, he ai takoꞌa i a kōrua te huru riva ōꞌona.

ꞌEvereo 7:25

ꞌO ira a Ietū e riva ena mo haka eꞌa mau rō mai ꞌai i a tātou mai roto i te ūtuꞌa o te hara ꞌe mo vaꞌai mai i te ora ꞌāpī ꞌina he hopeꞌa raꞌa ki a tātou ki te nuꞌu haka hāhine ki te ꞌAtua hai ⌊haka moe i te manaꞌu⌋ ꞌi ruŋa i a ia. A Ietū, paꞌi, e ora e oho ena mo ani ki te ꞌAtua mo tātou.

1 Pētero 3:4

E ai hai meꞌe o roto i te māhatu, pa he huru riva ꞌe haumārū, he nehe-nehe taꞌe ŋaro ki te hora hopeꞌa. Te nehe-nehe tuꞌu pē nei e hauhaꞌa rahi rō ꞌā ki te ꞌAtua.

1 Pētero 4:2

ꞌe te meꞌe haŋa nō ꞌāꞌana mo te hora toe ōꞌona ꞌi te ao nei he haka tere i a ia e te meꞌe haŋa e te ꞌAtua, ꞌe taꞌe ꞌō e te meꞌe taꞌe tano pohe e te hakari.

1 Iovani 3:2

E te taina, he ŋā poki tātou o te ꞌAtua. Ka ai atu ꞌina a tātou kai takeꞌa vave ꞌā pē hē te tātou huru pe muꞌa ka oho ena, a tātou e ꞌite rō ꞌana pē nei ē: ka tuꞌu haka ꞌou mai ena a Ietū Kiritō, te tātou huru pē ia ꞌā ꞌi te meꞌe era he takeꞌa iho mau e tātou i a ia.

Meꞌe Haka Takeꞌa 2:17

’¡Te kope haŋa mo aŋi-aŋi i tāꞌaku roŋo e haka roŋo te vānaŋa kī e te Vārua Maitai ki te nūnaꞌa taꞌatoꞌa haka moe i te manaꞌu ꞌi ruŋa i a au! ’Te nuꞌu rē ki te pūai o Rukifero he vaꞌai e au i te kai he ⌊mānā⌋ naꞌa era. ꞌE he vaꞌai takoꞌa e au e tahi māꞌea tea-tea ꞌi ruŋa e pāpaꞌi rō ꞌā te ꞌīŋoa ꞌāpī e tahi, ꞌe ꞌina he rua kope ꞌite i rā ꞌīŋoa, ko te kope nō era i a ia rā māꞌea’”.