Iovani 9:22 - Rapa Nui

²² I kī ai i te meꞌe nei e tōꞌona ŋā matuꞌa era he riꞌa-riꞌa ꞌo te ꞌite: te nuꞌu hūrio ra-rahi ko haꞌaꞌau era ꞌana mo haka eꞌa mau rō ꞌai mai roto i te hare pure i te nuꞌu kī: a Ietū he ⌊Kiritō⌋.

Iovani 9:22 ပူးပေါင်းရင်းမြစ်များ

Iovani 16:2

A kōrua nā he haka eꞌa mau rō ꞌai mai roto i te ⌊hare pure hūrio⌋; ꞌe ꞌātā e tuꞌu rō te mahana te kope nō era mo tiŋaꞌi mo haka mate i a kōrua he manaꞌu e aŋa ꞌana i te meꞌe haŋa e te ꞌAtua.

Iovani 7:13

Ka ai atu taꞌatoꞌa nō e vānaŋa era o ruŋa i a Ietū, te nuꞌu manaꞌu he taŋata riva ꞌina he haka ŋaroꞌa i te rāua vānaŋa era e kī era he riꞌa-riꞌa ꞌi te nuꞌu ra-rahi o te hūrio.

Ruka 6:22

»Ko te koa i a kōrua ka tute ena e te nuꞌu mai muri i a rāua, ka riri, ka vā-vā ꞌe ka taꞌe haka au ena ꞌi te ai o kōrua o te Poki o te taŋata.

Iovani 9:34

He kī ia e tū nuꞌu era: —A koe, mai tuꞌu poreko iŋa ꞌā ki te hora nei, he taŋata hara, ꞌe, ¿e haŋa ꞌā koe mo hāpī mai i a mātou? He toꞌo ia e tū nuꞌu ra-rahi era i rā taŋata he haka eꞌa mau rō ꞌai mai roto i te ⌊hare pure hūrio⌋.

Meꞌe Haka Takeꞌa 21:8

ꞌE te nuꞌu riꞌa-riꞌa mo kī ꞌāꞌaku a rāua, te nuꞌu taꞌe haka moe oho i te rāua manaꞌu ꞌi ruŋa i a au, te nuꞌu aŋa i te meꞌe taꞌe tano hano-hano, te nuꞌu tiŋaꞌi haka mate i te rua, te nuꞌu moe i te viꞌe i te taŋata taꞌe he viꞌe he kenu o rāua, te nuꞌu aŋa i te tahu-tahu, te nuꞌu haꞌamuri ki te ꞌītoro ꞌe te nuꞌu reo-reo taꞌatoꞌa, he hoa ki te kona ꞌi ira e ura ena te azufre mo noho mau rō ꞌāvai ꞌi ira e ꞌava-ꞌava rō ꞌana mai i a au. Ko te meꞌe nei te rua mate iŋa».

Aŋa o te ꞌĀpōtoro 5:40

He raŋi mo maꞌu haka ꞌou i tū ŋā ꞌāpōtoro era, he haka tiŋaꞌi hai ꞌuaka, ꞌe he kī mo taꞌe vānaŋa haka ꞌou hai ꞌīŋoa o Ietū. I oti era he haka eꞌa.

Aŋa o te ꞌĀpōtoro 4:18

Pē ira i uŋa ai mo haka uru haka ꞌou, ꞌe he haka riꞌa-riꞌa mo taꞌe vānaŋa ꞌe mo taꞌe hāpī haka ꞌou o ruŋa i a Ietū.

Iovani 20:19

ꞌI te ahi-ahi o rā mahana raꞌe era o te tāpati, e taka-taka rō ꞌana te nuꞌu hāpī ꞌa Ietū ꞌi roto i te hare e tahi e tāmaꞌu rō ꞌā te ꞌōpani he riꞌa-riꞌa ꞌi te nuꞌu ra-rahi o te ⌊hūrio⌋. E no-noho nō ꞌana he māroa atu a Ietū ꞌi vāeŋa o rāua he ꞌaroha: «Ka ai ꞌi ruŋa i a kōrua te haumārū o te ꞌAtua».

Iovani 19:38

I oti era te meꞌe nei, he oho a ⌊Kōsē⌋ era o Ārimatea he no-noꞌi ki a Pirato mo vaꞌai i te hakari o Ietū. A Kōsē he taŋata hāpī ꞌa Ietū, ꞌe, ka ai atu pē ira, ꞌina he haka ꞌite ki te nuꞌu, he riꞌa-riꞌa ꞌi te nuꞌu hūrio ra-rahi. He haꞌatiꞌa ia e Pirato, ꞌe he oho a Kōsē he toꞌo i te hakari o Ietū.

Iovani 1:19

He vānaŋa nei ꞌa Iovani ꞌi te hora uŋa e te nuꞌu hōnui ⌊hūrio⌋ i te ⌊oromatuꞌa⌋ ꞌe i te ⌊rēvita⌋ mai Hērutarema mo ꞌite ko ai mau a Iovani. He ꞌui e rā nuꞌu: —¿He Kiritō rō koe?

Iovani 9:18

Mo te ⌊hūrio⌋ ra-rahi taꞌe he parautiꞌa: rā taŋata i ai rō ꞌō he matapō, ꞌātā i haka uŋa rō ki tōꞌona matuꞌa mo oho ki ira

Iovani 9:21

Te meꞌe o māua i taꞌe ꞌite pē hē a ia e takeꞌa ena ꞌi te hora nei, ꞌe ꞌina kai ꞌite takoꞌa a māua ꞌa ꞌai i haka ora i tōꞌona mata. Ka ꞌui ki a ia ꞌā; ko paꞌari ꞌana, ꞌe māꞌana mau ꞌā e kī atu.

Iovani 9:35

He ŋaroꞌa e Ietū ko haka eꞌa mau ꞌana i tū taŋata matapō era mai te hare pure hūrio. I piri era ki rā kope he ꞌui: —¿E haka moe rō ꞌana koe i tuꞌu manaꞌu ꞌi ruŋa i te ⌊Poki o te taŋata⌋?