Kōrosa 2:5 - Rapa Nui

⁵ ꞌE, ka taꞌe ai atu a au ꞌi muri i a kōrua, he manaꞌu nō atu tāꞌaku aŋa ꞌe e koa rō ꞌā a au ꞌo te ai o kōrua e tahi mau nō manaꞌu ꞌe ꞌo te haka hio-hio i te kōrua manaꞌu ꞌi ruŋa i a Ietū.

Kōrosa 2:5 ပူးပေါင်းရင်းမြစ်များ

Aŋa o te ꞌĀpōtoro 2:42

ꞌE a rāua e maꞌu e oho nō ꞌana i te meꞌe taꞌatoꞌa hāpī e te ꞌāpōtoro, ꞌe te aŋa takoꞌa he haka taka-taka mo pure ꞌe mo mo-more i te haraoa mo manaꞌu i te mate iŋa o Ietū.

Aŋa o te ꞌĀpōtoro 20:21

Ki te hūrio ꞌe ki te nuꞌu taꞌe he hūrio e kī era e au mo huri o te manaꞌu ki te ꞌAtua ꞌe mo haka moe i te manaꞌu ꞌi ruŋa i te tātou Pūꞌoko Haka Tere ko Ietū.

1 Kōrinto 11:34

ꞌE mo maruaki o te kope e tahi o roto i a kōrua, ka kai rō ꞌai ꞌi tōꞌona hare, ꞌo haka ūtuꞌa i a kōrua e te ꞌAtua, he taꞌe tano o te kōrua haka tere iŋa ꞌi te hora haka taka-taka mo manaꞌu i te mate o te tātou Pūꞌoko Haka Tere. ꞌE te tētahi meꞌe ꞌui mai era e kōrua, ki tuꞌu atu a au ana haka ꞌite atu.

1 Kōrinto 14:40

Te meꞌe haŋa mau nō: te ŋā meꞌe nei ana aŋa a roto i te haumārū ꞌe a roto i te tī-tika.

1 Kōrinto 15:58

Te meꞌe haŋa ia, e te taina haŋa rahi ōꞌoku ē: he haka hio-hio he oho te kōrua manaꞌu ꞌi ruŋa i a Ietū, ꞌo haka tapa kōrua mai te hāpī parautiꞌa o te ꞌAtua. ꞌE, ka aŋa ka oho nō i te aŋa haŋa o te ꞌAtua mo aŋa e kōrua. E ꞌite rō ꞌana, paꞌi, e kōrua: te aŋa ki a ia e ko taꞌe hauhaꞌa.

1 Kōrinto 16:13

E uꞌi kōrua e hāpaꞌo ꞌe e haka hio-hio i te kōrua manaꞌu ꞌi ruŋa i a Ietū. E kiahio kōrua, ꞌina ko haꞌamā ꞌi te haka moe iŋa i te manaꞌu ꞌi ruŋa i a ia.

Kōrosa 2:1

E haŋa rō ꞌana a au mo ꞌite o kōrua: ꞌī a au e aŋa e oho nō ꞌā mo kōrua mo te taina o Kōrosa, mo te nuꞌu ⌊haka moe i te manaꞌu⌋ ꞌi ruŋa i a Ietū o Rāōrītea, ꞌe mo te nuꞌu taꞌatoꞌa pē kōrua kai takeꞌa ꞌana i a au.

1 Tētārōnika 2:17

E te taina, hora tute era i a mātou mai muri i a kōrua, ka ai atu e roa rō ꞌana kōrua mai muri i a mātou, ko te maꞌu iŋa ꞌana mātou i a kōrua ꞌi roto i te mātou māhatu, ꞌe e rahi rō ꞌana te mātou haŋa mo takeꞌa haka ꞌou i a kōrua.

1 Tētārōnika 3:8

I ꞌite era, paꞌi, e mātou ko te haka noho iŋa ꞌana a kōrua i te manaꞌu ꞌi ruŋa i a Ietū, he ŋaroꞌa e mātou i te ora.

ꞌEvereo 3:14

E te taina, mo haka moe mo oho nō tātou i te manaꞌu ꞌi ruŋa i a Ietū ki te hora hopeꞌa pa he hora raꞌe era ꞌā, mo tātou takoꞌa te meꞌe taꞌatoꞌa ꞌa Ietū Kiritō.

ꞌEvereo 6:19

ꞌI te ꞌite o tātou i te ŋā meꞌe nei, e hio-hio nei te tātou manaꞌu, pa he haka hio-hio iŋa ena o te pahī e te ꞌaka, ꞌe he tuꞌu pa he meꞌe: ko oꞌo ꞌā tātou ki te kona era ꞌi ira te ꞌAtua ꞌi te raŋi, pa he oꞌo iŋa o te ⌊oromatuꞌa hopeꞌa o te ra-rahi⌋, ꞌi muꞌa ꞌā, ki te ⌊Kona ꞌAta Moꞌa⌋ puru era hai korotina.

1 Pētero 5:9

ꞌIna ko haꞌatiꞌa mo haka tere atu i a kōrua. E haka hio-hio e oho te kōrua haka moe iŋa i te manaꞌu ꞌi ruŋa i te ꞌAtua ꞌi te ꞌite pē nei ē: ꞌi te kona taꞌatoꞌa o te ao, e topa takoꞌa rō ꞌana te ꞌati tuꞌu pē ira ki te kōrua taina.