Karatia 3:1 - Rapa Nui

¹ E te taina pūꞌoko hio-hio o Karatia ē, ¿ꞌa ꞌai kōrua i haka maꞌa-maꞌa atu? ꞌI roto i te hāpī iŋa atu era o mātou i haka ꞌite riva-riva atu ai ki a kōrua he aha te meꞌe i ravaꞌa e Ietū mo tātou hora mate era ōꞌona ꞌi ruŋa i te tātaurō.

Karatia 3:1 ပူးပေါင်းရင်းမြစ်များ

Māteo 24:24

Nā e tuꞌu rō mai te kiritō ꞌe te perofeta taꞌe parautiꞌa; e aŋa rō i te mana mo haka maꞌa-maꞌa i te manaꞌu o te taŋata, ꞌātā i te manaꞌu o te nuꞌu haꞌataꞌa e te ꞌAtua māꞌana, ana ravaꞌa e rāua.

Māteo 7:26

»ꞌE te nuꞌu ŋaroꞌa ꞌe taꞌe haꞌatura ki tāꞌaku meꞌe kī pa he taŋata maꞌa-maꞌa aŋa i tōꞌona hare ꞌi ruŋa i te ꞌone.

Ruka 24:25

He kī ia e Ietū: —¡Ko te aŋa riꞌa-riꞌa i a kōrua mo ⌊haka moe i te manaꞌu⌋ ꞌi ruŋa i te meꞌe taꞌatoꞌa pāpaꞌi e te perofeta o ruŋa i te ⌊Kiritō⌋!

Aŋa o te ꞌĀpōtoro 16:6

ꞌI te taꞌe haꞌatiꞌa e te ⌊Vārua Maitai⌋ mo haka ꞌite i te ⌊roŋo riva-riva o te ꞌAtua⌋ ꞌi te ŋā kona era o ꞌĀtia, he vari a kuā Pauro a te ŋā kona era o Firihia ꞌe o Karatia,

Aŋa o te ꞌĀpōtoro 6:7

Te ⌊roŋo riva-riva o te ꞌAtua⌋ pe te ꞌata rahi nō e oho era, ꞌe te nuꞌu haka moe i te manaꞌu ꞌi ruŋa i a Ietū ko ꞌata rahi ꞌā ꞌi Hērutarema. ꞌE meꞌe rahi ⌊oromatuꞌa⌋ hūrio i haka moe takoꞌa i te rāua manaꞌu ꞌi ruŋa i a Ietū.

Rōmano 10:16

Ka ai atu pē ira, taꞌe taꞌatoꞌa taŋata e haŋa rō ꞌā ki te roŋo riva-riva o te ꞌAtua. Pa he meꞌe kī e te perofeta era ko ꞌItaia: «E te ꞌAtua, nuꞌu taꞌe rahi te nuꞌu haka noho i te rāua manaꞌu ꞌi ruŋa i te meꞌe haka ꞌite e mātou».

Rōmano 2:8

ꞌE ki te nuꞌu haka tere hai manaꞌu o rāua mau nō, taꞌe haŋa ki te parautiꞌa, aŋa i te meꞌe taꞌe tano, te ūtuꞌa o te ꞌAtua mo rāua e paŋahaꞌa rō.

Rōmano 6:17

ꞌI muꞌa ꞌā, a kōrua he ꞌekaravo o te hara. ꞌE, māuru-uru ki te ꞌAtua, hora nei, e haꞌatura rō ꞌana hai māhatu ki te hāpī parautiꞌa haka ꞌite atu.

1 Kōrinto 11:26

ꞌO ira, e te taina ē, ꞌina ko rehu: taꞌatoꞌa hora kai o kōrua i te haraoa ꞌe unu i te vino pa he meꞌe mo manaꞌu ki a ia, e haka ꞌite e oho ꞌā, ꞌātā ki te hoki iŋa mai o te tātou Pūꞌoko Haka Tere, o ruŋa i tōꞌona mate iŋa mo tātou.

1 Kōrinto 2:2

E noho atu era a au ꞌi muri i a kōrua te meꞌe mau nō ꞌāꞌaku i manaꞌu he hāpī atu o ruŋa i a Ietū Kiritō ꞌe o ruŋa i tōꞌona mate iŋa ꞌi ruŋa i te tātaurō.

2 Kōrinto 10:5

ꞌe pē ira takoꞌa ꞌā ki te manaꞌu o te nuꞌu teꞌo-teꞌo taꞌe haꞌatiꞌa i a rāua mo māhani ki te ꞌAtua. Pē ira e hāꞌūꞌū nei a mātou ki te nuꞌu mo huri ki te ꞌAtua ꞌe mo manaꞌu o rāua pa he meꞌe haŋa o te Kiritō.

