Kōrosa 3:11 - Rapa Nui

¹¹ ꞌI te noho iŋa ꞌāpī nei, ꞌina te ꞌAtua he tapa atu hoki a koe he ⌊hūrio⌋ ꞌo taꞌe he hūrio, he kope hore i te kiri o te kinoŋa ꞌo taꞌe hore, he taŋata o te rua henua, ꞌo he kope hāpī kore, he ꞌekaravo ꞌo taꞌe he ꞌekaravo. Te meꞌe hauhaꞌa mau nō ko Ietū, ꞌe a ia ꞌi roto i te nuꞌu taꞌatoꞌa ⌊haka moe i te manaꞌu⌋ ꞌi ruŋa i a ia.

Kōrosa 3:11 ပူးပေါင်းရင်းမြစ်များ

Iovani 14:23

He pāhono e Ietū: —Te kope haŋa mai ki a au he haka roŋo ꞌe he haꞌatura ki tāꞌaku vānaŋa. He haŋa e tōꞌoku Matuꞌa ꞌe he oho a māua ko te Matuꞌa he noho tahi mātou.

Iovani 15:5

»Ko au te tumu vino, ko kōrua te maŋa. Mo raꞌu nō mai o kōrua ꞌi ruŋa i a au ꞌe a au ki a kōrua, he ꞌata rahi te hua iŋa; ꞌe mo kore ōꞌoku, e ko ravaꞌa e kōrua mo aŋa i te meꞌe tano ki te mata o te ꞌAtua.

Iovani 17:23

A au i a rāua, ꞌe a koe i a au, pē ira tātou taꞌatoꞌa e tahi mau nō, ki ꞌite ai te taŋata o te ao nei taꞌe haka moe i te manaꞌu ꞌi ruŋa i a au: ꞌāꞌau a au i uŋa mai, ꞌe e haŋa rō ꞌana koe ki te nuꞌu vaꞌai mai e koe, pa he haŋa iŋa mai ena ꞌā ōꞌou ki a au.

Aŋa o te ꞌĀpōtoro 15:17

Pē ira te nuꞌu taꞌe he hūrio haꞌataꞌa e au māꞌaku ka ⌊huri mai ena te manaꞌu⌋ ki ruŋa i a au.

Aŋa o te ꞌĀpōtoro 28:2

I hāꞌūꞌū rō mai te nuꞌu o ira. ꞌI te hoa o te ꞌua ꞌe ꞌi te takeꞌo, he haka hū e rā nuꞌu i te ahi ꞌe he kī mai mo haka hāhine mo haka mahana.

Aŋa o te ꞌĀpōtoro 28:4

I takeꞌa era e te nuꞌu o rā motu i te kōreha ko taka ꞌā ꞌi te rima o Pauro, he kī ki a rāua ꞌā: «Pe he meꞌe ena ē: te kope era kope taparahi-taꞌata tiŋaꞌi haka mate i te rua; ka ai atu ko ora ꞌā mai te ꞌati o roto i te vaikava, ꞌina he haka rē e te ꞌatua mo ora».

Rōmano 1:14

Ki te taŋata taꞌatoꞌa a au ana haka ꞌite i te roŋo riva-riva o te ꞌAtua, ka ai atu he nuꞌu ai o te hāpī ꞌo taꞌe ai o te hāpī, he nuꞌu mārama-rama, ꞌo taꞌe mārama-rama.

Rōmano 10:12

Te meꞌe nei taꞌe mo te nuꞌu ⌊hūrio⌋ nō, mo te nuꞌu taꞌe he hūrio takoꞌa. A Ietū, paꞌi, he Pūꞌoko Haka Tere o te taꞌatoꞌa, ꞌe tōꞌona riva rahi ꞌi ruŋa i te taŋata taꞌatoꞌa ani ki a ia.

Rōmano 3:22

hai ⌊haka moe i te manaꞌu⌋ ꞌi ruŋa i a Ietū Kiritō. Mo te ꞌAtua taꞌatoꞌa taŋata haka moe i te manaꞌu ꞌi ruŋa i a Ietū he taŋata tano ki tōꞌona mata. Mōꞌona te nuꞌu, ka hūrio ka taꞌe hūrio, ko tū meꞌe ꞌā:

Rōmano 3:29

Hai meꞌe nei e ꞌite ena: te ꞌAtua taꞌe nō o te hūrio, o te nuꞌu taꞌe he hūrio takoꞌa, te auraꞌa, te ꞌAtua o te taŋata taꞌatoꞌa o te ao.

1 Kōrinto 12:13

Taꞌatoꞌa o tātou ko ⌊papatito⌋ tahi ꞌana hai tū Vārua ꞌā mo riro he hakari mau nō e tahi, ka ⌊hūrio⌋, ka taꞌe hūrio, ka ꞌekaravo, ꞌe ka taꞌe ꞌekaravo. ꞌE ki te taꞌatoꞌa o tātou ko vaꞌai mai ꞌana i tū Vārua Maitai ꞌā.

1 Kōrinto 14:11

Mo taꞌe aŋi-aŋi e au i te ꞌarero vānaŋa e te kope e tahi, he tuꞌu a au pa he taŋata o te rua henua mo rā kope ꞌe a ia takoꞌa mōꞌoku.

1 Kōrinto 7:19

Te meꞌe hauhaꞌa, paꞌi, mo te ꞌAtua, taꞌe he hore ꞌo he taꞌe hore o te kiri o te kinoŋa; he haꞌatura ki tāꞌana roŋo te meꞌe hauhaꞌa.

