Kōrosa 2:23 - Rapa Nui

²³ Ki te manaꞌu taŋata, nei roŋo roŋo mārama-rama ꞌo te hāpī pē nei ē: mo koa o te ꞌAtua e aŋa meꞌe rahi meꞌe aŋarahi mo aŋa, mo haka takeꞌa i tuꞌu haŋa ki a ia, e ko manaꞌu, ki te hora hopeꞌa, i hau rō atu koe ki te rua, ꞌe e tōtōā koe i tuꞌu hakari. Ka ai atu pē ira, te ŋā meꞌe nei ꞌina he hāꞌūꞌū ki te taŋata mo haka noho i te meꞌe taꞌe tano pohe e te hakari.

Kōrosa 2:23 ပူးပေါင်းရင်းမြစ်များ

Rōmano 13:14

Te meꞌe mau nō mo aŋa e kōrua he haka rē ki a Ietū Kiritō mo haka tere i a kōrua, mo tano o te kōrua noho iŋa pa he noho iŋa mau ꞌana ōꞌona, ꞌo tano rō te kōrua noho iŋa ki te meꞌe pohe nō o te hakari.

Ēfeto 5:29

ꞌIna, paꞌi, e tahi taŋata taꞌe haŋa ki tōꞌona hakari. Te meꞌe aŋa he hāŋai ꞌe he hāpaꞌo, pa he hāpaꞌo iŋa o Ietū Kiritō i a tātou i te nūnaꞌa taŋata haka moe i te manaꞌu ꞌi ruŋa i a ia.

Kōrosa 2:18

ꞌIna takoꞌa ko tapa atu i te nuꞌu taꞌe haka au atu i a kōrua ꞌi te taꞌe haꞌamuri pē rāua ki te merahi. E haka tuꞌu rō ꞌana i a rāua pa he nuꞌu haumārū, taꞌe manaꞌu i hau rō atu ki te rua, ꞌe te parautiꞌa mau, he teꞌo-teꞌo nō te aŋa ꞌo te ai, ki te rāua kī, ko takeꞌa ꞌana i te meꞌe i haka takeꞌa e te ꞌAtua. ꞌE te meꞌe aŋa he haka paka ꞌi te manaꞌu taŋata nō.

Kōrosa 2:22

Te ŋā roŋo nei he hāpī poreko mai te manaꞌu taŋata mau nō ꞌo te ai nei ŋā roŋo o ruŋa i te meꞌe e ŋaro nō.

Kōrosa 2:8

E uꞌi kōrua e te nuꞌu ꞌo reo-reo atu hai hāpī taꞌe parautiꞌa, he haka tere iŋa poreko mai te manaꞌu taŋata nō, ꞌo he meꞌe haka manaꞌu e te tātane haka tere i te ao nei. Te hāpī nei taꞌe ꞌa Ietū Kiritō.

1 Timoteo 4:3

Te nuꞌu nei ꞌina he haꞌatiꞌa i te taŋata mo ⌊hāipo-ipo⌋ ꞌe mo kai i te tētahi kai aŋa e te ꞌAtua. Te nuꞌu ꞌite i te parautiꞌa ⌊haka moe i te manaꞌu⌋ ꞌi ruŋa i a Ietū ko aŋi-aŋi ꞌana pē nei ē: taꞌatoꞌa kai māuru-uru ki te ꞌAtua e tano nō mo kai.

1 Timoteo 4:8

Te haka aŋa i te hakari mo haka hio-hio e hauhaꞌa rō ꞌā, ꞌe te ꞌite mo moꞌa ꞌe mo haꞌatura ki te ꞌAtua ꞌata hau rō atu i te hauhaꞌa, ꞌe taꞌe mo te noho iŋa ꞌi te ao nō nei, pē ira ꞌana mo te noho iŋa ka oho mai ena.