2 Kōrinto 11:3

ꞌE, e riꞌa-riꞌa rō ꞌā a au ꞌo kore te kōrua haŋa parautiꞌa ki te Kiritō, pa he meꞌe topa ki a ⌊Eva⌋ ꞌi te hora haka roŋo ki te reo-reo o tū kōreha era ko Rukifero.

Karatia 1:2

he ꞌaroha atu mātou ananake ko te taina taꞌatoꞌa o nei ki a kōrua ki te nuꞌu taꞌatoꞌa ⌊haka moe i te manaꞌu⌋ ꞌi ruŋa i a Ietū o Karatia.

Karatia 1:6

Ko māere riva-riva ꞌana a au ꞌi te hōrou o kōrua mo hārui hai tuaꞌivi i te ꞌAtua ꞌe i tāꞌana hāpī parautiꞌa. O te ꞌAtua, paꞌi, i haꞌataꞌa i a kōrua māꞌana hai riva rahi mau nō o te ⌊Kiritō⌋, mo eꞌa o kōrua mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa. ꞌE nā kōrua e haka roŋo mai ena ki te hāpī kē manaꞌu e kōrua he ⌊roŋo riva-riva o te ꞌAtua⌋.

Karatia 2:14

ꞌO ira, i takeꞌa era e au ꞌina he tano tāꞌana meꞌe aŋa ki te parautiꞌa o te roŋo riva-riva o ruŋa i a Ietū, he kī e au ki a Pētero ꞌi muꞌa o te taina taꞌatoꞌa: «Mo ai e tano rō ꞌā mōꞌou, e te hūrio ē, mo noho pa he taŋata taꞌe he hūrio, ¿e tano rō ꞌana ia mo kī o tātou ki te nuꞌu taꞌe he hūrio mo haka tere i a rāua pa he hūrio?».

Karatia 3:3

ꞌE, mo ai pē ira, ¿ko te taꞌe aŋi-aŋi iŋa ꞌana e kōrua? ꞌIna ko rehu: hai pūai o te Vārua Maitai i haꞌamata ai kōrua a te ara o te ꞌAtua. ꞌE hora nei, ¿e haŋa ꞌana a kōrua mo tuꞌu ki te roa hopeꞌa o rā ara, te auraꞌa, ki te roa haŋa e te ꞌAtua mo kōrua, hai pūai mau nō o te taŋata?

Karatia 4:9

ꞌE hora nei, he hora ko toꞌo ꞌana a kōrua i te ꞌAtua parautiꞌa mo ꞌAtua o kōrua, ꞌo, te tī-tika mau, he hora ko toꞌo ꞌana i a kōrua pa he ŋā poki ꞌāꞌana, ¿he aha ia kōrua e haka rē ena mo haka tere haka ꞌou atu e te ŋā meꞌe ena ꞌina rāua pūai ꞌe mo haka riro haka ꞌou atu i a kōrua he ꞌekaravo o rāua?

Karatia 5:11

E te taina, nā e ai rō ꞌā te nuꞌu kī o ruŋa i a au pē nei ē: e hāpī ꞌana a au ki te nuꞌu taꞌe he hūrio: mo tano o rāua ki te mata o te ꞌAtua, ꞌāmui ki te haka moe i te manaꞌu ꞌi ruŋa i a Ietū, e hore i te kiri o te kinoŋa. Mo ai o te vānaŋa nei he parautiꞌa, ¿he aha ia te nuꞌu ra-rahi o te ⌊hūrio⌋ e tute mai ena i a au mo tōtōā? Mo ai, paꞌi, pē ira mau ꞌā a au e hāpī nei, ꞌina ia rāua ko riri ꞌo te hāpī ōꞌoku o ruŋa i te mate era o Ietū ꞌi ruŋa i te tātaurō.

Ēfeto 3:8

Te tētahi nuꞌu haꞌataꞌa e te ꞌAtua māꞌana i hau rō atu ki a au. Ka ai atu pē ira, i vaꞌai nō mai ki a au e te ꞌAtua i te aŋa he haka ꞌite ki te nuꞌu taꞌe hūrio i te roŋo o ruŋa i te hauhaꞌa mo vaꞌai e te ⌊Kiritō⌋ ki a rāua, hauhaꞌa e ko ravaꞌa mo aŋi-aŋi hai manaꞌu taŋata mau nō.

Ēfeto 4:14

E ko ai haka ꞌou ia a tātou pa he ŋā poki e ko roa he huri te manaꞌu ꞌi te haka roŋo ki te hāpī taꞌe he parautiꞌa haka ꞌite e te nuꞌu mārama-rama ꞌite i te reo-reo.

