Kōrosa 3:1 - Rapa Nui

¹ E te taina, ꞌi te meꞌe era ko haka ora ꞌana e te ꞌAtua i a kōrua ꞌi muri i a Ietū, te auraꞌa, ko vaꞌai atu ꞌana i te noho iŋa ꞌāpī, e haŋa kōrua ki te meꞌe o te raŋi, he kona ꞌi ira a Ietū e noho ena ꞌi te pāꞌiŋa mataꞌu o te ꞌAtua.

Kōrosa 3:1 ပူးပေါင်းရင်းမြစ်များ

Rōmano 8:6

Te nuꞌu aŋa i te meꞌe taꞌe tano, te meꞌe mo ravaꞌa he mate. ꞌE te nuꞌu aŋa i te meꞌe haŋa o te Vārua Maitai, te meꞌe mo ravaꞌa he haumārū ꞌe he ora ꞌina he hopeꞌa raꞌa.

Māteo 6:33

»ꞌO ira, e vaꞌai tahi te kōrua māhatu mo haka tere atu e te ꞌAtua ꞌe mo aŋa o kōrua i te meꞌe tī-tika ki tōꞌona mata ꞌe māꞌana e vaꞌai atu i rā ŋā meꞌe.

2 Kōrinto 4:18

ꞌO ira, te meꞌe manaꞌu o mātou taꞌe he meꞌe o te ao nei, pa he ꞌati topa mai. Te mātou manaꞌu e haka noho nei ꞌi ruŋa i te meꞌe o te raŋi. Te meꞌe takeꞌa, paꞌi, o te ao nei e ko roa he ŋaro, ꞌe te meꞌe taꞌe takeꞌa vaꞌai mai e te ꞌAtua e ko ŋaro ki te hora hopeꞌa.

Kōrosa 3:2

Te kī: e haŋa mo riro o te kōrua noho iŋa, noho iŋa tano o te taŋata ka noho ena ꞌi te raŋi, taꞌe ꞌō pa he noho iŋa o te nuꞌu o te ao nei taꞌe haŋa ki te ꞌAtua.

Māteo 6:20

Te tano mau: ꞌi te raŋi a kōrua ana haꞌaputu i te hauhaꞌa, he kona ꞌina e ko kai e te manu kai hare, ꞌina e ko rake-rake ꞌe ꞌina e ko toke.

ꞌEvereo 12:2

Te tātou mata a ruŋa i a Ietū ana uꞌi ꞌo te ai mai i a ia te haka moe iŋa nei o tātou i te manaꞌu ꞌi ruŋa i te ꞌAtua ꞌe ꞌāꞌana te haka tī-tika. A ia, paꞌi, i haꞌaoromaꞌi rō i tōꞌona mate ꞌi ruŋa i te tātaurō, ꞌe ꞌina kai tapa atu i te haꞌamā o te mate iŋa tuꞌu pē ira ꞌo te ꞌite ki oti te ꞌati he koa a ia. ꞌE hora nei, ko noho ꞌā ꞌi te pāꞌiŋa mataꞌu o te ꞌAtua.

Ruka 12:33

Te kōrua meꞌe e hoꞌo ꞌe e vaꞌai te moni ki te veve. Pē ira he ai te kōrua hauhaꞌa e ko pau ꞌi ruŋa i te raŋi, kona pa he pūtē ena ꞌā ka ꞌī atu, e ko paihi ki te hora hopeꞌa, kona e ko tuꞌu te toke-toke ꞌe te manuꞌino e ko kai.

ꞌEvereo 1:3

Te ꞌana-ꞌana ꞌe te pūai nui-nui o te ꞌAtua e takeꞌa ena ꞌi ruŋa i tāꞌana Poki; a ia he ꞌāriŋa mau ꞌā o te ꞌAtua, ꞌe ꞌāꞌana te haka noho i te meꞌe taꞌatoꞌa o te ao ꞌi tōꞌona kona hai kī mau nō e ia. I tuꞌu mai era ki te ao nei, he aŋa tahi i tāꞌana meꞌe taꞌatoꞌa mo aŋa mo haka kore e te ꞌAtua i te tātou hara. I oti tahi era nei aŋa, he hoki ki te raŋi ꞌe he noho ꞌi te pāꞌiŋa mataꞌu o te ꞌAtua.

Ruka 22:69

Tāꞌaku meꞌe nō mo kī atu: e ko roa ka noho rō ena te Poki o te taŋata ꞌi te pāꞌiŋa mataꞌu o te ꞌAtua, i a ia te pūai taꞌatoꞌa.

Kōrosa 2:20

ꞌI te haka moe o kōrua i te manaꞌu ꞌi ruŋa i a Ietū ko mate ꞌana kōrua ꞌi muri i a ia, te auraꞌa, ko haka kore ꞌā e te ꞌAtua mai ruŋa i a kōrua i te pūai o te meꞌe taꞌe tano pohe e te hakari ꞌe i te pūai o te ŋā kope ena ꞌina he takeꞌa mai haka tere i te ao nei. ¿He aha ia kōrua e haꞌatura nō ena ki te haka tere iŋa taŋata

ꞌEvereo 8:1

Te meꞌe haŋa ꞌāꞌaku mo aŋi-aŋi e kōrua: te tātou oromatuꞌa hopeꞌa o te ra-rahi ko Ietū Kiritō, ꞌai te raŋi e noho rō ꞌā ꞌi te pāꞌiŋa mataꞌu o te ꞌAtua, kona mo te kope hopeꞌa o te hōnui.

