Karatia 4:3 - Rapa Nui

³ Te meꞌe nei pa he oho iŋa era ꞌā o tātou ꞌi muꞌa ꞌā: ꞌi te hora era kai aŋi-aŋi ꞌā i te hāpī parautiꞌa o te ꞌAtua, ꞌe kai haka moe ꞌā i te manaꞌu ꞌi ruŋa i a Ietū, o te hāpī taꞌe hauhaꞌa o te ao nei te haka tere mai i a tātou.

Karatia 4:3 ပူးပေါင်းရင်းမြစ်များ

Māteo 11:28

»Te nuꞌu taꞌatoꞌa rohi-rohi ꞌo te ꞌamo i te meꞌe paŋahaꞌa e oho mai ki a au; māꞌaku e haka kore i te rohi-rohi.

Iovani 8:31

He kī e Ietū ki te hūrio ⌊haka moe i te manaꞌu⌋ ꞌi ruŋa i a ia: —Mo haka roŋo ꞌe mo haꞌatura mo oho nō kōrua ki tāꞌaku vānaŋa, he nuꞌu hāpī mau ꞌana ia kōrua ꞌāꞌaku;

Aŋa o te ꞌĀpōtoro 15:10

»Mo ai pē ira, ¿he aha ia a kōrua e haŋa ena mo haka riri i te ꞌAtua hai haka ꞌamo ki te nuꞌu era i te haka tere iŋa ꞌa Mōtē, he meꞌe kai ꞌite mo ꞌamo e tātou ꞌe e te tātou tupuna?

Rōmano 7:14

A tātou e ꞌite rō ꞌana: te haka tere iŋa ꞌa Mōtē meꞌe riva-riva, he meꞌe vaꞌai e te Vārua o te ꞌAtua. ꞌE a au pa he taŋata ꞌina ōꞌoku pūai ꞌi muꞌa o te hara. E tuꞌu rō ꞌana a au pa he ꞌekaravo o te hara.

Rōmano 8:15

Te Vārua vaꞌai mai e te ꞌAtua taꞌe he vārua haka riro i a tātou he ꞌekaravo riꞌa-riꞌa ꞌi te kope haka aŋa i a ia, he Vārua haka riro i a tātou he ŋā poki o te ꞌAtua. Hai ia e kī ena a tātou ki te ꞌAtua: «¡E koro ōꞌoku ē!».

2 Kōrinto 11:20

Mo tuꞌu atu, paꞌi, o te nuꞌu haꞌariro i a kōrua he ꞌekaravo o rāua, te nuꞌu toꞌo i te kōrua meꞌe, te nuꞌu reo-reo atu, te nuꞌu taꞌe haka au atu, ꞌe te nuꞌu vā-vā atu he haꞌaoromaꞌi e kōrua.

Karatia 2:4

Ka ai atu pē ira, i ai rō ꞌi ira te nuꞌu haka tuꞌu i a rāua pa he nuꞌu ⌊haka moe i te manaꞌu⌋ ꞌi ruŋa i a Ietū, te haŋa mo uꞌi hoki ko te maꞌu iŋa ꞌana a mātou i te ⌊haka tere iŋa ꞌa Mōtē⌋ ꞌe, mo taꞌe ai pē ira, mo haka ꞌamo haka ꞌou mai i rā haka tere iŋa. ꞌE te parautiꞌa, ꞌina he pūai toe o te haka tere iŋa ꞌa Mōtē ꞌi ruŋa i a tātou ꞌo te ai o tātou ꞌa Ietū Kiritō.

Karatia 3:19

¿Mo aha ia te haka tere iŋa ꞌa Mōtē? Te haka tere iŋa ꞌa Mōtē i vaꞌai mai ai e te ꞌAtua mo aŋi-aŋi e tātou taꞌatoꞌa e hara rō ꞌana a tātou. Te manaꞌu o te ꞌAtua: hai rā haka tere iŋa ana haka tika ana oho a tātou ꞌātā ki te tuꞌu iŋa mai o tū hakaara era ko Ietū Kiritō, he kope ꞌi ruŋa i a ia te hōrea kī era e te ꞌAtua ki a ꞌAparahama. E ko hape tātou mo kī i hau rō atu ꞌi te hauhaꞌa te meꞌe hōrea e te ꞌAtua ki te haka tere iŋa ꞌa Mōtē. Te haka tere iŋa nei hai merahi i uŋa mai ai, ꞌe a Mōtē i haka ꞌite ki te taŋata.

