Iovani 8:6 - Rapa Nui

⁶ I ꞌui ai i te meꞌe nei mo uꞌi pē hē a Ietū ka pāhono era, pē ira a rāua ana ravaꞌa i te rāveꞌa mo aŋa i te ture mōꞌona. Kai pāhono a Ietū; he noi he pāpaꞌi hai maŋa-maŋa rima ꞌi ruŋa i te ꞌōꞌone.

Iovani 8:6 ပူးပေါင်းရင်းမြစ်များ

Māteo 10:16

»He uŋa a au i a kōrua pa he māmoe ki vāeŋa o te paiheŋa taehae. E ai kōrua nuꞌu mārama-rama ꞌite mo hāpaꞌo ꞌo topa atu te ꞌati. E ai takoꞌa kōrua he nuꞌu māŋaro pa he pāroma, taꞌe aŋa i te meꞌe taꞌe tano ki te rua.

Māteo 15:23

ꞌIna kai pāhono e Ietū. He haka hāhine ia tāꞌana nuꞌu hāpī ꞌe he ani: —Ka hāꞌūꞌū te viꞌe era ki hoki ai ki tōꞌona hare ꞌo ohu ꞌo oho nō mai ꞌi tuꞌa o tātou.

Māteo 16:1

Te nuꞌu ⌊fariseo⌋ ꞌe te nuꞌu ⌊saruseo⌋ he oho he uꞌi i a Ietū mo haka ꞌatu. He kī mo aŋa e tahi mana ki ꞌite ai e te nuꞌu he aŋi mau ꞌā o te ꞌAtua a ia i uŋa mai.

Māteo 19:3

Tētahi nuꞌu ⌊fariseo⌋ he haka hāhine ki a Ietū, he haka ꞌatu koiꞌite e kī rō i te meꞌe taꞌe tano ki te rāua haka tere iŋa, he ꞌui: —¿E haꞌatiꞌa rō ꞌana mo haꞌataꞌa o te kenu mai tāꞌana viꞌe ⌊hāipo-ipo⌋ ꞌo te meꞌe nō era he meꞌe?

Māteo 22:18

ꞌI te aŋi-aŋi e Ietū i te manaꞌu rake-rake o rā nuꞌu, he kī: —E te nuꞌu riva a te haho ē, ¿he aha kōrua e kimi ena i te rāveꞌa mo pāhono hape atu ōꞌoku?

Māteo 22:35

E tahi o rā nuꞌu, ⌊maꞌori o te haka tere hūrio⌋, ꞌi te haŋa mo haka ꞌatu i a Ietū, he ꞌui:

Māteo 26:63

I mou nō a Ietū. He kī e rā oromatuꞌa: —Mo ai koe he ⌊Kiritō⌋, he Poki o te ꞌAtua, ka kī mai koe hai ꞌīŋoa o te ꞌAtua ora.

Marko 10:2

He haka hāhine ia ki a Ietū te tētahi nuꞌu ⌊fariseo⌋ ꞌe, mo haka ꞌatu koiꞌite e kī rō i te meꞌe taꞌe tano, he ꞌui hoki e tano rō te kenu ⌊hāipo-ipo⌋ mo haꞌataꞌa mai tāꞌana viꞌe.

Marko 12:15

ꞌI te ꞌite e Ietū: rā nuꞌu he nuꞌu riva a te haho nō, he kī: —¿He aha kōrua e aŋa mai ena i te meꞌe mo kī atu ōꞌoku i te vānaŋa hape? Ka maꞌu mai rā e tahi ⌊renario⌋.

Marko 3:2

ꞌI roto takoꞌa te nuꞌu uꞌi hoki e haka ora rō a Ietū i te rima o tū taŋata era ꞌi rā mahana, mo ravaꞌa ꞌōtohe mo tuhi ko aŋa ꞌā i te meꞌe taꞌe tano ki te rāua haka tere iŋa.

Marko 8:11

He tuꞌu ia te nuꞌu fariseo ki te kona ꞌi ira a kuā Ietū he haꞌamata he haka tātake ki a ia. ꞌI te haŋa mo ravaꞌa i te reo-reo o Ietū pē nei ē: o te ꞌAtua a ia i uŋa mai, he kī mo aŋa e tahi mana.

Ruka 10:25

He oho e tahi ⌊maꞌori o te haka tere hūrio⌋ he vānaŋa ararua ko Ietū mo haka ꞌatu pē hē ka pāhono era, he ꞌui: —E te Maꞌori, ¿he aha tāꞌaku meꞌe mo aŋa mo ravaꞌa e au i te ora ꞌāpī ꞌina he hopeꞌa raꞌa vaꞌai e te ꞌAtua?

Ruka 11:16

ꞌE tētahi atu, ꞌi te haŋa mo haka ꞌatu mo uꞌi pē hē ka meꞌe era a Ietū, he kī mo aŋa e tahi mana.

Iovani 8:2

ꞌI te rua mahana ꞌi te pō era ꞌā, he hoki ki te Kona Haꞌamuri ꞌAtua. He haka hāhine ia te taŋata, ꞌe he noho a Ietū he hāpī.

1 Kōrinto 10:9

ꞌE ꞌina tātou ko haka ꞌatu i te ⌊Kiritō⌋, ꞌina ko uꞌi ꞌātā ki hē tōꞌona roa mo haꞌaoromaꞌi i te tātou hara, pa he meꞌe aŋa e te tētahi o te nuꞌu era. He aŋa i te meꞌe nei i mā-mate ai i ŋau e te kōreha veneno.