Karatia 5:1 - Rapa Nui1 A Ietū Kiritō i haka eꞌa i a tātou mai te meꞌe ena he ꞌamo i te haka tere iŋa ꞌa Mōtē mo tano ki te mata o te ꞌAtua. ꞌO ira, e uꞌi kōrua ꞌo haka ꞌamo haka ꞌou rō atu i te haka tere iŋa era, ꞌo ꞌekaravo haka ꞌou kōrua o rā haka tere iŋa. အခန်းကိုကြည့်ပါ။ |
Ka ai atu pē ira, i ai rō ꞌi ira te nuꞌu haka tuꞌu i a rāua pa he nuꞌu ⌊haka moe i te manaꞌu⌋ ꞌi ruŋa i a Ietū, te haŋa mo uꞌi hoki ko te maꞌu iŋa ꞌana a mātou i te ⌊haka tere iŋa ꞌa Mōtē⌋ ꞌe, mo taꞌe ai pē ira, mo haka ꞌamo haka ꞌou mai i rā haka tere iŋa. ꞌE te parautiꞌa, ꞌina he pūai toe o te haka tere iŋa ꞌa Mōtē ꞌi ruŋa i a tātou ꞌo te ai o tātou ꞌa Ietū Kiritō.
ꞌE hora nei, he hora ko toꞌo ꞌana a kōrua i te ꞌAtua parautiꞌa mo ꞌAtua o kōrua, ꞌo, te tī-tika mau, he hora ko toꞌo ꞌana i a kōrua pa he ŋā poki ꞌāꞌana, ¿he aha ia kōrua e haka rē ena mo haka tere haka ꞌou atu e te ŋā meꞌe ena ꞌina rāua pūai ꞌe mo haka riro haka ꞌou atu i a kōrua he ꞌekaravo o rāua?
Pē ira ꞌā te ⌊Kiritō⌋, ꞌina e ko taꞌe aŋa i te meꞌe taꞌatoꞌa kī e te ꞌAtua mo aŋa. Te meꞌe topa kē ōꞌona, a ia he Poki o te ꞌAtua, ꞌe pa he Poki o te ꞌAtua e haka tere ꞌe e hāpaꞌo ena i te nuꞌu taꞌatoꞌa o te ꞌAtua, ꞌe rā nuꞌu ko tātou ana maꞌu hio-hio ana oho nō tātou i te manaꞌu ꞌi ruŋa i a ia, ꞌe ana tiaki hai koa i te meꞌe taꞌatoꞌa hōrea mai e ia.
E te taina, ko haŋa ꞌana a au mo pāpaꞌi atu o ruŋa i te eꞌa iŋa mai roto i te ūtuꞌa o te hara ꞌe te ravaꞌa iŋa i te ora ꞌāpī ꞌina he hopeꞌa raꞌa, he meꞌe ai i a kōrua ꞌe i a au. ꞌE, ko uꞌi ꞌana e au ꞌi te hora nei, te meꞌe ꞌāꞌaku mo hōrou mo pāpaꞌi atu: e maꞌu hio-hio ꞌi roto i te kōrua māhatu te hāpī parautiꞌa vaꞌai mai e te ꞌAtua ki a tātou ki te nuꞌu haꞌataꞌa e ia māꞌana ꞌe e hāpaꞌo ꞌo huri hai manaꞌu taŋata.