Karatia 4:2

Te auraꞌa: e ai rō ꞌana te nuꞌu hāpaꞌo i a ia ꞌe i tāꞌana meꞌe taꞌatoꞌa ꞌātā ka tano rō te matahiti kī e tōꞌona matuꞌa.

Karatia 4:24

E ai rō ꞌana te haꞌaauraꞌa o te meꞌe nei: te ŋā viꞌe nei e rua e haka takeꞌa mai ꞌā e rua rāveꞌa o te ⌊haka tere iŋa o te ꞌAtua ananake ko te taŋata⌋. Te rāveꞌa raꞌe he roŋo vaꞌai era e te ꞌAtua ki a Mōtē ꞌi ruŋa i te maꞌuŋa era ko ⌊Tinaī⌋, ꞌe te tāpaꞌo o rā haka tere iŋa ko ꞌĀkara, matuꞌa vahine o te poki ka poreko era he ꞌekaravo takoꞌa.

Karatia 4:25

Te viꞌe nei ko ꞌĀkara pa he tāpaꞌo o te maꞌuŋa era ko Tinaī ꞌi te henua era ko Aravia, he kona ꞌi ira i poreko ai te haka tere iŋa ꞌa Mōtē. ꞌE he tāpaꞌo takoꞌa o Hērutarema o te hora nei, he kona ko te maꞌu ko te oho iŋa ꞌā e te taŋata i te haka tere iŋa ꞌa Mōtē pa he nuꞌu ꞌekaravo o rā haka tere iŋa.

Karatia 4:31

Pē ira, e te taina ē, taꞌe a tātou he poki o te viꞌe ꞌekaravo era, a tātou o te rua viꞌe era.

Karatia 4:8

ꞌI muꞌa ꞌā, hora era kai haka moe ꞌana kōrua i te manaꞌu ꞌi ruŋa i te ꞌAtua parautiꞌa, he ꞌekaravo kōrua o te meꞌe kī e kōrua he ꞌatua.

Karatia 4:9

ꞌE hora nei, he hora ko toꞌo ꞌana a kōrua i te ꞌAtua parautiꞌa mo ꞌAtua o kōrua, ꞌo, te tī-tika mau, he hora ko toꞌo ꞌana i a kōrua pa he ŋā poki ꞌāꞌana, ¿he aha ia kōrua e haka rē ena mo haka tere haka ꞌou atu e te ŋā meꞌe ena ꞌina rāua pūai ꞌe mo haka riro haka ꞌou atu i a kōrua he ꞌekaravo o rāua?

Kōrosa 2:20

ꞌI te haka moe o kōrua i te manaꞌu ꞌi ruŋa i a Ietū ko mate ꞌana kōrua ꞌi muri i a ia, te auraꞌa, ko haka kore ꞌā e te ꞌAtua mai ruŋa i a kōrua i te pūai o te meꞌe taꞌe tano pohe e te hakari ꞌe i te pūai o te ŋā kope ena ꞌina he takeꞌa mai haka tere i te ao nei. ¿He aha ia kōrua e haꞌatura nō ena ki te haka tere iŋa taŋata

Kōrosa 2:8

E uꞌi kōrua e te nuꞌu ꞌo reo-reo atu hai hāpī taꞌe parautiꞌa, he haka tere iŋa poreko mai te manaꞌu taŋata nō, ꞌo he meꞌe haka manaꞌu e te tātane haka tere i te ao nei. Te hāpī nei taꞌe ꞌa Ietū Kiritō.

ꞌEvereo 5:12

A kōrua ko haka moe nō mai era ꞌā i te manaꞌu ꞌi ruŋa i a Ietū. ꞌO ira, te tano mau: e hāpī kōrua i te rua. Ka ai atu pē ira, ko te ai iŋa ꞌana kōrua pa he nuꞌu e hāpī haka ꞌou i te meꞌe taꞌe aŋarahi mo aŋi-aŋi o ruŋa i te ꞌAtua. E tuꞌu rō ꞌana kōrua pa he ŋā poki poreko iho ꞌomo-ꞌomo ū taꞌe ꞌite mo kai i te kai paka-paka.

ꞌEvereo 7:16

A Ietū i oromatuꞌa ai taꞌe ꞌo te haka tano ki te haka tere iŋa era ꞌa Mōtē pē nei ē: he hakaara o Rēvī; i oromatuꞌa ai ꞌo te ai i a ia te pūai o te ora ꞌina he hopeꞌa raꞌa.