ꞌO ira, ꞌi te haka tere iŋa ꞌāpī nei, a Ietū he kope haka riva-riva i te taŋata ki te ꞌAtua, ki ravaꞌa ai e te nuꞌu kī e te ꞌAtua mo taŋata ꞌāꞌana i te meꞌe taꞌatoꞌa ꞌina he hopeꞌa raꞌa hōrea e ia mo rāua. A Ietū Kiritō, paꞌi, i mate ai mo haka eꞌa takoꞌa mai roto i te ūtuꞌa o te hara i te taŋata hara o te haka tere iŋa raꞌe era.
Karatia 4:5 - Rapa Nui5 mo haka eꞌa i a tātou mai roto i rā haka tere iŋa, ꞌe mo haka riro i a tātou i te nuꞌu ⌊haka moe i te manaꞌu⌋ ꞌi ruŋa i tāꞌana Poki he ŋā poki parautiꞌa ꞌāꞌana. အခန်းကိုကြည့်ပါ။ |
Karatia 4:5
26 ပူးပေါင်းရင်းမြစ်များ
Hai toto tehe era o Ietū ꞌi ruŋa i te tātaurō te ꞌAtua ko haka rehu ꞌana i te tātou hara, ꞌe ko haka kore ꞌana i te ūtuꞌa mai ruŋa i a tātou ꞌo te ai o tātou ꞌa Ietū Kiritō. I aŋa ai i te meꞌe nei e te ꞌAtua he riva rahi ōꞌona ꞌina he hāito ꞌi ruŋa i a tātou. ꞌE ꞌāꞌana takoꞌa i vaꞌai mai i te mārama-rama mo aŋi-aŋi e tātou i te parautiꞌa o ruŋa i a ia.
E tahi mau nō oꞌo iŋa o Ietū ki te Kona ꞌAta Moꞌa parautiꞌa ꞌi te raŋi mo te hora taꞌatoꞌa, ꞌe kai maꞌu i te toto o te vato-vato ꞌe o te puaꞌa mo tūtia ki te ꞌAtua. I tūtia ai hai toto mau era ꞌā ōꞌona, ꞌe hai toto era ōꞌona i ravaꞌa ai mo haka eꞌa mau rō ꞌai i a tātou mai roto i te ūtuꞌa o te hara ꞌe mo vaꞌai mai i te ora ꞌāpī ꞌina he hopeꞌa raꞌa.
Te meꞌe nō, ko ꞌite ꞌā e tātou taꞌatoꞌa, ꞌina e tahi kope mo ravaꞌa i rā meꞌe. ꞌO ira ko tano riva-riva ꞌā mo ai ꞌi ruŋa i a tātou i te taŋata te ūtuꞌa kī e te ꞌAtua. ꞌE a Ietū i haka kore i te ūtuꞌa mai ruŋa i a tātou hai ꞌamo e ia i rā ūtuꞌa hora mate era ꞌi ruŋa i te tātaurō. E hāꞌaki rō ꞌana, paꞌi, ꞌi ruŋa i te Pāpaꞌi Moꞌa: «Te ūtuꞌa o te ꞌAtua ꞌi ruŋa i te kope mate ꞌi ruŋa i te tātaurō».
ꞌE taꞌe ko rāua nō te meꞌe māui-ui pē ira, ko tātou takoꞌa, he nuꞌu haka moe i te manaꞌu ꞌi ruŋa i a Ietū, ka ai atu i a tātou te Vārua Maitai, he meꞌe raꞌe i vaꞌai mai o te meꞌe mo vaꞌai mai e te ꞌAtua. ꞌI roto i a tātou e taŋi nei ki te hora mo haka takeꞌa e te ꞌAtua: he ŋā poki mau ꞌā ꞌāꞌana ꞌe he haka eꞌa e ia i te tātou hakari mai roto i te ꞌati.
