Kōrosa 2:16 - Rapa Nui

¹⁶ ꞌO ira, ꞌina kōrua ko tapa atu te kī o te nuꞌu i te taꞌe haꞌatura o kōrua ki te rāua haka tere iŋa o ruŋa i te meꞌe mo kai ꞌe mo unu, o ruŋa i te mahana aŋa i te ŋoŋoro mo te ꞌAtua, ꞌo i te ŋoŋoro o te māhina he ꞌōhiro ꞌe o ruŋa i te ⌊mahana haka ora⌋.

Kōrosa 2:16 ပူးပေါင်းရင်းမြစ်များ

Māteo 15:11

Taꞌe hai meꞌe oꞌo a roto i te haha e haka taꞌe tano ena i te taŋata ki te mata o te ꞌAtua, hai meꞌe kī eꞌa mai roto i te haha.

Marko 7:19

ꞌIna, paꞌi, he kai he oꞌo ki roto ki te māhatu; ki roto ki te kōpū e oꞌo ena ꞌe mai roto e eꞌa ena». Hai vānaŋa nei i haka ꞌite ai e Ietū: taꞌatoꞌa nō huru o te kai e tano nō mo kai e te taŋata.

Aŋa o te ꞌĀpōtoro 15:20

Ki pāpaꞌi ki haka ꞌite ki rā nuꞌu i te meꞌe mo taꞌe aŋa e rāua: he kai i te kiko tūtia ki te ꞌītoro, he taꞌe piri tane ki te kope taꞌe he kenu ꞌe he viꞌe ꞌāꞌana, he kai i te kiko o te ꞌanimare ꞌina kai haka hiho i te toto, ꞌe he kai i te toto.

Rōmano 14:10

¿He aha ia koe e kī ena e hape rō ꞌā tuꞌu taina? ꞌE ¿he aha koe e haka taꞌe au ena ki a ia? Taꞌatoꞌa nō tātou ka māroa ena ꞌi muꞌa o te ꞌAtua, ꞌe he kī mai he aha te tātou meꞌe tano ꞌe taꞌe tano i aŋa.

Karatia 4:10

¿E manaꞌu ena ꞌō kōrua: hai aŋa o kōrua i te ŋoŋoro mo te ꞌAtua ꞌi te tētahi mahana, ꞌi te tētahi ꞌāvaꞌe ꞌe ꞌi te tētahi matahiti, he tano kōrua ki tōꞌona mata?

Kōrosa 2:20

ꞌI te haka moe o kōrua i te manaꞌu ꞌi ruŋa i a Ietū ko mate ꞌana kōrua ꞌi muri i a ia, te auraꞌa, ko haka kore ꞌā e te ꞌAtua mai ruŋa i a kōrua i te pūai o te meꞌe taꞌe tano pohe e te hakari ꞌe i te pūai o te ŋā kope ena ꞌina he takeꞌa mai haka tere i te ao nei. ¿He aha ia kōrua e haꞌatura nō ena ki te haka tere iŋa taŋata

ꞌEvereo 13:9

ꞌO ira, ꞌina ko haka roŋo ꞌe ꞌina ko maꞌu i te hāpī kē, taꞌe he hāpī parautiꞌa haka ꞌite atu era. E haka pūai e oho te tātou māhatu hai riva rahi o te ꞌAtua, ꞌe taꞌe ꞌō hai haꞌatura o tātou ki te ⌊haka tere iŋa era ꞌa Mōtē⌋ o ruŋa i te kai, he meꞌe ꞌina e tahi hauhaꞌa mo te nuꞌu maꞌu i rā haka tere iŋa.

ꞌEvereo 9:10

ꞌo te ai te roŋo o rā haka tere iŋa he meꞌe mau nō o te haho, pa he roŋo o ruŋa i te meꞌe tano mo kai ꞌe mo unu, ꞌe o ruŋa i te ⌊haka maꞌitaki⌋ iŋa. Te ŋā meꞌe nei i hauhaꞌa ai ꞌātā ki te hora mono era e te ꞌAtua hai rua haka tere iŋa.

Tanatiako 4:11

E te taina, ꞌina ko vānaŋa ꞌino mo te rua. Te kope vānaŋa ꞌino mo te rua e vānaŋa ꞌino takoꞌa ꞌā mo te haka tere iŋa o te ꞌAtua. Pē nei te auraꞌa: te kope vānaŋa ꞌino mo te rua e haꞌariro ꞌā i a ia he pūꞌoko haka tere o te hare ture mo kī i te hape ꞌe i te taꞌe hape o te tētahi ꞌe, takoꞌa, o te haka tere iŋa o te ꞌAtua haka ꞌite mai pē nei ē: e haŋa tātou ki te rua. ꞌE ꞌi te vānaŋa ꞌino e takeꞌa ena: kope taꞌe haꞌatura ki te haka tere iŋa o te ꞌAtua.