Kōrosa 2:12 - Rapa Nui

¹² ꞌE, i ⌊papatito⌋ era, e tuꞌu rō ꞌā pa he meꞌe: ko mate ꞌā, ko tanu ꞌā, ꞌe ko ora haka ꞌou ꞌā kōrua mai te mate ꞌi muri i a Ietū ꞌo te haka moe i te manaꞌu ꞌi ruŋa i te parautiꞌa nei: e ai rō ꞌā te pūai o te ꞌAtua mo haka ora i te taŋata mai te mate.

Kōrosa 2:12 ပူးပေါင်းရင်းမြစ်များ

Ruka 17:5

He ani ia e te ⌊ꞌāpōtoro⌋ ki a Ietū mo haka pūai i te rāua haka moe iŋa i te manaꞌu ꞌi ruŋa i te ꞌAtua.

Aŋa o te ꞌĀpōtoro 14:27

I tuꞌu era a Pauro ararua ko Verenāvē ki Antiokia, he haka taka-taka i te nuꞌu haka moe i te manaꞌu ꞌi ruŋa i a Ietū ꞌe he ꞌaꞌamu i tū meꞌe taꞌatoꞌa aŋa era e te ꞌAtua hai rāua, ꞌe pē hē te ꞌAtua i mātaki ai i te ꞌōpani mo haka moe takoꞌa o te nuꞌu taꞌe he hūrio i te rāua manaꞌu ꞌi ruŋa i a Ietū.

Aŋa o te ꞌĀpōtoro 2:24

I oho era he haka ora e te ꞌAtua, he haka eꞌa mai te ꞌati o te mate i a Ietū; taꞌe, paꞌi, te mate mo rē ki a ia.

Aŋa o te ꞌĀpōtoro 2:32

»Te ꞌAtua ko haka ora ꞌā i a Ietū mai te mate ꞌe he mataꞌite a mātou taꞌatoꞌa o rā meꞌe.

Rōmano 4:24

mo tātou takoꞌa. Te ꞌAtua e kī ena he taŋata tano a tātou ki tōꞌona mata hai haka moe o tātou i te manaꞌu ꞌi ruŋa i a ia, kope haka ora mai mai te mate i a Ietū, Pūꞌoko Haka Tere o tātou,

Rōmano 7:4

Pē ira takoꞌa a kōrua, e te taina ōꞌoku ē. ꞌIna he pūai toe o te haka tere iŋa ꞌa Mōtē ꞌi ruŋa i a kōrua. I mate era a Ietū mo tātou, ko mate takoꞌa ꞌā a tātou ꞌi muri. Pē ira i kore ai te pūai o rā haka tere iŋa mai ruŋa i a tātou, ꞌe ꞌi te hora nei te meꞌe i a tātou he pūai o te kope ora haka ꞌou mai era mai te mate mo aŋa o tātou i te meꞌe haŋa o te ꞌAtua.

1 Kōrinto 12:13

Taꞌatoꞌa o tātou ko ⌊papatito⌋ tahi ꞌana hai tū Vārua ꞌā mo riro he hakari mau nō e tahi, ka ⌊hūrio⌋, ka taꞌe hūrio, ka ꞌekaravo, ꞌe ka taꞌe ꞌekaravo. ꞌE ki te taꞌatoꞌa o tātou ko vaꞌai mai ꞌana i tū Vārua Maitai ꞌā.

1 Kōrinto 15:20

ꞌE te parautiꞌa, te Kiritō ko ora ꞌā mai te mate. A ia he raꞌe o te meꞌe mo kato, te auraꞌa, he kope raꞌe mo ora mai te mate.

Karatia 3:27

ꞌE e tuꞌu rō ꞌā pa he meꞌe ena ē: a tātou taꞌatoꞌa, te nuꞌu haka moe i te manaꞌu ꞌi ruŋa i a Ietū ⌊papatito⌋ i a rāua mo takeꞌa e te nuꞌu ꞌa Ietū a rāua, ko uru tahi ꞌana i te ⌊Kiritō⌋, pa he uru iŋa ena ꞌā o te taŋata i te kahu.

Ēfeto 2:8

ꞌI te riva rahi o te ꞌAtua ko haka eꞌa ꞌana i a tātou mai roto i te ūtuꞌa o te hara ꞌo te haka moe o tātou i te manaꞌu ꞌi ruŋa i a Ietū. Taꞌe he meꞌe i ravaꞌa e tātou, he meꞌe o te ꞌAtua i vaꞌai mai,

Ēfeto 3:17

He ani takoꞌa a au mo noho mo oho nō atu a Ietū Kiritō ꞌi roto i a kōrua hai haka moe i te manaꞌu ꞌi ruŋa i a ia, ꞌe mo haka pūai mo oho nō i te kōrua haŋa ki a ia ꞌe ki te rua.