Rōmano 8:34

¿Mā ꞌai e kī i te ūtuꞌa mo rāua? Ko Ietū Kiritō, paꞌi, te meꞌe i mate mo rāua koia ko ora mai te mate ꞌe ꞌai te pāꞌiŋa mataꞌu o te ꞌAtua e noho ena e ani ꞌana mo tātou.

ꞌEvereo 10:12

ꞌE a Ietū Kiritō i vaꞌai ai i a ia pa he tūtia mo haka kore o te hara, e tahi nō tūtia iŋa mo te hora taꞌatoꞌa, ꞌe i oti era he noho ꞌi te pāꞌiŋa mataꞌu o te ꞌAtua.

Māteo 26:64

He pāhono e Ietū: —Nā e koe ko kī ꞌā. ꞌE ꞌī a au he kī takoꞌa atu: e takeꞌa rō e kōrua i te Poki o te taŋata e noho rō ꞌā ꞌi te pāꞌiŋa mataꞌu o te ꞌAtua, i a ia te pūai taꞌatoꞌa, ꞌe i tōꞌona topa iŋa mai ꞌi ruŋa i te raŋi e tahi.

Ēfeto 4:10

Te kope topa mai era ko Ietū, ꞌe te kope iri era ki te kona ruŋa nui ko ia ꞌā, mo Pūꞌoko Haka Tere o te kona taꞌatoꞌa o te ao.

Marko 14:62

He pāhono e Ietū: —ꞌĒ-ē, ko au. ꞌE a kōrua e takeꞌa rō i te Poki o te taŋata e noho rō ꞌana ꞌi te pāꞌiŋa mataꞌu o te ꞌAtua ꞌe i tōꞌona topa iŋa mai ꞌi ruŋa i te raŋi e tahi.

ꞌEvereo 1:13

ꞌIna te ꞌAtua kai kī ki te merahi: «Ka noho koe i tōꞌoku pāꞌiŋa mataꞌu, ꞌātā ka haka riro rō a au i te nuꞌu taꞌe haŋa atu he meꞌe mo raŋo o tuꞌu vaꞌe».

Aŋa o te ꞌĀpōtoro 2:34

»Taꞌe ko Tāvita rā meꞌe iri era ki te raŋi; ꞌāꞌana mau ꞌā, paꞌi, i kī: “A Iehoha te ꞌAtua i kī rō ki tōꞌoku Pūꞌoko Haka Tere: ‘Ka noho mai koe ꞌi tōꞌoku pāꞌiŋa mataꞌu,

Ruka 20:42

I pāpaꞌi ai e Tāvita ꞌi ruŋa i te puka o te Hīmene: “ꞌA Iehoha te ꞌAtua i kī rō ki tōꞌoku Pūꞌoko Haka Tere: ‘Ka noho koe ꞌi tōꞌoku pāꞌiŋa mataꞌu,

Marko 16:19

I oti era a Ietū te vānaŋa, he maꞌu he iri e te ꞌAtua ki te raŋi. He noho ia a Ietū ꞌi te pāꞌiŋa mataꞌu o te ꞌAtua.

Marko 12:36

ꞌE, ka ai atu pē ira, i kī rō e Tāvita ꞌi te hora haka vānaŋa i a ia e te ⌊Vārua Maitai⌋ pē nei ē: “ꞌA Iehoha te ꞌAtua i kī rō ki tōꞌoku Pūꞌoko Haka Tere: ‘Ka noho koe ꞌi tōꞌoku pāꞌiŋa mataꞌu ꞌātā ka haka rē rō e au i te nuꞌu taꞌe haŋa atu ki a koe ꞌi raro o tuꞌu vaꞌe’”.

1 Pētero 3:22

ꞌE hora nei, ꞌai te raŋi ꞌi te pāꞌiŋa mataꞌu o te ꞌAtua, kona mo te kope hopeꞌa o te hōnui, e noho ena ꞌe e haka tere ena i te merahi taꞌatoꞌa ꞌe i te ŋā vārua taꞌatoꞌa ena e ai rō ꞌana te rāua tōroꞌa ꞌe pūai.

Aŋa o te ꞌĀpōtoro 7:55

ꞌE, a ꞌĒteva, ko ꞌī ꞌana e te pūai o te Vārua Maitai, he uꞌi a te raŋi he takeꞌa i te ꞌana-ꞌana o te ꞌAtua ꞌe i a Ietū e māroa rō ꞌana ꞌi te pāꞌiŋa mataꞌu.

Māteo 22:44

“ꞌA Iehoha te ꞌAtua i kī rō ki tōꞌoku Pūꞌoko Haka Tere: ‘Ka noho koe ꞌi tōꞌoku pāꞌiŋa mataꞌu ꞌātā ka haka rē rō e au i te nuꞌu taꞌe haŋa atu ki a koe ꞌi raro o tuꞌu vaꞌe’”.

Ēfeto 5:22

Pa he haka rē iŋa o te viꞌe mo haka tere i a ia e Ietū, pē ira takoꞌa ana haka rē i a ia mo haka tere e tāꞌana kenu.