Karatia 2:9 - Rapa Nui

⁹ I aŋi-aŋi era e ⌊Tanatiako⌋, e Pētero ꞌe e ⌊Iovani⌋, pūꞌoko haka tere o te nuꞌu haka moe i te manaꞌu ꞌi ruŋa i a Ietū o Hērutarema pē nei ē: o te ꞌAtua mau ꞌana i vaꞌai mai, hai riva rahi ōꞌona, i te aŋa nei ki a au, he vaꞌai mai ia e kuā Pētero i te rāua rima mo haka takeꞌa mai ki a māua ko Verenāvē: a māua he hokorua takoꞌa o rāua ꞌi te aŋa o te ꞌAtua, ꞌe e tano rō ꞌana ki a rāua mo oho o māua mo aŋa ꞌi roto o te nuꞌu taꞌe he hūrio, ꞌe ko rāua mo haka ꞌite mo oho ki te nuꞌu hūrio.

Karatia 2:9 ပူးပေါင်းရင်းမြစ်များ

Māteo 16:18

ꞌĪ a au he kī atu: a koe ko Pētero, te haꞌaauraꞌa: «he māꞌea»; ꞌe pa he māꞌea hai ia e haꞌamata e titi ena i te hare, hai koe a au ka haꞌamata ka haka rahi ena i te nuꞌu ⌊haka moe i te manaꞌu⌋ ꞌi ruŋa i a au, ꞌe ꞌina e ko ai ꞌi ruŋa i a rāua te pūai o te mate.

Ruka 22:8

he uŋa e Ietū i a Pētero ararua ko ⌊Iovani⌋ ꞌe he kī: —Ka oho kōrua ka haka riva-riva i te kai mo tātou mo te ŋoŋoro o te Pakate.

Iovani 1:42

He maꞌu ia e Antarea i a Tīmona ki tū kona era ꞌi ira a Ietū. I takeꞌa era e Ietū, he kī: «A koe ko Tīmona, poki ꞌa Iovani. Tuꞌu ꞌīŋoa ꞌi te hora nei ko Tefa (te auraꞌa, ko Pētero)».

Aŋa o te ꞌĀpōtoro 12:17

He haꞌaauraꞌa e Pētero hai rima mo mo-mou, ꞌe he ꞌaꞌamu pē hē i haka eꞌa ai i a ia e te ꞌAtua mai roto i te hare maꞌuꞌaurī, ꞌai ka kī: «E ꞌaꞌamu kōrua i te meꞌe nei ki a Tanatiako ꞌe ki te tētahi atu taina o tātou». I oti era he eꞌa he oho a Pētero ki te rua kona.

Aŋa o te ꞌĀpōtoro 15:13

I oti era te vānaŋa, he kī e ⌊Tanatiako⌋: «Ka haka roŋo mai, e kuā taina ē:

Aŋa o te ꞌĀpōtoro 15:7

ꞌI roto i te rahi o te tātake, he māroa a Pētero he kī: «E te taina, ko ꞌite ꞌā a kōrua: te ꞌAtua ko haꞌataꞌa era ꞌana i a au mai roto i a kōrua mo haka ꞌite i te ⌊roŋo riva-riva o te ꞌAtua⌋ ki te nuꞌu taꞌe he hūrio mo haka moe takoꞌa i te rāua manaꞌu ꞌi ruŋa i a Ietū.

Aŋa o te ꞌĀpōtoro 4:36

Pē ira i aŋa ai e te taŋata ⌊rēvita⌋ e tahi te ꞌīŋoa ko ⌊Kōsē⌋ o te motu ko Tīpere, nape e te ꞌāpōtoro ko Verenāvē (te auraꞌa: «he kope hāꞌūꞌū i te rua»).

Rōmano 1:5

A Ietū Kiritō, hai riva rahi ōꞌona, i haꞌataꞌa ai i a au mo aŋa ki a ia pa he ꞌāpōtoro, ki ai ai ꞌi te henua taꞌatoꞌa te taŋata haꞌatura ꞌe haka moe i te manaꞌu ꞌi ruŋa i a ia.

Rōmano 12:3

Pa he taŋata uŋa au e te ꞌAtua hai riva rahi ōꞌona mo haka ꞌite atu i tāꞌana roŋo, ꞌī a au he kī atu: ꞌina ko manaꞌu ꞌata hau kōrua ki te roa parautiꞌa vaꞌai atu era e te ꞌAtua. Te tano mau: e ꞌite kōrua mo haka tano i te manaꞌu ki te pūai o te kōrua haka moe iŋa o te manaꞌu ꞌi ruŋa i a Ietū Kiritō.

Rōmano 15:15

Ka ai atu pē ira, ꞌi ruŋa i te parau nei, ko pāpaꞌi ko haka ꞌite atu ꞌana a au o ruŋa i te tētahi meꞌe, ꞌo rehu i a kōrua. I pāpaꞌi atu ai ꞌo te ai te ꞌAtua hai riva rahi ōꞌona ko haka ꞌāpōtoro ꞌā i a au

1 Kōrinto 15:10

ꞌE, hai riva rahi o te ꞌAtua e tuꞌu nei a au pē nei, ꞌe ꞌina kai taꞌe hauhaꞌa rā riva rahi era ōꞌona. Te parautiꞌa, ꞌata hau tōꞌoku aŋa ki te tētahi ꞌāpōtoro, ka ai atu, taꞌe ko au mau ꞌā rā meꞌe, he ꞌAtua, ꞌi tōꞌona riva rahi, e hāꞌūꞌū mai era.

