Iovani 9:2 - Rapa Nui

² He ꞌui e tāꞌana nuꞌu hāpī: —E te Maꞌori, ¿he aha te taŋata ena i poreko ai pē nā: e pō rō ꞌā te mata? ¿He hara o tōꞌona matuꞌa, ꞌo he hara ōꞌona?

Iovani 9:2 ပူးပေါင်းရင်းမြစ်များ

Māteo 16:14

He pāhono e rā nuꞌu: —E ai rō ꞌā te nuꞌu kī ko Iovani Papatito, e ai takoꞌa rō ꞌana te nuꞌu kī ko te perofeta era ko ꞌĒria, ꞌe e ai haka ꞌou rō ꞌā te nuꞌu kī ko Heremia ꞌo he perofeta haka ꞌou e tahi o muꞌa ꞌā.

Māteo 23:7

Te meꞌe haŋa takoꞌa ananake he ꞌaroha e te taŋata ꞌi te ara pa he ꞌariki ꞌe he kī ki a rāua: “e te maꞌori”.

Māteo 23:8

»A kōrua, ꞌina ko haꞌatiꞌa mo kī atu e tahi taŋata: “e te maꞌori”. A kōrua taꞌatoꞌa, paꞌi, he taina ꞌe e tahi mau nō kōrua Maꞌori.

Ruka 13:2

He ꞌui ia e Ietū: «¿Ki te kōrua manaꞌu, te meꞌe topa era ki rā nuꞌu ꞌo te ai ꞌata hau a rāua ꞌi te hara ki te tētahi nuꞌu o Karirea?

Iovani 4:31

ꞌI rā kona, te nuꞌu hāpī ꞌāꞌana e haka koni ꞌā: —E te Maꞌori, ka kai tāꞌau o te meꞌe.

Iovani 9:1

I eꞌa era a Ietū, he takeꞌa i te taŋata mai tōꞌona poreko iŋa ꞌana e pō rō ꞌā te mata.

Iovani 9:34

He kī ia e tū nuꞌu era: —A koe, mai tuꞌu poreko iŋa ꞌā ki te hora nei, he taŋata hara, ꞌe, ¿e haŋa ꞌā koe mo hāpī mai i a mātou? He toꞌo ia e tū nuꞌu ra-rahi era i rā taŋata he haka eꞌa mau rō ꞌai mai roto i te ⌊hare pure hūrio⌋.

Aŋa o te ꞌĀpōtoro 28:4

I takeꞌa era e te nuꞌu o rā motu i te kōreha ko taka ꞌā ꞌi te rima o Pauro, he kī ki a rāua ꞌā: «Pe he meꞌe ena ē: te kope era kope taparahi-taꞌata tiŋaꞌi haka mate i te rua; ka ai atu ko ora ꞌā mai te ꞌati o roto i te vaikava, ꞌina he haka rē e te ꞌatua mo ora».