Ēfeto 5:15

ꞌO ira, e uꞌi te kōrua noho iŋa. ꞌIna ko ai pa he noho iŋa o te nuꞌu taꞌe ꞌite mo haka topa i te manaꞌu.

2 Tētārōnika 1:8

Ka tuꞌu mai ena mo haka ūtuꞌa i te nuꞌu hārui hai tuaꞌivi i te ꞌAtua ꞌe taꞌe haꞌatura ki te roŋo riva-riva o ruŋa o Ietū, Pūꞌoko Haka Tere o tātou.

1 Timoteo 6:4

te kope nei ia he kope manaꞌu i a ia nō te tano, ꞌe te parautiꞌa mau, ꞌina e tahi ꞌāꞌana meꞌe i ꞌite. Pa he māui-ui e tahi ōꞌona te haka tumu i te tātake o ruŋa i te meꞌe hauhaꞌa-ꞌore. Pē ira he poreko te mākota, te taꞌe au, te vā-vā, te manaꞌu ꞌino,

ꞌEvereo 11:8

He haka moe o ⌊ꞌAparahama⌋ i te manaꞌu ꞌi ruŋa i te ꞌAtua i haꞌatura ai, ꞌe i eꞌa i oho ai mai tōꞌona kāiŋa hora kī era e te ꞌAtua mo oho ki te henua vaꞌai mo rāua, ka ai atu ꞌina kai ꞌite hia ki hē a ia ka oho era.

ꞌEvereo 5:9

ꞌE ꞌi te haꞌatura ōꞌona ꞌe ꞌi te aŋa i te meꞌe taꞌatoꞌa kī e te ꞌAtua mo aŋa, i riro ai he kope haka eꞌa i te taŋata mai roto i te ūtuꞌa o te hara ꞌe vaꞌai i te ora ꞌāpī ꞌina he hopeꞌa raꞌa mo te nuꞌu taꞌatoꞌa haꞌatura ki a ia.

1 Pētero 1:22

ꞌI te haꞌatura o kōrua ki te roŋo parautiꞌa i haka kore ai e te ꞌAtua i te kōrua hara, ki haŋa parautiꞌa ai kōrua ki te kōrua taina. ꞌO ira, e haŋa e oho ꞌi roto i a kōrua hai māhatu ꞌe hai pūai.

1 Pētero 4:17

Nā ko tuꞌu mai ꞌana te hora mo haꞌamata o te ture, ꞌe ka haꞌamata ena a te huaꞌai o te ꞌAtua. ꞌE mo haꞌamata o te ture mai i a tātou, ¿pē hē ia te hopeꞌa raꞌa o te nuꞌu ꞌina he haꞌatura ki te ⌊roŋo riva-riva o te ꞌAtua⌋?

2 Pētero 2:18

He teꞌo-teꞌo te aŋa o ruŋa i a rāua hai vānaŋa ꞌina e tahi auraꞌa. Hai meꞌe rake-rake mo te hakari ꞌe hai meꞌe taꞌe tano pohe nō o te hakari e aŋa ena mo haka huri i te manaꞌu o te nuꞌu aŋa riꞌa-riꞌa i eꞌa ai mai roto i te meꞌe taꞌe tano.

Meꞌe Haka Takeꞌa 18:3

Te nuꞌu o te henua taꞌatoꞌa ꞌe te ꞌariki o te kona taꞌatoꞌa ko taꞌero ꞌā ꞌi te aŋa ꞌāꞌana, te auraꞌa, ko haka rē ꞌana i a rāua mo haka tere e te meꞌe taꞌe tano aŋa e ia, he haꞌamuri ki te meꞌe taꞌe he ꞌAtua parautiꞌa. ꞌE te nuꞌu hoꞌo meꞌe o te ao ko ꞌono ꞌā ꞌi te rava hoꞌo e rā viꞌe i tāꞌana meꞌe haŋa ꞌina he hāito».

Meꞌe Haka Takeꞌa 2:20

’Ka ai atu pē ira, e ai rō ꞌana tāꞌaku ture māꞌau: he haꞌaoromaꞌi ōꞌou i te viꞌe ko Hētāvere, viꞌe kī i a ia mau ꞌā he perofeta. Te viꞌe nei hai hāpī reo-reo ꞌāꞌana e haka haŋu ena i tōꞌoku tāvini mo moe i te viꞌe i te taŋata taꞌe he viꞌe ꞌo he kenu ꞌāꞌana ꞌe mo kai i te kai tūtia ki te ꞌītoro.