Iovani 9:34 - Rapa Nui

³⁴ He kī ia e tū nuꞌu era: —A koe, mai tuꞌu poreko iŋa ꞌā ki te hora nei, he taŋata hara, ꞌe, ¿e haŋa ꞌā koe mo hāpī mai i a mātou? He toꞌo ia e tū nuꞌu ra-rahi era i rā taŋata he haka eꞌa mau rō ꞌai mai roto i te ⌊hare pure hūrio⌋.

Iovani 9:34 ပူးပေါင်းရင်းမြစ်များ

Ruka 11:45

He kī ia e te maꞌori e tahi o te haka tere hūrio: —E te Maꞌori, taꞌa meꞌe kī ena e taꞌe haka au mai ꞌā i a mātou takoꞌa.

Ruka 14:11

ꞌĪ a au he kī atu: te kope haka paka i a ia mau ꞌā e haka ka-kata ꞌe e haka haꞌamā rō; ꞌe te kope taꞌe haka paka i a ia pe muꞌa ka oho ena e haka hōnui rō».

Ruka 18:17

ꞌĪ a au he kī atu: te kope taꞌe haka rē mo haka tika i a ia e te ꞌAtua pa he haka rē iŋa o te ŋā poki mo haka tika i a rāua e te rua, e ko oꞌo ki roto i te haka tere iŋa ꞌāpī ōꞌona».

Ruka 6:22

»Ko te koa i a kōrua ka tute ena e te nuꞌu mai muri i a rāua, ka riri, ka vā-vā ꞌe ka taꞌe haka au ena ꞌi te ai o kōrua o te Poki o te taŋata.

Iovani 6:37

Te taŋata taꞌatoꞌa vaꞌai mai e tōꞌoku Matuꞌa he oho tahi mai ki a au. ꞌE te kope oho mai e ko haka tapa e au mai muri i a au.

Iovani 8:41

Te meꞌe aŋa o kōrua pa he meꞌe aŋa e te kōrua matuꞌa. He kī e rā nuꞌu: —¡Taꞌe a mātou he mōrore; e tahi nō mātou Matuꞌa, he ꞌAtua!

Iovani 9:2

He ꞌui e tāꞌana nuꞌu hāpī: —E te Maꞌori, ¿he aha te taŋata ena i poreko ai pē nā: e pō rō ꞌā te mata? ¿He hara o tōꞌona matuꞌa, ꞌo he hara ōꞌona?

Iovani 9:22

I kī ai i te meꞌe nei e tōꞌona ŋā matuꞌa era he riꞌa-riꞌa ꞌo te ꞌite: te nuꞌu hūrio ra-rahi ko haꞌaꞌau era ꞌana mo haka eꞌa mau rō ꞌai mai roto i te hare pure i te nuꞌu kī: a Ietū he ⌊Kiritō⌋.

Iovani 9:35

He ŋaroꞌa e Ietū ko haka eꞌa mau ꞌana i tū taŋata matapō era mai te hare pure hūrio. I piri era ki rā kope he ꞌui: —¿E haka moe rō ꞌana koe i tuꞌu manaꞌu ꞌi ruŋa i te ⌊Poki o te taŋata⌋?

Iovani 9:40

I ŋaroꞌa era i rā meꞌe e te fariseo o muri, he kī: —¿Taꞌa kī: e matapō rō ꞌana a mātou?

Karatia 2:15

A mātou i poreko ai he hūrio, taꞌe ꞌō pē nei ē: «he nuꞌu hara taꞌe ꞌite ko ai te ꞌAtua parautiꞌa», pa he meꞌe manaꞌu e mātou ꞌi muꞌa ꞌā o ruŋa i te nuꞌu taꞌe he hūrio.

Ēfeto 2:3

Pē ira te noho iŋa o tātou taꞌatoꞌa ꞌi muꞌa ꞌā, ꞌi te hora kai haka moe ꞌana i te manaꞌu ꞌi ruŋa i a Ietū. E aŋa ꞌā a tātou i te meꞌe haŋa nō era o tātou. E haka tano ꞌana i te noho iŋa ki te meꞌe taꞌe tano manaꞌu ꞌe pohe nō o te hakari. ꞌI rā hora e tano mau rō ꞌā te ꞌAtua mo riri ꞌe mo haka ūtuꞌa mai i a tātou, pa he meꞌe ka aŋa ena ki te tētahi nuꞌu.

1 Pētero 5:5

ꞌE a kōrua, e te ŋā poki ꞌāpī ē, e haꞌatura ki te kōrua nuꞌu pūꞌoko haka tere. ꞌI roto i a kōrua i te nuꞌu haka moe i te manaꞌu ꞌi ruŋa i a Ietū ꞌina ko ai e tahi kope manaꞌu i hau rō atu a ia ki te rua ꞌo te ai: «Te ꞌAtua ꞌina he haka tano i te manaꞌu o te nuꞌu manaꞌu i hau rō atu rāua ki te tētahi, ꞌe ki te nuꞌu taꞌe manaꞌu pē ira, e hāꞌūꞌū ena hai riva rahi ōꞌona».

3 Iovani 1:10

Ki tuꞌu atu au, he ture e au ꞌi muꞌa o te taina taꞌatoꞌa o ruŋa i tāꞌana meꞌe taꞌe tano ena e aŋa mai ena. E haꞌaꞌino ꞌe e reo-reo e oho ena o ruŋa i a tātou. ꞌE taꞌe nō ko rā meꞌe te meꞌe e aŋa mai ena. ꞌIna he haŋa mo toꞌo ki tōꞌona hare i te taina tuꞌu ki ira. ꞌE te taina haŋa mo toꞌo i rā ŋā taina ki te rāua hare ꞌina e ia he haꞌatiꞌa, ꞌe he toꞌo mai i rā ŋā taina era e haŋa rō ꞌā he tute mai roto i te nūnaꞌa taŋata haka moe i te manaꞌu ꞌi ruŋa i a Ietū.

3 Iovani 1:9

I pāpaꞌi rō au e tahi parau ki te kōrua nūnaꞌa taŋata haka moe i te manaꞌu ꞌi ruŋa i a Ietū. ꞌE a Riotefere ꞌina kai tapa mai i tāꞌaku meꞌe pāpaꞌi era ꞌi te haŋa mo ai ko ia mau nō te pūꞌoko haka tere o nā.

Meꞌe Haka Takeꞌa 13:17

ꞌE ꞌina e tahi kope mo hoꞌo ꞌe mo hoꞌo mai, korohaŋa e tahi meꞌe, mo taꞌe maꞌu i rā tāpaꞌo, ꞌe rā tāpaꞌo he ꞌīŋoa o te manuꞌino eꞌa era mai roto i te vaikava, ꞌo he nūmera o tōꞌona ꞌīŋoa.