Karatia 1:7 - Rapa Nui

⁷ ꞌE te parautiꞌa, ꞌina he rua roŋo riva-riva o te ꞌAtua. Te meꞌe nō, e ai rō ꞌana te nuꞌu nā e haka mira-mira ꞌana i te kōrua manaꞌu. E haŋa ꞌā mo haka poteko i te ⌊roŋo riva-riva o ruŋa i a Ietū⌋.

Karatia 1:7 ပူးပေါင်းရင်းမြစ်များ

Aŋa o te ꞌĀpōtoro 15:24

Ko ꞌite ꞌana a mātou i tuꞌu rō atu te tētahi nuꞌu mai nei, taꞌe o mātou i uŋa atu, ꞌe ko haka mira-mira ꞌā i te kōrua manaꞌu hai vānaŋa o rāua.

Karatia 5:10

ꞌE, ꞌi te ai o kōrua ꞌa Ietū Kiritō takoꞌa, ko ꞌite riva-riva ꞌana e au he maꞌu kōrua i te hāpī haka ꞌite atu era e au ꞌe taꞌe ꞌō i te hāpī kē. ꞌE te ꞌAtua he haka ūtuꞌa i te kope haka huri i te kōrua manaꞌu, nōatu ko ai rā kope.

2 Kōrinto 11:13

A rāua he ꞌāpōtoro reo-reo e haka tuꞌu rō ꞌana i a rāua pa he ꞌāpōtoro o te Kiritō.

Karatia 5:12

ꞌE mo ai he meꞌe nui-nui e tahi mo te nuꞌu haka mira-mira atu i te kōrua manaꞌu te hore i te kiri o te kinoŋa, ¡ka pātehe ia i a rāua ꞌā!

2 Kōrinto 2:17

ꞌIna a mātou he haka ꞌite i te ⌊roŋo riva-riva o te ꞌAtua⌋ mo ravaꞌa moni, pa he meꞌe aŋa e te tētahi. Te mātou meꞌe aŋa he vānaŋa hai parautiꞌa, pa he tāvini o te ꞌAtua ꞌo te ai o mātou o te Kiritō, ꞌe he ꞌAtua te mātou mataꞌite.

Meꞌe Haka Takeꞌa 20:3

He toꞌo mai he hoa ki roto i tū pū era, ꞌe ꞌi roto i puru ai. He tāmaꞌu i te ꞌōpani e hoꞌe taꞌutini matahiti, ꞌo reo-reo haka ꞌou ki te taŋata o te ao. Ki tano rā matahiti he haka pakoꞌo mo te hora ꞌiti-ꞌiti e tahi.

2 Iovani 1:10

ꞌE mo tuꞌu atu o te taŋata ki te kōrua hare e hāpī ꞌā o ruŋa i te ꞌAtua, ꞌe tāꞌana meꞌe hāpī taꞌe he hāpī parautiꞌa ꞌa Ietū, ꞌina ko toꞌo ki roto i tuꞌu hare ꞌe ꞌina ko ꞌaroha.

1 Iovani 4:1

E te taina, ꞌina kōrua ko manaꞌu he parautiꞌa te vānaŋa o te nuꞌu taꞌatoꞌa kī e vānaŋa ꞌana a rāua i te meꞌe haka vānaŋa e te ꞌAtua. Te meꞌe o kōrua mo aŋa he haka ꞌatu ana ai te vārua era ꞌi roto i a rāua o te ꞌAtua mau ꞌā; e rahi rō ꞌana, paꞌi, te perofeta reo-reo ꞌi te ao.

Meꞌe Haka Takeꞌa 19:20

Te manuꞌino nei ko ꞌa-ꞌaru ꞌā, ꞌe ko ꞌa-ꞌaru takoꞌa ꞌā tū perofeta reo-reo aŋa era ꞌi muꞌa i rā manuꞌino i te mana ꞌe i te tētahi atu meꞌe mo māere o te taŋata. Hai ŋā meꞌe nei i haka rē ai te nuꞌu i a rāua mo tāpaꞌo hai tāpaꞌo o te manuꞌino, ꞌe i haꞌamuri ai i te ꞌītoro aŋa pē ia. I oho era he toꞌo mai he hoa ora i rā manuꞌino ꞌe i rā perofeta reo-reo era ki roto i te pōꞌauahi, kona ꞌi ira e ura ena te azufre.