Ēfeto 3:7

ꞌE, ꞌi tōꞌona riva rahi mōꞌoku, ko vaꞌai mai ꞌana i te aŋa he haka ꞌite he oho i te ⌊roŋo riva-riva o ruŋa i a Ietū⌋ hai pūai ōꞌona.

Ēfeto 4:5

E tahi mau nō Pūꞌoko Haka Tere o tātou ko Ietū Kiritō, e tahi mau nō hāpī parautiꞌa o ruŋa i a ia, ꞌe e tahi mau nō ⌊papatito⌋.

Ēfeto 5:14

O te mōrī, paꞌi, te haka takeꞌa i te huru parautiꞌa o te meꞌe. Pa he meꞌe kī ꞌi ruŋa i te ⌊Pāpaꞌi Moꞌa⌋: «Ka ꞌara koe, e haꞌuru mai ena; ka eꞌa mai roto i te nuꞌu mate, ꞌe mā Ietū Kiritō e haka māꞌeha atu i a koe».

Fīripo 1:29

Te ꞌAtua, paꞌi, hai riva rahi ōꞌona, ko vaꞌai mai ꞌana ki a tātou i te meꞌe taꞌe vaꞌai ki te taꞌatoꞌa: te meꞌe ena he haka moe i te manaꞌu ꞌi ruŋa i a Ietū, ꞌe pē ira ꞌā te meꞌe ena he ꞌamo i te ꞌati topa mai ki a tātou ki te nuꞌu ꞌāꞌana,

Kōrosa 1:29

Mo te meꞌe nei a au e aŋa nei hai haŋu ꞌe hai pūai vaꞌai mai e Ietū.

Kōrosa 2:13

ꞌI muꞌa ꞌā, a kōrua, te nuꞌu taꞌe he hūrio, pa he nuꞌu mate mo te meꞌe o te ꞌAtua. E noho era, paꞌi, a kōrua ꞌi roto i te hara, ꞌe te meꞌe haka tere atu he meꞌe taꞌe tano pohe e te hakari, meꞌe kai haka kore ꞌana e te ꞌAtua mai ruŋa i a kōrua. ꞌE, hora nei, ko haka ora ꞌana e te ꞌAtua i a kōrua ꞌi muri i a Ietū Kiritō, te auraꞌa, ko vaꞌai atu ꞌana i te noho iŋa ꞌāpī. Te ꞌAtua, paꞌi, i haka kore tahi ai i te tātou hara,

ꞌEvereo 12:2

Te tātou mata a ruŋa i a Ietū ana uꞌi ꞌo te ai mai i a ia te haka moe iŋa nei o tātou i te manaꞌu ꞌi ruŋa i te ꞌAtua ꞌe ꞌāꞌana te haka tī-tika. A ia, paꞌi, i haꞌaoromaꞌi rō i tōꞌona mate ꞌi ruŋa i te tātaurō, ꞌe ꞌina kai tapa atu i te haꞌamā o te mate iŋa tuꞌu pē ira ꞌo te ꞌite ki oti te ꞌati he koa a ia. ꞌE hora nei, ko noho ꞌā ꞌi te pāꞌiŋa mataꞌu o te ꞌAtua.

ꞌEvereo 6:2

o ruŋa i te ⌊papatito⌋, o ruŋa i te haka puā iŋa hai rima ki te pūꞌoko mo haꞌamaitai, o ruŋa i te ora iŋa mai te mate, ꞌe o ruŋa i te ture hopeꞌa.

1 Pētero 3:21

ꞌE nei meꞌe e tuꞌu rō ꞌā pa he eꞌa iŋa o tātou mai roto i te ūtuꞌa o te hara he mate, meꞌe e haꞌaauraꞌa nei hai ⌊papatito⌋. ꞌE nei papatito taꞌe e haka maꞌitaki ꞌā i te hakari; e kī ꞌā ki te ꞌAtua pē nei ē: e ko haka rē a tātou i a ia ki te hora hopeꞌa ꞌi te ꞌite e tātou ko haka kore ꞌana e ia i te tātou hara hai ora iŋa era o Ietū Kiritō mai te mate.