Karatia 2:20

ꞌE hora nei, taꞌe ko au toe te meꞌe e ora atu ena, ko Ietū Kiritō te meꞌe e ora nei ꞌi roto i a au ꞌe e haka tere nei i a au ꞌi te ao nei. Te meꞌe nei e ai ena hai haka moe ōꞌoku i te manaꞌu ꞌi ruŋa i te Poki o te ꞌAtua haŋa mai ki a au ꞌe vaꞌai i a ia ki te mate mōꞌoku.

Karatia 5:6

ꞌE, ꞌi te ai o tātou ꞌa Ietū Kiritō, te ꞌAtua e taꞌe tapa haka ꞌou ena hoki ko hore ꞌā te kiri o te hua ꞌo ꞌina kai hore. Te meꞌe hauhaꞌa mau he haka moe i te manaꞌu ꞌi ruŋa i a Ietū, he meꞌe e takeꞌa ena hai haŋa ki te rua.

Ēfeto 1:23

a rāua he hakari ōꞌona. Mai i a ia e ravaꞌa ena e rāua i te ora ꞌe i te pūai; ꞌāꞌana, paꞌi, te vaꞌai i te ora ki te meꞌe taꞌatoꞌa o te ao.

Ēfeto 2:14

Hai Ietū i poreko ai te haumārū ꞌi roto i te nuꞌu hūrio ꞌe taꞌe hūrio, ꞌe he riro nei ŋā nuꞌu he nūnaꞌa mau nō e tahi. Te meꞌe haka riri ꞌe haꞌataꞌa era i a rāua ko haka kore ꞌā.

Ēfeto 2:15

Pē nei te auraꞌa: ꞌi muꞌa ꞌā te hūrio e taꞌe haka au rō ꞌana ki te nuꞌu taꞌe hūrio ꞌo te taꞌe haꞌatura ki te ⌊haka tere iŋa ꞌa Mōtē⌋. ꞌE a Ietū, hai mate era ōꞌona ꞌi ruŋa i te tātaurō, i haka kore ai i te meꞌe ena he haꞌatura ki rā haka tere iŋa mo tano ki te mata o te ꞌAtua. I aŋa ai pē ira mo riro o te nuꞌu taꞌatoꞌa ꞌāꞌana, ka hūrio, ka taꞌe hūrio, e tahi mau nō nūnaꞌa, ꞌe mo haka poreko i te haumārū ꞌi roto i a rāua.

Ēfeto 3:17

He ani takoꞌa a au mo noho mo oho nō atu a Ietū Kiritō ꞌi roto i a kōrua hai haka moe i te manaꞌu ꞌi ruŋa i a ia, ꞌe mo haka pūai mo oho nō i te kōrua haŋa ki a ia ꞌe ki te rua.

Ēfeto 3:6

Rā parautiꞌa ko te meꞌe nei: mo haka moe o te nuꞌu taꞌe hūrio i te manaꞌu ꞌi ruŋa i a Ietū, mo rāua takoꞌa te haꞌamaitai ena o te ꞌAtua mo tōꞌona taŋata he itaraera. ꞌI te hora nei, te ⌊hūrio⌋ ꞌe te nuꞌu taꞌe hūrio ⌊haka moe i te manaꞌu⌋ ꞌi ruŋa i a Ietū he nūnaꞌa mau nō e tahi, ꞌe te meꞌe taꞌatoꞌa hōrea e te ꞌAtua mo te hūrio mo rāua takoꞌa, ꞌi te meꞌe era a rāua takoꞌa, paꞌi, ꞌa Ietū Kiritō.

Ēfeto 6:8

E ꞌite: e ai rō ꞌā te meꞌe mo vaꞌai e te ꞌAtua ki te taŋata, ka ꞌekaravo ꞌo ka taꞌe ꞌekaravo, ꞌo te meꞌe riva-riva aŋa e rāua.

Kōrosa 2:10

ꞌE, ꞌo te ai o kōrua ꞌāꞌana, ko ai tahi ꞌana i a kōrua te meꞌe mo tano o kōrua ꞌe o te kōrua noho iŋa ki te mata o te ꞌAtua. A Ietū Kiritō, paꞌi, he Pūꞌoko Haka Tere o te meꞌe taꞌatoꞌa, ꞌātā o te ŋā kope ena ꞌina he takeꞌa mai haka tere i te ao nei.

1 Iovani 5:20

ꞌE, ko ꞌite takoꞌa ꞌā e tātou: ko tuꞌu mai ꞌana te Poki o te ꞌAtua, ꞌe ko vaꞌai mai ꞌā i te mārama-rama mo aŋi-aŋi ko ai te ꞌAtua parautiꞌa. ꞌE hora nei, ananake tātou ko nei ꞌAtua ꞌo te ai a tātou o tāꞌana Poki ko Ietū Kiritō. A ia he ꞌAtua parautiꞌa vaꞌai i te ora ꞌāpī ꞌina he hopeꞌa raꞌa.

2 Iovani 1:9

Te kope ꞌāmui hai hāpī kē i te hāpī parautiꞌa ꞌa Ietū ꞌina he ꞌAtua o muri i a ia, ꞌe te kope haka tano oho i a ia ki rā hāpī ꞌi muri i a ia te ꞌAtua Matuꞌa ꞌe te Poki.