Meꞌe Haka Takeꞌa 13:14

Hai ŋā mana nei, mana haꞌatiꞌa era mo aŋa e ia hai ꞌīŋoa o tū manuꞌino eꞌa era mai roto i te vaikava, i reo-reo ai ki te taŋata. He uŋa ia i te nuꞌu nei he haka aŋa i te ꞌītoro pē rā manuꞌino mau ꞌā, manuꞌino taꞌe mate era ka ai atu i more rō ꞌi te more taparahi-taꞌata ꞌi te hoe.

Meꞌe Haka Takeꞌa 12:9

He ava i rā manuꞌino ananake ko tāꞌana vaꞌehau ki ruŋa i te henua. Rā manuꞌino ko te kōreha era o te noho iŋa tuai era ko Rukifero, he kope reo-reo ki te taŋata o te henua taꞌatoꞌa.

Meꞌe Haka Takeꞌa 2:20

’Ka ai atu pē ira, e ai rō ꞌana tāꞌaku ture māꞌau: he haꞌaoromaꞌi ōꞌou i te viꞌe ko Hētāvere, viꞌe kī i a ia mau ꞌā he perofeta. Te viꞌe nei hai hāpī reo-reo ꞌāꞌana e haka haŋu ena i tōꞌoku tāvini mo moe i te viꞌe i te taŋata taꞌe he viꞌe ꞌo he kenu ꞌāꞌana ꞌe mo kai i te kai tūtia ki te ꞌītoro.

Meꞌe Haka Takeꞌa 2:6

’Te meꞌe riva ōꞌou: he taꞌe haŋa ki te meꞌe aŋa e te nīkōrāita, he meꞌe taꞌe haŋa e au.

Meꞌe Haka Takeꞌa 2:2

‘E ꞌite tahi rō ꞌana a au i taꞌa meꞌe aŋa. E aŋi-aŋi rō ꞌana i te paŋahaꞌa o taꞌa aŋa, i te haꞌaoromaꞌi iŋa ōꞌou i te ꞌati hai haumārū, ꞌe i tuꞌu taꞌe haŋa ki te nuꞌu aŋa i te meꞌe taꞌe tano. E ꞌite takoꞌa rō ꞌana a au i haka ꞌatu rō koe i te nuꞌu kī he ꞌāpōtoro rāua, ꞌe te parautiꞌa mau, taꞌe pē ira; ko maꞌurima ꞌana, paꞌi, e koe he reo-reo.

Hura 1:4

Nā, paꞌi, hai reo-reo ko oꞌo ꞌana ki roto i te nūnaꞌa taŋata ⌊haka moe i te manaꞌu⌋ ꞌi ruŋa i a Ietū te nuꞌu haka ꞌite mai era ꞌi ruŋa i te ⌊Pāpaꞌi Moꞌa⌋ e ai rō ꞌā te ūtuꞌa mo rāua. Te nuꞌu nei he nuꞌu taparahi-taꞌata toꞌo i te riva rahi o te tātou ꞌAtua pa he ꞌōtohe mo aŋa i te meꞌe haŋa nō e te rāua hakari, ꞌe ꞌina he haŋa ki te tātou Pūꞌoko Haka Tere ko Ietū Kiritō.

2 Iovani 1:7

ꞌI te kona taꞌatoꞌa o te ao e noho mai ena meꞌe rahi nō atu nuꞌu reo-reo e kī ena kai oho mai a Ietū hai hakari taŋata. Te kope kī pē ira he kope haꞌavare ꞌe he kope taꞌe haŋa ki te ⌊Kiritō⌋.

1 Iovani 2:26

E pāpaꞌi atu ena a au i te ŋā meꞌe nei, ꞌo haka roŋo kōrua ki te nuꞌu reo-reo atu ꞌe ꞌo haka tapa kōrua mai te hāpī parautiꞌa.

2 Timoteo 2:18

A rāua ko haka tapa ꞌana mai roto i te parautiꞌa hai kī o rāua: te ora iŋa haka ꞌou o tātou mai te mate ko ai era ꞌā, ꞌe pē ira e haka mira-mira e oho era i te manaꞌu o te tētahi nuꞌu haka moe i te manaꞌu ꞌi ruŋa i a Ietū.