A rāua, paꞌi, he hakaara takoꞌa o Hākovo, kī takoꞌa ko ⌊Itaraera⌋. I haꞌataꞌa takoꞌa rō, paꞌi, i a rāua e te ꞌAtua mo ŋā poki ꞌāꞌana. Ki a rāua i haka takeꞌa ai i te ꞌana-ꞌana o tōꞌona pūai, ꞌe i haka ꞌite ai e haꞌamaitai rō. Ki a rāua takoꞌa i vaꞌai ai i te ⌊haka tere iŋa ꞌa Mōtē⌋, ꞌe pē ira ꞌā i te rāveꞌa pē hē ana moꞌa ꞌe ana haꞌamuri ki te ꞌAtua, ꞌe i te hōrea mo rāua.
Te ꞌana-ꞌana ꞌe te pūai nui-nui o te ꞌAtua e takeꞌa ena ꞌi ruŋa i tāꞌana Poki; a ia he ꞌāriŋa mau ꞌā o te ꞌAtua, ꞌe ꞌāꞌana te haka noho i te meꞌe taꞌatoꞌa o te ao ꞌi tōꞌona kona hai kī mau nō e ia. I tuꞌu mai era ki te ao nei, he aŋa tahi i tāꞌana meꞌe taꞌatoꞌa mo aŋa mo haka kore e te ꞌAtua i te tātou hara. I oti tahi era nei aŋa, he hoki ki te raŋi ꞌe he noho ꞌi te pāꞌiŋa mataꞌu o te ꞌAtua.
»ꞌO ira, e uꞌi ꞌo haka tapa kōrua mai te hāpī parautiꞌa o te ꞌAtua, ꞌe e hāpaꞌo te nuꞌu taꞌatoꞌa haka moe i te manaꞌu ꞌi ruŋa i a Ietū vaꞌai atu e te Vārua Maitai ki a kōrua ki te nuꞌu pūꞌoko haka tere o te nuꞌu haꞌataꞌa e te ꞌAtua māꞌana, mo hāpī riva-riva e kōrua. A rāua, paꞌi, he nuꞌu hoꞌo e ia hai toto mau era ꞌā ōꞌona.
ꞌI te hara, paꞌi, o tātou i mate ai te Kiritō, ꞌe tōꞌona mate era mo te hora taꞌatoꞌa. ꞌIna e tahi ꞌāꞌana meꞌe taꞌe tano i aŋa ꞌe, mo haka riva-riva i a tātou ki te ꞌAtua, i ꞌamo ai i te ūtuꞌa o te mate mo tātou, nuꞌu aŋa i te meꞌe taꞌe tano. Ka ai atu i mate rō tōꞌona hakari taŋata, he vārua ōꞌona te meꞌe i taꞌe mate.
Rā meꞌe he ŋāŋata era e hoꞌe hānere maha ꞌahuru mā maha taꞌutini haꞌataꞌa era e te ꞌAtua mai roto i te taŋata taꞌatoꞌa o te ao, haka eꞌa era mai roto i te ūtuꞌa o te hara. E hīmene ꞌana i te hīmene ꞌāpī, hīmene ko rāua mau nō i ꞌite, ꞌi muꞌa o te kona pepe noho ꞌariki era, o te meꞌe ora era e hā ꞌe o tū ŋāŋata ra-rahi era.
Te haŋa: he haka tano e te ꞌAtua i a rāua ki tōꞌona mata hai haꞌatura o rāua ki te ⌊haka tere iŋa ꞌa Mōtē⌋. ꞌE te parautiꞌa mau, hai tuꞌu iŋa mai era o Ietū Kiritō i kore ai te hauhaꞌa o te meꞌe ena he haꞌatura ki rā haka tere iŋa mo tano o te taŋata ki te mata o te ꞌAtua. Hora nei taŋata nō era mo ⌊haka moe i te manaꞌu⌋ ꞌi ruŋa i a Ietū e tano rō ꞌā ki te mata o te ꞌAtua.
ကြော်ငြာတွေ