Karatia 4:2 - Rapa Nui

² Te auraꞌa: e ai rō ꞌana te nuꞌu hāpaꞌo i a ia ꞌe i tāꞌana meꞌe taꞌatoꞌa ꞌātā ka tano rō te matahiti kī e tōꞌona matuꞌa.

Karatia 4:2 ပူးပေါင်းရင်းမြစ်များ

Iovani 15:7

»Mo noho nō mai o kōrua ꞌi muri i a au, ꞌe mo maꞌu riva-riva i tāꞌaku hāpī nei, te meꞌe mo no-noꞌi mai e kōrua he vaꞌai atu.

1 Kōrinto 4:15

Ka rahi atu te nuꞌu hāpaꞌo ꞌe hāpī i a kōrua pa he ⌊kiritiano⌋, e tahi mau nō kope pa he matuꞌa tane o kōrua ko au. ꞌĀꞌaku, paꞌi, i haka ꞌite raꞌe atu i te ⌊roŋo riva-riva o ruŋa i a Ietū Kiritō⌋, ꞌe i kī atu mo ⌊haka moe i te manaꞌu⌋ ꞌi ruŋa i a ia mo ai o kōrua ꞌāꞌana.

Karatia 3:24

Mo tātou te haka tere iŋa ꞌa Mōtē pa he kope hāpaꞌo ŋā poki, haka tika i te tātou ara ꞌātā ki te tuꞌu iŋa mai o Ietū Kiritō, ki ai ai hora era ōꞌona ka tuꞌu mai ena he tano a tātou ki te mata o te ꞌAtua hai haka moe i te manaꞌu ꞌi ruŋa i a ia.

Karatia 4:1

Pē nei te haꞌaauraꞌa: Te poki ki a ia ka haka rē era te hauhaꞌa taꞌatoꞌa o tōꞌona matuꞌa, ꞌi te hora e ŋā poki nō ꞌana, pa he ꞌekaravo haka ꞌou nō atu e tahi o te hare ꞌi te meꞌe era o te rua te haka tere i a ia, ka ai atu ōꞌona rā hauhaꞌa.

Karatia 4:3

Te meꞌe nei pa he oho iŋa era ꞌā o tātou ꞌi muꞌa ꞌā: ꞌi te hora era kai aŋi-aŋi ꞌā i te hāpī parautiꞌa o te ꞌAtua, ꞌe kai haka moe ꞌā i te manaꞌu ꞌi ruŋa i a Ietū, o te hāpī taꞌe hauhaꞌa o te ao nei te haka tere mai i a tātou.