Kōrosa 1:7 - Rapa Nui

⁷ Te meꞌe ena ꞌa Epafara, kope haŋa rahi o mātou aŋa takoꞌa ki te ꞌAtua, i hāpī atu. A ia he tāvini parautiꞌa ꞌa Ietū Kiritō.

Kōrosa 1:7 ပူးပေါင်းရင်းမြစ်များ

Māteo 18:29

»He tū-turi rā hokorua he ani: “Ka haꞌaoromaꞌi mai koe; e ꞌauhau tahi rō atu e au”.

Māteo 24:45

»E ai kōrua pa he tāvini haꞌatura ꞌe haka roŋo, kope haka pūꞌoko e te taŋata haka aŋa i a ia mo tuhaꞌa i te kai ꞌi tōꞌona hora ki te tētahi tāvini o te hare.

Māteo 25:21

»He kī e tū taŋata era: “He tāvini haꞌatura ꞌe riva koe; ꞌo te haꞌatura ōꞌou ꞌi te meꞌe ꞌiti-ꞌiti nei, he vaꞌai atu e au ꞌata rahi te meꞌe mo hāpaꞌo e koe. Ka uru mai ki koa tāua”.

1 Kōrinto 4:17

Mo te ŋā meꞌe nei i uŋa atu ena au i a Timoteo mo hāꞌūꞌū atu i a kōrua. A ia pa he poki haŋa rahi ꞌāꞌaku taꞌe haka rē ki te hora hopeꞌa i te aŋa o te ꞌAtua. Māꞌana e haka manaꞌu atu i tōꞌoku haka tere iŋa pa he kope haka moe i te manaꞌu ꞌi ruŋa i a Ietū Kiritō. Tōꞌoku haka tere iŋa, paꞌi, e tano rō ꞌā ki tāꞌaku meꞌe mau nei ꞌā e hāpī e oho nei ki te nūnaꞌa taŋata haka moe i te rāua manaꞌu ꞌi ruŋa i a Ietū o te kona taꞌatoꞌa vari ōꞌoku.

1 Kōrinto 4:2

Ko ꞌite ꞌana e kōrua: te taŋata ki a ia e vaꞌai ena i te aŋa e haka tano tahi i te meꞌe kī mo aŋa.

1 Kōrinto 7:25

ꞌE, te nuꞌu taꞌe hāipo-ipo, ꞌina e tahi ꞌāꞌaku roŋo mo haka ꞌite ki a rāua vaꞌai mai e Ietū, Pūꞌoko Haka Tere o tātou. ꞌE, ka ai atu pē ira, a au pa he taŋata aŋa i tāꞌana meꞌe kī hai riva rahi o te ꞌAtua, he kī atu au i tōꞌoku manaꞌu.

2 Kōrinto 11:23

¿He tāvini a rāua o te Kiritō? ꞌAta hau rō atu tōꞌoku tāvini iŋa ki te Kiritō ki a rāua, ka ai atu ꞌi tōꞌoku kī i te meꞌe nei, e vānaŋa ꞌana a au pa he maꞌa-maꞌa. ꞌAta rahi rō atu tōꞌoku aŋa mōꞌona ki a rāua, ꞌata rahi rō atu tōꞌoku puru iŋa ꞌi roto i te hare maꞌuꞌaurī ꞌo te aŋa ki te Kiritō ki a rāua, ꞌata rahi rō atu te tiŋaꞌi iŋa mai i a au, ꞌe i rahi rō te mahana i oho rō a au mo mate.

Ēfeto 5:21

E te taina, e moꞌa kōrua ꞌi roto i a kōrua ꞌana, ki takeꞌa ai e moꞌa rō ꞌana kōrua i a Ietū Kiritō.

Fīripo 2:25

ꞌĪ a au e manaꞌu takoꞌa ꞌā mo uŋa atu i te tātou taina ko Epafororito, kope uŋa mai era e kōrua mo hāꞌūꞌū mai ki a au. A ia he hokorua aŋa ōꞌoku ꞌe pa he vaꞌehau haka ꞌou e tahi o te ⌊Kiritō⌋.

Kōrosa 4:12

A Epafara, tāvini takoꞌa o Ietū Kiritō, ꞌī e ꞌaroha atu ena. A ia takoꞌa o te kona ena o kōrua, ꞌe te aŋa nō ꞌāꞌana he ani ki te ꞌAtua mo kōrua ꞌi roto i tāꞌana pure, mo haka hio-hio atu i te manaꞌu ꞌi ruŋa i a Ietū, ki aŋi-aŋi riva-riva ai e kōrua he aha te meꞌe haŋa o te ꞌAtua mo kōrua.

Kōrosa 4:7

Mo te tātou taina haŋa rahi nei ko Tīkiko e maꞌu atu i te parau ꞌāpī o ruŋa i te meꞌe taꞌatoꞌa topa mai ki a au. A ia e hāꞌūꞌū rō mai ꞌana, ꞌe he tāvini takoꞌa pē au o te ꞌAtua ꞌite mo haka tano i tāꞌana meꞌe kī.

Kōrosa 4:9

ꞌE nā ꞌi muri i a ia i uŋa takoꞌa atu ena i a Onetimoro, he taina haŋa rahi o tātou ꞌite takoꞌa mo haka tano i tāꞌana meꞌe kī. A ia o te kona ena o kōrua. Mo rāua e ꞌaꞌamu atu i te meꞌe taꞌatoꞌa o nei.

1 Timoteo 4:6

E Timoteo, mo hāpī ōꞌou ki te taina i te ŋā meꞌe nei, he tāvini riva-riva ia koe o Ietū Kiritō. ꞌE te roŋo parautiꞌa o te ꞌAtua ꞌe te maꞌu ōꞌou i te hāpī riva-riva haka ꞌite atu he haka haŋu he oho i a koe.

2 Timoteo 2:2

E kimi koe hai ŋāŋata haka tano i te rāua meꞌe kī, ŋāŋata ꞌite takoꞌa mo hāpī i te rua. Ki a rāua koe ana haka ꞌite mo hāpī e rāua ki te tētahi i te hāpī parautiꞌa o ruŋa i a Ietū Kiritō haka ꞌite atu era e au ꞌi te hora hāpī ōꞌoku i te nuꞌu.

Firemono 1:23

ꞌĪ a Epafara e ꞌaroha atu ena; a ia he hokorua ōꞌoku ꞌi roto i te hare maꞌuꞌaurī ꞌo te haka ꞌite takoꞌa o ruŋa i a Ietū Kiritō.

ꞌEvereo 2:17

Mo te meꞌe nei i haka riro ai i a ia he taŋata, mo riro ōꞌona he ⌊oromatuꞌa hopeꞌa o te ra-rahi⌋, māhatu haka ꞌaroha, taꞌe haka rē ki te hora hopeꞌa i tāꞌana meꞌe aŋa ki te ꞌAtua, ki ꞌamo ai e ia i te ūtuꞌa o te hara, ki tano ai te ꞌAtua mo haka rehu i te hara o te taŋata.

ꞌEvereo 3:2

ꞌE ꞌa Ietū, kope haꞌataꞌa e te ꞌAtua mo rā aŋa, i aŋa tahi rō i te meꞌe kī e te ꞌAtua mo aŋa. Pē ira ꞌana a Mōtē, i aŋa tahi rō i te meꞌe kī e te ꞌAtua mo aŋa hora haka tere era e ia i tōꞌona taŋata.