Karatia 3:8 - Rapa Nui

⁸ Ko manaꞌu era ꞌana, paꞌi, e te ꞌAtua, ꞌe ko haka ꞌite era ꞌā e ia ꞌi ruŋa i te ⌊Pāpaꞌi Moꞌa⌋ pē nei ē: mo haka moe o te nuꞌu taꞌe he hūrio i te rāua manaꞌu ꞌi ruŋa i a ia, e kī takoꞌa rō e te ꞌAtua mo rāua: he nuꞌu tano ki tōꞌona mata. Te parau ꞌāpī nei i haka ꞌite rō ki a ꞌAparahama ꞌi te hora kī era pē nei ē: «Hai koe ka haꞌamaitai nei e au i te taŋata taꞌatoꞌa o te ao».

Karatia 3:8 ပူးပေါင်းရင်းမြစ်များ

ꞌEvereo 4:2

Te roŋo riva-riva nei ko haka ꞌite mai ꞌana ki a tātou ꞌe pē ira takoꞌa ꞌana ki te tātou tupuna. I hopeꞌa ai kai ai pa he meꞌe riva-riva mo rāua, he taꞌe ⌊haka moe i te manaꞌu⌋ ꞌi ruŋa i te ꞌAtua ꞌe ꞌi ruŋa i tāꞌana roŋo.

Karatia 3:22

Te meꞌe nō, pē nei e kī ena ꞌi ruŋa i te Pāpaꞌi Moꞌa: te taŋata taꞌatoꞌa o te hara te haka tere, ꞌe te rāveꞌa nō mo ravaꞌa i te meꞌe hōrea e te ꞌAtua, he ora ꞌāpī ꞌina he hopeꞌa raꞌa, e haka moe i te manaꞌu ꞌi ruŋa i a Ietū.

Karatia 3:16

Pē ira takoꞌa te hōrea nei o te ꞌAtua, hōrea kī e te ꞌAtua ki a ꞌAparahama ꞌe ki tōꞌona hakaara. ꞌE te vānaŋa kī era e te ꞌAtua ki a ꞌAparahama «he hakaara», taꞌe mo te hakaara taꞌatoꞌa o ꞌAparahama, mo te hakaara mau nō era ōꞌona ko Ietū.

Meꞌe Haka Takeꞌa 11:15

He puhi te hitu merahi i tāꞌana koneta. He ŋaroꞌa mai meꞌe rahi nō atu reꞌo pūai ꞌi te raŋi e kī ꞌā: «ꞌI te hora nei, i te ꞌAtua ꞌe i te ⌊Kiritō⌋ te haka tere iŋa o te ao, ꞌe he haka tere he oho ꞌātā ki te hopeꞌa raꞌa».

Rōmano 9:30

¿He aha ia te tātou meꞌe mo kī o ruŋa i te ŋā meꞌe taꞌatoꞌa nei? Hai haka moe i te manaꞌu ꞌi ruŋa i a Ietū, te ꞌAtua i haka tano ai ki tōꞌona mata i te nuꞌu taꞌe he hūrio, nuꞌu taꞌe kimi i te rāveꞌa mo tano o rāua ki tōꞌona mata.

Rōmano 9:17

ꞌI ruŋa i te Pāpaꞌi Moꞌa i kī ai te ꞌAtua ki te ꞌariki o Ehipto: «I haka ꞌariki ai a au i a koe mo haka takeꞌa ōꞌoku ꞌi ruŋa i a koe i tōꞌoku pūai ꞌe mo haka takeꞌa ki te taŋata taꞌatoꞌa ko ai a au».

Karatia 4:30

ꞌE, ¿pē hē e kī ena ꞌi ruŋa i te Pāpaꞌi Moꞌa? Pē nei e kī ena: «Ka haka oho te viꞌe ꞌekaravo ena koia ko tāꞌana poki. E ko tano, paꞌi, mo ai takoꞌa mo te poki o te viꞌe ꞌekaravo te meꞌe mo te poki poreko mai te viꞌe taꞌe he ꞌekaravo».

Aŋa o te ꞌĀpōtoro 2:35

ꞌātā ka haka riro rō e au i te nuꞌu taꞌe haŋa atu ki a koe he meꞌe raŋo o tuꞌu vaꞌe’”.

Iovani 7:42

Pē nei e kī ena ꞌi ruŋa i te Pāpaꞌi Moꞌa: te Kiritō he hakaara o te ꞌariki ko ⌊Tāvita⌋, ꞌe ka oho mai ena mai Vērene, he kona o Tāvita».

Iovani 19:37

ꞌE ꞌi te rua kona e hāꞌaki rō ꞌā: «E uꞌi rō a ruŋa i te kope era ko ꞌo-ꞌoka ꞌā».