Kōrosa 2:1 - Rapa Nui

¹ E haŋa rō ꞌana a au mo ꞌite o kōrua: ꞌī a au e aŋa e oho nō ꞌā mo kōrua mo te taina o Kōrosa, mo te nuꞌu ⌊haka moe i te manaꞌu⌋ ꞌi ruŋa i a Ietū o Rāōrītea, ꞌe mo te nuꞌu taꞌatoꞌa pē kōrua kai takeꞌa ꞌana i a au.

Kōrosa 2:1 ပူးပေါင်းရင်းမြစ်များ

Ruka 22:44

ꞌI te rahi o te māui-ui ꞌi roto i te māhatu, ko ꞌata hau ꞌā e pure era, ꞌe ꞌai te nu-nui o te paꞌahia e toto rō ꞌā e viri era.]

Aŋa o te ꞌĀpōtoro 20:25

»Ko ꞌite ꞌana e au, ꞌi te hora nei, ꞌina e tahi o kōrua o te nuꞌu haka ꞌite atu e au o ruŋa o te ⌊haka tere iŋa ꞌāpī o te ꞌAtua⌋ mo takeꞌa haka ꞌou i a au.

Aŋa o te ꞌĀpōtoro 20:38

ko more manava tahi ꞌana ꞌo te kī e Pauro e ko takeꞌa haka ꞌou e rāua i a ia. I oti era he uŋa tahi i a Pauro ki te kona pahī era.

Karatia 4:19

E te ŋā poki haŋa rahi ꞌāꞌaku ē, pa he māui-ui ŋaroꞌa e te viꞌe aꞌu i te poki te māui-ui ŋaroꞌa e au mo kōrua ꞌātā ka ai rō te kōrua huru taꞌatoꞌa pē Ietū Kiritō ꞌā.

Fīripo 1:30

he ꞌati nā e kōrua e ꞌamo mai ena ꞌo te haka ꞌite i te roŋo riva-riva o ruŋa i a Ietū ꞌi muꞌa o te nuꞌu e riri rō ꞌana mo te vānaŋa o te ꞌAtua. A kōrua, paꞌi, he mataꞌite pē hē a au i ꞌamo ai ꞌi rā ꞌati ꞌi muꞌa ꞌā, ꞌe ko ꞌite ꞌana ko te ꞌamo iŋa ꞌana a au ꞌātā ki ꞌaŋarīnā.

Kōrosa 1:24

E koa rō ꞌana a au ꞌi te meꞌe era ko ꞌite ꞌana e au: te ꞌati nei e ꞌamo atu ena mo te kōrua riva-riva. Ko vaꞌai tahi ꞌana, paꞌi, a au i a au mo ꞌamo i te ꞌati taꞌatoꞌa haŋa e te Kiritō mo ꞌamo e au, mo te riva-riva o te nuꞌu taꞌatoꞌa haka moe i te manaꞌu ꞌi ruŋa i a ia.

Kōrosa 1:29

Mo te meꞌe nei a au e aŋa nei hai haŋu ꞌe hai pūai vaꞌai mai e Ietū.

Kōrosa 2:5

ꞌE, ka taꞌe ai atu a au ꞌi muri i a kōrua, he manaꞌu nō atu tāꞌaku aŋa ꞌe e koa rō ꞌā a au ꞌo te ai o kōrua e tahi mau nō manaꞌu ꞌe ꞌo te haka hio-hio i te kōrua manaꞌu ꞌi ruŋa i a Ietū.

1 Tētārōnika 2:2

Ko ꞌite ꞌana e kōrua: ꞌi raꞌe ki te tuꞌu atu o mātou ki a kōrua ena i vā-vā ꞌe i tōtōā rō mai i a mātou ꞌi te kona era ko Fīripo. Ka ai atu pē ira, i hāꞌūꞌū nō mai te ꞌAtua mo haka ꞌite atu ki a kōrua i te ⌊roŋo riva-riva o ruŋa i a Ietū⌋ taꞌe e riꞌa-riꞌa ꞌe taꞌe e tapa atu i te nuꞌu riri mo mātou.

ꞌEvereo 5:7

Hora era o Ietū ꞌi te ao nei, ꞌi te ꞌite e ai rō ꞌā i te ꞌAtua te pūai mo haka eꞌa i a ia mai te mate, he pure he ani nō te aŋa hai reꞌo pūai koia ko taŋi; ꞌe ꞌi tōꞌona haꞌatura, he haka roŋo e te ꞌAtua.

1 Pētero 1:8

A kōrua e haŋa rō ꞌana ki a Ietū Kiritō ka ai atu kai takeꞌa hia i a ia. ꞌE ꞌi te hora nei, ka ai atu ꞌina he takeꞌa, e haka moe rō ꞌana kōrua i te manaꞌu ꞌi ruŋa i a ia, ꞌe e rahi rō ꞌana te kōrua koa, he koa ꞌina he vānaŋa mo haꞌaauraꞌa.

Meꞌe Haka Takeꞌa 1:11

e kī mai ꞌā: «E pāpaꞌi ꞌi ruŋa i te puka te meꞌe taꞌatoꞌa ena ka takeꞌa ena e koe ꞌe ꞌai ka haka maꞌu rō ki te ŋā nūnaꞌa taŋata era hoko hitu haka moe i te manaꞌu ꞌi ruŋa i a Ietū o te ŋā kona era o ꞌĀtia: ki Ēfeto, ki ꞌĒtēmīrina, ki Perekamo, ki Tiatira, ki Tare, ki Pīrārēpia, ꞌe ki Rāōrītea».