Iovani 9:16 - Rapa Nui

¹⁶ He kī e te tētahi fariseo: «Te kope aŋa i te meꞌe ena taꞌe o te ꞌAtua he taꞌe moꞌa i te mahana haka ora». ꞌE o te tētahi atu i kī: «¿Pē hē te taŋata hara ana aŋa i te mana tuꞌu pē nā?». He manaꞌu kē-kē rō atu ꞌai rā ŋā fariseo

Iovani 9:16 ပူးပေါင်းရင်းမြစ်များ

Māteo 12:10

ꞌI roto e tahi taŋata rima rehe-rehe. ꞌI roto takoꞌa te nuꞌu e uꞌi ꞌā i te ꞌōtohe mo tuhi i te hape o Ietū, he ꞌui: —E Ietū, ¿e haꞌatiꞌa rō ꞌana mo haka ora i te taŋata māui-ui ꞌi te mahana haka ora?

Māteo 12:2

He takeꞌa e te nuꞌu ⌊fariseo⌋ ꞌe he kī ki a Ietū: —Ka uꞌi taꞌa nuꞌu hāpī; e aŋa ꞌana i te meꞌe taꞌe haꞌatiꞌa mo aŋa ꞌi te mahana haka ora.

Ruka 13:14

Te taŋata pūꞌoko haka tere o tū hare pure hūrio era he riri rō atu ꞌai ꞌo te haka ora e Ietū i tū viꞌe era ꞌi te mahana haka ora, ꞌe he kī ki te nuꞌu: «E ono mahana e ai ena mo aŋa. E oho mai kōrua ꞌi rā ŋā mahana mo haka ora atu, taꞌe ꞌō pē nei ē: ꞌi te mahana haka ora».

Iovani 10:19

I ŋaroꞌa era e te ⌊hūrio⌋ i te vānaŋa nei, he manaꞌu kē-kē haka ꞌou ananake o ruŋa i a Ietū.

Iovani 14:11

»E ꞌite kōrua: a māua ko te ꞌAtua Matuꞌa e tahi mau nō. Mo taꞌe ai he parautiꞌa mo kōrua te meꞌe nei, ka haka topa nō te kōrua manaꞌu ꞌi ruŋa i tāꞌaku mana aŋa oho mai ena.

Iovani 15:24

ꞌE, ꞌāhani i taꞌe aŋa e au i te mana kai aŋa ꞌā e te rua kope, e ko ai te rāua hape ꞌo te hārui mai i a au hai tuaꞌivi. A rāua ko takeꞌa ꞌana i tōꞌoku aŋa iŋa i te ŋā meꞌe nei ꞌe, ka ai atu pē ira, ko te maꞌu iŋa ꞌā i te riri mōꞌoku ꞌe mo tōꞌoku Matuꞌa.

Iovani 2:11

Te meꞌe aŋa nei e Ietū ꞌi Kānā o Karirea he mana raꞌe aŋa e ia. Pē ira i takeꞌa ai i tōꞌona nui-nui ꞌe he haka moe rō ꞌai tāꞌana nuꞌu hāpī i te manaꞌu ꞌi ruŋa i a ia.

Iovani 3:2

he oho ꞌi te pō e tahi uꞌi i a Ietū ꞌe he kī: —E te Maꞌori, ko ꞌite ꞌana a mātou o te ꞌAtua a koe i uŋa mai mo hāpī i te taŋata; ꞌina, paꞌi, e tahi kope aŋa i te mana aŋa e koe mo kore o te ꞌAtua o muri.

Iovani 5:10

he kī e te hūrio ra-rahi ki tū kope era: —Mahana nei he mahana haka ora; ꞌina he haꞌatiꞌa mo ꞌamo i te hēriki.

Iovani 5:36

Ka ai atu pē ira, e ai rō ꞌana te meꞌe ꞌata hau o te nui-nui ki te meꞌe haka ꞌite atu e Iovani mo haka takeꞌa atu i te parautiꞌa o ruŋa ōꞌoku. ꞌE ko rā meꞌe tāꞌaku meꞌe aŋa, he meꞌe kī mai e te Matuꞌa mo aŋa ꞌe nei meꞌe he mataꞌite: he aŋi mau ꞌā ꞌāꞌana a au i uŋa mai.

Iovani 6:52

He haꞌamata ia te hūrio he tātake ki a rāua ꞌā: «¿Pē hē te kope nei ana vaꞌai mai i tōꞌona hakari mo kai e tātou?».

Iovani 7:12

Te nuꞌu o ira e vānaŋa rahi rō ꞌana o ruŋa i a Ietū. Tētahi e kī era: «He taŋata riva»; e tētahi atu e kī era: «Taŋata taꞌe riva; e reo-reo ꞌana ki te taŋata».

Iovani 7:23

Mo hore ia o kōrua i te kiri o te kinoŋa o te poki ꞌi te mahana haka ora ꞌo hape ki te ⌊haka tere iŋa ꞌa Mōtē⌋, ¿he aha ia kōrua e riri ena mōꞌoku ꞌo te haka ora i te māui-ui o te taŋata ꞌi te mahana haka ora?

Iovani 7:43

Pē ira i manaꞌu kē ai te taŋata o ruŋa o Ietū.

Iovani 9:24

He haka uŋa haka ꞌou e rā nuꞌu ra-rahi era mo oho o tū taŋata ora era o te mata, he kī: —Ka hōrea ꞌi muꞌa o te ꞌAtua he kī mai koe i te parautiꞌa o ruŋa i tū taŋata haka ora atu era i a koe. E ꞌite rō ꞌana, paꞌi, e mātou he taŋata hara a ia.

Aŋa o te ꞌĀpōtoro 14:4

Te nuꞌu o tū kona era ko vahi ꞌā e rua pāꞌiŋa: e tahi i haka roŋo ki te hūrio haka tumu i te ture, ꞌe te rua i haka roŋo ki te ⌊ꞌāpōtoro⌋ ko kuā Pauro.