Iovani 9:29 - Rapa Nui

²⁹ Ko ꞌite ꞌana a mātou i vānaŋa rō te ꞌAtua ki a Mōtē, ꞌe te kope ena, kai ꞌite a mātou mai hē i eꞌa mai ai.

Iovani 9:29 ပူးပေါင်းရင်းမြစ်များ

Māteo 12:24

I ŋaroꞌa era e te fariseo, he kī: «ꞌA Veresepupa, pūꞌoko o te tātane, i vaꞌai ki a ia i te mana mo haka eꞌa mai roto i te taŋata i te tātane».

Māteo 26:61

he kī: «Te taŋata nei i kī rō pē nei ē: “E ravaꞌa nō e au mo haka hiŋa ꞌe mo haka tuꞌu haka ꞌou e toru nō mahana i te Kona Haꞌamuri ꞌAtua”».

Ruka 23:2

He kī: —E Pirato, i ravaꞌa ai e mātou i te taŋata nei e haka tumu ꞌana i te ture. E kī ꞌā ꞌina ko ꞌauhau ki te ꞌariki rōmano i te moni kī mo ꞌauhau, ꞌe pē nei takoꞌa i kī ai: ko ia te ⌊Kiritō⌋ ꞌe te ꞌAriki.

Iovani 1:17

Hai ⌊Mōtē⌋ te ꞌAtua i haka ꞌite mai ai i tāꞌana roŋo mo tātou, ꞌe hai Ietū Kiritō i haka ꞌite mai ai i tōꞌona haŋa mo tātou ꞌe i te parautiꞌa o ruŋa i a ia.

Iovani 7:27

¿Pē hē te meꞌe tuꞌu pē rā? Ko ꞌite ꞌana, paꞌi, e tātou o hē a ia; ꞌe, hora ena mo oho mai o te Kiritō, ꞌina e tahi kope mo ꞌite o hē a ia».

Iovani 7:28

A Ietū e hāpī ꞌana ꞌi te Kona Haꞌamuri ꞌAtua. I ŋaroꞌa era i tū meꞌe era, he haka pūai i te reꞌo ꞌai ka kī: «¿Ko ꞌite mau ꞌana ꞌō kōrua ko ai a au ꞌe mai hē a au i oho mai ai? Taꞌe hai manaꞌu ōꞌoku au i oho mai ai, hai manaꞌu o te kope uŋa mai i a au, kope aŋa i tāꞌana meꞌe kī, ꞌe ꞌina kōrua kai māhani i a ia.

Iovani 8:14

He pāhono e Ietū: —Ka ai atu māꞌaku mau ꞌā e kī i te vānaŋa riva-riva o ruŋa i a au, e hauhaꞌa rō ꞌana ꞌo te ai ko ꞌite ꞌana a au mai hē a au i oho mai ai ꞌe ki hē a au ka oho nei, he meꞌe kai ꞌite e kōrua.

Iovani 9:16

He kī e te tētahi fariseo: «Te kope aŋa i te meꞌe ena taꞌe o te ꞌAtua he taꞌe moꞌa i te mahana haka ora». ꞌE o te tētahi atu i kī: «¿Pē hē te taŋata hara ana aŋa i te mana tuꞌu pē nā?». He manaꞌu kē-kē rō atu ꞌai rā ŋā fariseo

Iovani 9:24

He haka uŋa haka ꞌou e rā nuꞌu ra-rahi era mo oho o tū taŋata ora era o te mata, he kī: —Ka hōrea ꞌi muꞌa o te ꞌAtua he kī mai koe i te parautiꞌa o ruŋa i tū taŋata haka ora atu era i a koe. E ꞌite rō ꞌana, paꞌi, e mātou he taŋata hara a ia.

Iovani 9:30

He pāhono e rā taŋata: —¡Ko te meꞌe huru kē! ꞌIna a kōrua he ꞌite mai hē a ia i eꞌa mai ai, ka ai atu ko haka ora ꞌana i tōꞌoku mata.

Aŋa o te ꞌĀpōtoro 22:22

Ki te kona nō nei i haka roŋo ai e te nuꞌu i te tātara ꞌa Pauro. I oho era he haꞌamata he ohu-ohu: «¡ꞌIna te taŋata ena ko ora! ¡Ka haka kore mai te ao!».

Aŋa o te ꞌĀpōtoro 26:22

ꞌE, hai hāꞌūꞌū o te ꞌAtua, e hio-hio e oho nō nei a au ki ꞌaŋarīnā, ꞌe e vānaŋa nei o ruŋa i a ia ki te nuꞌu taꞌatoꞌa, ka hōnui ka taꞌe hōnui. ꞌIna a au he haka ꞌite, ki te hora hopeꞌa, i te rua vānaŋa mo taꞌe ai he vānaŋa o ruŋa i te meꞌe mo topa kī e te perofeta ꞌe e ⌊Mōtē⌋ pē nei ē:

Aŋa o te ꞌĀpōtoro 7:35

»Ko te Mōtē taꞌe haŋa era nei e te itaraera, ꞌui era: “¿ꞌA ꞌai koe i haka pūꞌoko o mātou?”, ko ia te kope i uŋa e te ꞌAtua mo pūꞌoko haka tere o te itaraera ꞌe mo haka eꞌa i a rāua mai roto i te ꞌati hai merahi haka takeꞌa i a ia ꞌi roto i te ura ahi.

ꞌEvereo 1:1

ꞌI muꞌa ꞌā, i rahi rō te mahana ꞌe hai rauhuru nō atu rāveꞌa i vānaŋa ai te ꞌAtua ki te tātou tupuna hai tāꞌana ŋā perofeta era.

ꞌEvereo 1:2

ꞌE hora nei, ꞌi te ŋā hora hopeꞌa nei, ko vānaŋa mai ꞌā hai Poki era ꞌāꞌana, kope hai ia i aŋa ai i te ao ꞌe ki a ia i vaꞌai tahi ai i te parau o te meꞌe taꞌatoꞌa.