Kōrosa 1:8 - Rapa Nui

⁸ ꞌĀꞌana i maꞌu mai i te parau ꞌāpī o ruŋa i a kōrua ꞌe o ruŋa i te kōrua haŋa haka poreko e te ⌊Vārua Maitai⌋ ꞌi roto i a kōrua mo te nuꞌu taꞌatoꞌa haꞌataꞌa e te ꞌAtua māꞌana.

Kōrosa 1:8 ပူးပေါင်းရင်းမြစ်များ

Marko 4:22

Pē ira ka haka aŋi-aŋi ena i te meꞌe taꞌe haka ꞌite ꞌi muꞌa ꞌā ꞌe ka maꞌu ena ki roto i te māꞌeha i te meꞌe naꞌa o ruŋa i te ⌊haka tere iŋa ꞌāpī o te ꞌAtua⌋.

Rōmano 15:30

E te taina, ꞌi te ai o tātou taꞌatoꞌa ꞌa Ietū Kiritō, he Pūꞌoko Haka Tere o tātou, ꞌe ꞌi te ai o te haŋa ꞌi roto i a tātou vaꞌai mai e te Vārua Maitai, he ani atu a au: e pure kōrua ki te ꞌAtua mōꞌoku.

Rōmano 5:5

ꞌE, ꞌi te ꞌata pūai o te tātou manaꞌu ꞌi ruŋa i te ꞌAtua, e ꞌite nei e tātou e ko taꞌe aŋa e ia i tāꞌana meꞌe kī. Ko haka takeꞌa mai ꞌana, paꞌi, i te rahi o tōꞌona haŋa hai vaꞌai mai i te ⌊Vārua Maitai⌋ mo ŋaroꞌa e tātou i rā haŋa ꞌi roto i te māhatu.

Karatia 5:22

ꞌE te meꞌe poreko ꞌi roto i te nuꞌu haka tere e te Vārua Maitai ko te ŋā meꞌe nei: he haŋa, he koa, he haumārū, he ꞌite mo haꞌaoromaꞌi, he huru riva, he māhatu ꞌaroha, he haka tano iŋa i te meꞌe kī,

Kōrosa 1:4

Ko ŋaroꞌa ꞌana, paꞌi, e mātou pē nei ē: e haka moe rō ꞌana kōrua i te manaꞌu ꞌi ruŋa i a Ietū, ꞌe e haŋa rō ꞌana kōrua ki te nuꞌu taꞌatoꞌa haꞌataꞌa e te ꞌAtua māꞌana,

2 Timoteo 1:7

Te ⌊Vārua Maitai⌋ vaꞌai mai era e te ꞌAtua taꞌe he Vārua haka ꞌaka-ꞌaka i te manaꞌu; he Vārua pūai, haka haŋu, haka poreko i te haŋa ki te rua, ꞌe haka ꞌite i te haka topa riva-riva i te manaꞌu.

1 Pētero 1:22

ꞌI te haꞌatura o kōrua ki te roŋo parautiꞌa i haka kore ai e te ꞌAtua i te kōrua hara, ki haŋa parautiꞌa ai kōrua ki te kōrua taina. ꞌO ira, e haŋa e oho ꞌi roto i a kōrua hai māhatu ꞌe hai pūai.