Karatia 3:9 - Rapa Nui

⁹ Pē ira te nuꞌu taꞌatoꞌa haka moe i te manaꞌu ꞌi ruŋa i a Ietū, he haꞌamaitai takoꞌa e te ꞌAtua pa he haꞌamaitai iŋa era ꞌā i a ꞌAparahama.

Karatia 3:9 ပူးပေါင်းရင်းမြစ်များ

Rōmano 4:11

Te parautiꞌa, ko kī era ꞌā te ꞌAtua i rā meꞌe i hore iho ai te kiri o te kinoŋa o ꞌAparahama, pa he tāpaꞌo o tū meꞌe kī era e te ꞌAtua o ruŋa i a ia. Pē ira a ꞌAparahama i ai ai he matuꞌa o te nuꞌu taꞌatoꞌa haka moe i te manaꞌu ꞌi ruŋa i te ꞌAtua, nuꞌu e tano takoꞌa rō ꞌā ki te mata o te ꞌAtua, ka ai atu kai hore te kiri o te kinoŋa.

Rōmano 4:16

ꞌO ira, te hōrea kī e te ꞌAtua ki a ꞌAparahama mo hauhaꞌa mo oho nō mo tōꞌona hakaara taꞌatoꞌa, e ai he meꞌe vaꞌai nō e te ꞌAtua hai riva rahi ōꞌona, hai haka moe nō i te manaꞌu ꞌi ruŋa i a ia. Te auraꞌa: te hōrea mo te nuꞌu taꞌatoꞌa haka moe i te manaꞌu ꞌi ruŋa i te ꞌAtua, pē ꞌAparahama, ka ai atu e maꞌu rō ꞌā ꞌo ꞌina he maꞌu i te haka tere iŋa ꞌa Mōtē. Pē ira a ꞌAparahama i ai ai he matuꞌa o tātou taꞌatoꞌa.

Rōmano 4:24

mo tātou takoꞌa. Te ꞌAtua e kī ena he taŋata tano a tātou ki tōꞌona mata hai haka moe o tātou i te manaꞌu ꞌi ruŋa i a ia, kope haka ora mai mai te mate i a Ietū, Pūꞌoko Haka Tere o tātou,

Karatia 3:14

Te meꞌe nei i topa ai mo ravaꞌa takoꞌa e te nuꞌu taꞌe he hūrio, hai Ietū Kiritō, i te haꞌamaitai hōrea e te ꞌAtua ki a ꞌAparahama, ꞌe mo ai ꞌi roto i a tātou taꞌatoꞌa, hai haka moe i te manaꞌu ꞌi ruŋa i a Ietū, te Vārua Maitai hōrea mai e te ꞌAtua.

Karatia 3:29

ꞌE, ꞌi te ai o tātou ꞌāꞌana, he hakaara tātou o ꞌAparahama, ꞌe mo tātou takoꞌa ia te meꞌe hōrea e te ꞌAtua ki a ia.

Karatia 4:28

A Itaꞌata, poki era ꞌa ꞌAparahama, i poreko ai ꞌo te haka moe o ꞌAparahama i tōꞌona manaꞌu ꞌi ruŋa i te meꞌe hōrea e te ꞌAtua ki a ia. Pē ira ꞌana a tātou, e te taina ē. He haka moe o tātou i te manaꞌu ꞌi ruŋa i tāꞌana meꞌe hōrea mai e ai nei a tātou he ŋā poki o te ꞌAtua.