Karatia 6:17

Mo haka hopeꞌa atu: e ko haŋa a au mo taꞌe haka au haka ꞌou mai o te kope e tahi o ruŋa i tāꞌaku meꞌe hāpī. ꞌI ruŋa i tōꞌoku hakari, paꞌi, a au e maꞌu nei i te more tuai, he tāpaꞌo: ki a Ietū a au e tāvini nei.

Karatia 4:17

Te nuꞌu hāpī atu i te meꞌe taꞌe he parautiꞌa e tuꞌu rō ꞌā pa he meꞌe ena ē: e uꞌi ꞌā i te kōrua riva-riva. ꞌE te parautiꞌa mau, te manaꞌu o rāua mo kōrua manaꞌu taꞌe riva-riva. Te haŋa he haka topa kē i a kōrua mai i a mātou mo haka roŋo ki a rāua mau nō.

Karatia 2:4

Ka ai atu pē ira, i ai rō ꞌi ira te nuꞌu haka tuꞌu i a rāua pa he nuꞌu ⌊haka moe i te manaꞌu⌋ ꞌi ruŋa i a Ietū, te haŋa mo uꞌi hoki ko te maꞌu iŋa ꞌana a mātou i te ⌊haka tere iŋa ꞌa Mōtē⌋ ꞌe, mo taꞌe ai pē ira, mo haka ꞌamo haka ꞌou mai i rā haka tere iŋa. ꞌE te parautiꞌa, ꞌina he pūai toe o te haka tere iŋa ꞌa Mōtē ꞌi ruŋa i a tātou ꞌo te ai o tātou ꞌa Ietū Kiritō.

2 Kōrinto 4:2

A mātou e hārui rō ꞌana hai tuaꞌivi i te meꞌe taꞌe tano taꞌatoꞌa aŋa e te taŋata e naꞌa rō ꞌana ꞌo haꞌamā, ꞌe, takoꞌa, ꞌina a mātou he reo-reo ꞌe he huri i te vānaŋa o te ꞌAtua. Te ꞌAtua ko ꞌite ꞌana he parautiꞌa mau nō te meꞌe haka ꞌite e mātou o ruŋa i a ia, ꞌe taꞌatoꞌa taŋata manaꞌu riva-riva e ꞌite takoꞌa rō ꞌā: te mātou meꞌe kī he parautiꞌa.

Aŋa o te ꞌĀpōtoro 20:30

Mai roto i a kōrua mau ꞌā ka eꞌa takoꞌa mai ena tētahi nuꞌu he hāpī i te meꞌe reo-reo, mo oho o te nuꞌu haka moe i te manaꞌu ꞌi ruŋa i a Ietū ꞌi muri i a rāua.

Aŋa o te ꞌĀpōtoro 13:10

he kī: «¡E te poki ꞌa Rukifero, ꞌī e te reo-reo, e te meꞌe rake-rake, ꞌe taꞌe haŋa ki te taꞌatoꞌa meꞌe riva-riva ē! ¿He aha koe e haka pōteko-teko ena i te ara o te ꞌAtua?

Māteo 24:24

Nā e tuꞌu rō mai te kiritō ꞌe te perofeta taꞌe parautiꞌa; e aŋa rō i te mana mo haka maꞌa-maꞌa i te manaꞌu o te taŋata, ꞌātā i te manaꞌu o te nuꞌu haꞌataꞌa e te ꞌAtua māꞌana, ana ravaꞌa e rāua.

Karatia 1:6

Ko māere riva-riva ꞌana a au ꞌi te hōrou o kōrua mo hārui hai tuaꞌivi i te ꞌAtua ꞌe i tāꞌana hāpī parautiꞌa. O te ꞌAtua, paꞌi, i haꞌataꞌa i a kōrua māꞌana hai riva rahi mau nō o te ⌊Kiritō⌋, mo eꞌa o kōrua mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa. ꞌE nā kōrua e haka roŋo mai ena ki te hāpī kē manaꞌu e kōrua he ⌊roŋo riva-riva o te ꞌAtua⌋.