Kōrosa 1:16 - Rapa Nui

¹⁶ O te ꞌAtua i haka aŋa ki te Kiritō i te meꞌe taꞌatoꞌa e ai ena: te meꞌe ꞌi ruŋa i te raŋi ꞌe te meꞌe ꞌi ruŋa i te henua, te meꞌe takeꞌa ꞌe te meꞌe taꞌe takeꞌa koia ko te rāua pūꞌoko haka tere taꞌatoꞌa. Te meꞌe taꞌatoꞌa i aŋa ai e te ꞌAtua hai ia ꞌe māꞌana.

Kōrosa 1:16 ပူးပေါင်းရင်းမြစ်များ

Iovani 1:10

I noho rō te Vānaŋa ꞌi ruŋa i te henua, ꞌe, ka ai atu hai ia te ꞌAtua i aŋa ai i te ao, kai ꞌite e te taŋata ko ai a ia.

Iovani 1:3

ꞌE hai Vānaŋa te ꞌAtua i aŋa ai i te meꞌe taꞌatoꞌa; ꞌina e tahi meꞌe i ai i taꞌe aŋa hai ia.

Rōmano 11:36

Taꞌatoꞌa meꞌe o te ꞌAtua i aŋa, ꞌe hai ia e ai e oho nō ena; i aŋa ai mo haꞌahana-hana ki a ia. ¡Ki haꞌahana-hana tahi ia tātou ki te ꞌAtua ꞌātā ki te hopeꞌa raꞌa! ⌊ꞌĀmene⌋.

Rōmano 8:38

ꞌE hora nei, ko aŋi-aŋi riva-riva ꞌana e au pē nei ē: ꞌina e tahi meꞌe mo haka kore i te haŋa o te ꞌAtua mai ruŋa i a tātou. ꞌIna e ko haka kore e te mate ꞌe e te ora, e te merahi ꞌe e te tātane, e te meꞌe o te hora nei ꞌe e te meꞌe pe muꞌa ka oho ena,

Rōmano 9:5

Ko rāua te hakaara o te tātou tupuna, ꞌe mai i a rāua i poreko ai te Kiritō. A ia, paꞌi, he ꞌAtua o te meꞌe taꞌatoꞌa ꞌe ki a ia ana haꞌahana-hana ꞌātā ki te hopeꞌa raꞌa. ⌊ꞌĀmene⌋.

1 Kōrinto 8:6

ꞌE, a tātou, te nuꞌu ⌊haka moe i te manaꞌu⌋ ꞌi ruŋa i a Ietū, e ꞌite riva-riva rō ꞌana: e tahi mau nō ꞌAtua, he Matuꞌa, ꞌāꞌana i aŋa i te meꞌe taꞌatoꞌa, ꞌe māꞌana a tātou e ai nei. ꞌE e tahi mau nō tātou Pūꞌoko Haka Tere ko Ietū Kiritō, hai ia te meꞌe taꞌatoꞌa i ai ai, ꞌe ꞌātā a tātou mau nei ꞌā.

Ēfeto 1:10

ꞌi te mahana kī e ia. Rā meꞌe manaꞌu era e te ꞌAtua mo aŋa he haka riro i a Ietū Kiritō he Pūꞌoko Haka Tere o te meꞌe taꞌatoꞌa o te raŋi ꞌe o te ao.

Ēfeto 6:12

Taꞌe a tātou e moto ꞌā ki te taŋata; e moto ꞌana ki te tātane, te auraꞌa, ki a Rukifero ꞌe ki tāꞌana vaꞌehau taꞌatoꞌa ꞌina he takeꞌa mai haka tere i te nuꞌu noho ꞌi roto i te pōhāhā.

Fīripo 2:10

ki tū-turi ꞌe ki haꞌamuri tahi ai ki a Ietū te meꞌe taꞌatoꞌa ꞌi te raŋi, ꞌi ruŋa i te henua ꞌe ꞌi te pōꞌauahi,

Kōrosa 1:15

O te ⌊Kiritō⌋ te haka ꞌite mai i te huru o te ꞌAtua, kope ꞌina he takeꞌa e tātou. Te Kiritō ko ai era ꞌana ꞌi raꞌe ki te aŋa i te ao, ꞌe i hau rō atu ki te meꞌe taꞌatoꞌa aŋa e te ꞌAtua.

Kōrosa 1:20

ꞌE hai Ietū, hai toto tehe era ōꞌona ꞌi ruŋa i te tātaurō, te ꞌAtua i haka riva-riva haka ꞌou ai ki a ia i te meꞌe taꞌatoꞌa o te ao ꞌe o ruŋa i te raŋi ꞌava-ꞌava mai i a ia ꞌi te hara.

Kōrosa 2:10

ꞌE, ꞌo te ai o kōrua ꞌāꞌana, ko ai tahi ꞌana i a kōrua te meꞌe mo tano o kōrua ꞌe o te kōrua noho iŋa ki te mata o te ꞌAtua. A Ietū Kiritō, paꞌi, he Pūꞌoko Haka Tere o te meꞌe taꞌatoꞌa, ꞌātā o te ŋā kope ena ꞌina he takeꞌa mai haka tere i te ao nei.

Kōrosa 2:15

ꞌI rā hora i haka kore takoꞌa ai e te ꞌAtua i te pūai ꞌe i te tōroꞌa mai ruŋa i te ŋā kope ena ꞌina he takeꞌa mai haka tere i te ao nei ꞌe he haka takeꞌa mai ꞌina rāua pūai toe.

ꞌEvereo 1:2

ꞌE hora nei, ꞌi te ŋā hora hopeꞌa nei, ko vānaŋa mai ꞌā hai Poki era ꞌāꞌana, kope hai ia i aŋa ai i te ao ꞌe ki a ia i vaꞌai tahi ai i te parau o te meꞌe taꞌatoꞌa.

ꞌEvereo 2:10

ꞌI te haŋa o te ꞌAtua, kope aŋa ꞌe hāpaꞌo i te meꞌe taꞌatoꞌa, mo maꞌu meꞌe rahi taŋata ki muri i a ia mo ŋā poki ꞌāꞌana, ŋā poki te rāua huru pa he huru mau era ꞌā ōꞌona, i tano ai mo haka riro i a Ietū, hai ꞌati haꞌatiꞌa e ia mo ꞌamo, he kope hopeꞌa o te tano mo maꞌu i te taŋata ki a ia. A Ietū, paꞌi, he kope haka eꞌa i te taŋata mai roto i te ūtuꞌa o te hara ꞌe vaꞌai i te ora ꞌāpī ꞌina he hopeꞌa raꞌa.

1 Pētero 3:22

ꞌE hora nei, ꞌai te raŋi ꞌi te pāꞌiŋa mataꞌu o te ꞌAtua, kona mo te kope hopeꞌa o te hōnui, e noho ena ꞌe e haka tere ena i te merahi taꞌatoꞌa ꞌe i te ŋā vārua taꞌatoꞌa ena e ai rō ꞌana te rāua tōroꞌa ꞌe pūai.