Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kōrosa 2:13 - Rapa Nui

13 ꞌI muꞌa ꞌā, a kōrua, te nuꞌu taꞌe he hūrio, pa he nuꞌu mate mo te meꞌe o te ꞌAtua. E noho era, paꞌi, a kōrua ꞌi roto i te hara, ꞌe te meꞌe haka tere atu he meꞌe taꞌe tano pohe e te hakari, meꞌe kai haka kore ꞌana e te ꞌAtua mai ruŋa i a kōrua. ꞌE, hora nei, ko haka ora ꞌana e te ꞌAtua i a kōrua ꞌi muri i a Ietū Kiritō, te auraꞌa, ko vaꞌai atu ꞌana i te noho iŋa ꞌāpī. Te ꞌAtua, paꞌi, i haka kore tahi ai i te tātou hara,

အခန်းကိုကြည့်ပါ။ ကော်ပီ




Kōrosa 2:13
36 ပူးပေါင်းရင်းမြစ်များ  

Tāꞌaku poki nei, paꞌi, i tuꞌu rō pa he meꞌe ko mate ꞌā ꞌe ꞌī ko ora haka ꞌou mai ꞌana; ko ŋaro ꞌā ꞌe ꞌī ko ravaꞌa haka ꞌou mai ꞌana”. »ꞌE he haꞌamata rō ꞌai te ŋoŋoro.


E tano nō ꞌā i aŋa nei i te ŋoŋoro mo koa o tātou ꞌo te hoki haka ꞌou mai o tuꞌu taina. A ia i tuꞌu rō pa he meꞌe ko mate ꞌā ꞌe ꞌī ko ora haka ꞌou mai ꞌana; ko ŋaro ꞌā ꞌe ꞌī ko ravaꞌa haka ꞌou mai ꞌana”».


He pāhono e Ietū: —Ka haka rē mo te nuꞌu mate e tanu i te rāua nuꞌu mate; ꞌe a koe ka oho ka haka ꞌite o ruŋa i te haka tere iŋa ꞌāpī o te ꞌAtua.


»Pa he vaꞌai iŋa e te Matuꞌa ki te taŋata mate i te ora, pē ira takoꞌa te Poki ka vaꞌai ena i te ora ki te kope nō era ꞌāꞌana i haŋa.


ꞌĪ a au he kī atu: o te ⌊Vārua Maitai⌋ te vaꞌai i te ora ꞌāpī; taꞌe hai haŋu taŋata ana ravaꞌa. Te meꞌe vānaŋa atu era e au o te Vārua Maitai, ꞌe hai rā vānaŋa e vaꞌai ena e ia i te ora ꞌāpī ki te taŋata.


Pa he meꞌe kī ꞌi ruŋa i te Pāpaꞌi Moꞌa: «Ko haꞌataꞌa ꞌana a au i a koe mo tupuna o te meꞌe rahi nō atu hau o te ao». Te hōrea nei i vaꞌai ai ki a ꞌAparahama ꞌo te haka moe i tōꞌona manaꞌu ꞌi ruŋa i te ꞌAtua, ꞌAtua i a ia te pūai mo haka ora i te taŋata mai te mate ꞌe mo aŋa i te meꞌe kai ai ꞌana.


ꞌIna ko vaꞌai i te kōrua hakari ki te hara, ꞌo riro te hakari he meꞌe mo aŋa o te meꞌe taꞌe tano. Te meꞌe o kōrua mo aŋa, pa he taŋata ora haka ꞌou mai te mate, he vaꞌai i a kōrua ki te ꞌAtua mo haka tere atu, ꞌe te kōrua hakari pa he meꞌe mo aŋa o te meꞌe tī-tika ꞌi muꞌa ōꞌona.


Mo ai nā ꞌi roto i a kōrua te Vārua o te ꞌAtua haka ora i a Ietū mai te mate, māꞌana takoꞌa e haka ora i te kōrua hakari mai te mate hai Vārua ōꞌona ꞌi roto o kōrua.


Te kope ꞌui tāꞌue pē ira ꞌina kai haka topa i te manaꞌu. E manaꞌu kōrua he aha te meꞌe topa ki te karu e ꞌoka ena: e ko tupu mo taꞌe kōpiro ꞌe mo taꞌe ŋaꞌaha ꞌi raꞌe te haho.


Pē nei e hāꞌaki ena ꞌi ruŋa i te Pāpaꞌi Moꞌa: «Ki te taŋata raꞌe era ko ꞌĀtamu i vaꞌai ai e te ꞌAtua i te ora ki tōꞌona hakari mo noho ꞌi te ao nei»; ꞌe ki a ꞌĀtamu hopeꞌa ena, ko Ietū Kiritō, i vaꞌai ai i te parau mo vaꞌai i te ora ꞌāpī ꞌina he hopeꞌa raꞌa mo noho ꞌi te raŋi.


Hai hāꞌūꞌū mau nō ōꞌona e tano nei mātou mo haka ꞌite o ruŋa i te haka tere iŋa ꞌāpī ōꞌona ananake ko te taŋata, ꞌe te oho iŋa nei taꞌe hai haꞌatura ki te ⌊haka tere iŋa ꞌa Mōtē⌋ ana tano ki tōꞌona mata, hai ai o te Vārua Maitai ꞌi roto i te māhatu. Te meꞌe mo ravaꞌa hai haꞌatura ki te haka tere iŋa ꞌa Mōtē he mate, ꞌe te meꞌe vaꞌai e te Vārua Maitai he ora ꞌāpī ꞌina he hopeꞌa raꞌa.