2 Kōrinto 11:5

ꞌIna a au he ŋaroꞌa pē nei ē: kope taꞌe hōnui a au ꞌi muri i tū ŋā ꞌāpōtoro reo-reo tuꞌu atu ena ki a kōrua manaꞌu ena pē nei ē: ꞌata hau rō atu ꞌō a rāua ꞌi te hōnui ki a au.

2 Kōrinto 12:11

He hape o kōrua i vānaŋa maꞌa-maꞌa atu ai a au o ruŋa i a au; mo kōrua, paꞌi, e vānaŋa riva-riva o ruŋa i a au. Taꞌe te ŋā ⌊ꞌāpōtoro⌋ reo-reo ena ꞌata hau ki a au, ka ai atu taꞌe a au he kope hōnui.

2 Kōrinto 8:4

i haka koni mai ai mo haꞌatiꞌa o mātou i a rāua mo hāꞌūꞌū takoꞌa hai tara mo te nuꞌu haka moe i te manaꞌu ꞌi ruŋa i a Ietū o Hērutarema.

Karatia 1:18

Ka toru matahiti mai te hora haka moe ōꞌoku i te manaꞌu ꞌi ruŋa i a Ietū i oho iho ai a au ki Hērutarema mo māhani ki a Pētero, ꞌe e hoꞌe ꞌahuru mā pae mahana i noho ai a au ꞌi muri i a ia.

Karatia 2:1

E hoꞌe ꞌahuru mā maha matahiti mai te hora tuꞌu raꞌe era ōꞌoku ki Hērutarema i hoki haka ꞌou ai a au ki ira ararua māua ko Verenāvē. ꞌI muri i a māua i maꞌu takoꞌa ai i a Tito.

Karatia 2:2

I oho ai a au ꞌo te ai ko kī mai ꞌana e te ꞌAtua mo oho ōꞌoku. ꞌI ira i haka ꞌite ai a au ki te nuꞌu mau nō era ko rāua te pūꞌoko haka tere o te taina o Hērutarema o ruŋa i tāꞌaku roŋo hāpī ki te nuꞌu taꞌe he hūrio, mo aŋi-aŋi riva-riva e rāua: te meꞌe hāpī ꞌāꞌaku he parautiꞌa, ꞌo taꞌe hauhaꞌa rō tāꞌaku aŋa ka hopeꞌa ena.

Karatia 6:3

Mo manaꞌu o te kope e tahi ꞌina a ia e ko tano mo hāꞌūꞌū i te rua ꞌi te meꞌe era ꞌata hau rō atu a ia ki rā kope, he meꞌe taꞌe he parautiꞌa, e reo-reo ꞌana ki a ia mau ꞌā.

Ēfeto 2:20

A tātou, te nuꞌu taꞌatoꞌa haka moe i te manaꞌu ꞌi ruŋa i a Ietū, pa he māꞌea o te hare e tahi aŋa e te ꞌAtua. Te hāpī o te ⌊ꞌāpōtoro⌋ ꞌe o te perofeta pa he mekerā ꞌi ruŋa e haka tuꞌu ena i rā hare, ꞌe a Ietū pa he māꞌea matuꞌa haka noho hare.

Ēfeto 3:8

Te tētahi nuꞌu haꞌataꞌa e te ꞌAtua māꞌana i hau rō atu ki a au. Ka ai atu pē ira, i vaꞌai nō mai ki a au e te ꞌAtua i te aŋa he haka ꞌite ki te nuꞌu taꞌe hūrio i te roŋo o ruŋa i te hauhaꞌa mo vaꞌai e te ⌊Kiritō⌋ ki a rāua, hauhaꞌa e ko ravaꞌa mo aŋi-aŋi hai manaꞌu taŋata mau nō.

Kōrosa 1:29

Mo te meꞌe nei a au e aŋa nei hai haŋu ꞌe hai pūai vaꞌai mai e Ietū.

1 Iovani 1:3

E haka ꞌite atu ena o ruŋa i tū kope takeꞌa ꞌe ŋaroꞌa era e mātou, mo ravaꞌa takoꞌa e kōrua i te ora ꞌāpī nei i a mātou, he ora i te ꞌAtua Matuꞌa ꞌe i tāꞌana Poki ko Ietū Kiritō,

Meꞌe Haka Takeꞌa 3:12

’Te nuꞌu rē ki te pūai o Rukifero, he haka riro e au pa he pou hio-hio ꞌi te kona haꞌamuri ꞌAtua ꞌi te raŋi, te auraꞌa: he noho mau rō ꞌai a rāua ꞌi muri i a ia. ꞌE ꞌi ruŋa ka pāpaꞌi ena e au i te ꞌīŋoa o tōꞌoku ꞌAtua ꞌe o tōꞌona kona noho, he Hērutarema ꞌāpī topa mai te raŋi, ꞌe he pāpaꞌi takoꞌa e au ꞌi ruŋa i te ꞌīŋoa ꞌāpī ōꞌoku.