Hai mate era, paꞌi, o Ietū Kiritō ꞌi ruŋa i te tātaurō i aŋa ai e te ꞌAtua i te rāveꞌa mo haka riva-riva i te taŋata ki a ia ꞌe mo taꞌe tapa atu i te rāua hara. ꞌE ki a mātou i vaꞌai mai ai i te aŋa he haka ꞌite he oho i te roŋo nei.


ꞌI muꞌa ꞌā, ꞌi te hora kai haka moe ꞌana a kōrua i te manaꞌu ꞌi ruŋa i a Ietū, e tuꞌu rō ꞌana kōrua pa he nuꞌu mate mo te meꞌe o te ꞌAtua, te auraꞌa, ꞌina he ŋaroꞌa ꞌe ꞌina he haꞌatura ki a ia, ꞌi te meꞌe era ko ŋaro ꞌana kōrua ꞌi roto i te hara.


E te nuꞌu taꞌe hūrio ē, kī mo kōrua e te hūrio: «nuꞌu taꞌe hore i te kiri o te kinoŋa» ꞌe kī mo rāua mau ꞌana ꞌo te tāpaꞌo i te rāua hakari: «he nuꞌu hore i te kiri o te kinoŋa»,


O te mōrī, paꞌi, te haka takeꞌa i te huru parautiꞌa o te meꞌe. Pa he meꞌe kī ꞌi ruŋa i te ⌊Pāpaꞌi Moꞌa⌋: «Ka ꞌara koe, e haꞌuru mai ena; ka eꞌa mai roto i te nuꞌu mate, ꞌe mā Ietū Kiritō e haka māꞌeha atu i a koe».


ꞌE, i ⌊papatito⌋ era, e tuꞌu rō ꞌā pa he meꞌe: ko mate ꞌā, ko tanu ꞌā, ꞌe ko ora haka ꞌou ꞌā kōrua mai te mate ꞌi muri i a Ietū ꞌo te haka moe i te manaꞌu ꞌi ruŋa i te parautiꞌa nei: e ai rō ꞌā te pūai o te ꞌAtua mo haka ora i te taŋata mai te mate.


ꞌE te viꞌe hove haŋa ki te meꞌe o te ao nō nei pa he viꞌe mate ka ai atu e ora nō ꞌā.


E Timoteo, he kī atu au ꞌi muꞌa i te ꞌAtua, i a ia te ora o te meꞌe taꞌatoꞌa, ꞌe ꞌi muꞌa i a Ietū Kiritō, kī i te parautiꞌa ꞌi muꞌa o Pontio Pirato:


ꞌO ira, e te taina ē, ꞌina tātou ko noho mau rō ꞌai ꞌi ruŋa i te hāpī raꞌe o ruŋa i te ⌊Kiritō⌋. Ki ꞌata hāpī ki oho tātou ꞌātā ka paꞌari rō ꞌi te meꞌe o te ꞌAtua, ꞌo teka-teka ꞌo oho nō tātou ꞌi ruŋa i te hāpī raꞌe era pe he hāpī o ruŋa i te huri iŋa o te manaꞌu ki te ꞌAtua, o ruŋa i te haka tapa iŋa mai roto i te meꞌe taꞌe tano maꞌu ki te mate, o ruŋa i te haka moe iŋa i te manaꞌu ꞌi ruŋa i a Ietū,


ꞌE mo ai o te pūai o te ŋā meꞌe era mo haka maꞌitaki i te taŋata, ¡ka manaꞌu atu ia kōrua pē hē te pūai o te toto o Ietū Kiritō! Hai Vārua Maitai, paꞌi, i vaꞌai ai e Ietū i a ia ki te ꞌAtua pa he tūtia ꞌina e tahi hape. ꞌE te meꞌe haka maꞌitaki hai toto ōꞌona he manaꞌu taꞌe tano o tātou o te taŋata maꞌu i a tātou ki te mate, ki riva ai tātou mo tāvini ki te ꞌAtua, tōꞌona ora ꞌina he hopeꞌa raꞌa.


Pē ira te haka moe iŋa o te manaꞌu ꞌi ruŋa i te ꞌAtua, mo taꞌe haka takeꞌa hai meꞌe riva-riva aŋa, ꞌina ōꞌona hauhaꞌa, pa he meꞌe mate ꞌā.


E te maꞌa-maꞌa ē, ka haka topa te manaꞌu: te haka moe iŋa i te manaꞌu ꞌi ruŋa i te ꞌAtua mo taꞌe haka takeꞌa hai meꞌe riva-riva aŋa, ꞌina e tahi hauhaꞌa.


Mo haka mao o te vānaŋa: te hakari mo kore rō o te vārua o roto he meꞌe mate. Pē ira takoꞌa ꞌana te haka moe i te manaꞌu ꞌi ruŋa i te ꞌAtua he meꞌe mate mo taꞌe haka takeꞌa hai meꞌe riva-riva aŋa.


E te ŋā poki ē, nuꞌu haka moe iho i te manaꞌu ꞌi ruŋa i a Ietū ē, e pāpaꞌi atu ena a au ꞌo te ai hai Ietū Kiritō te kōrua hara i haka kore ai e te ꞌAtua.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