Iovani 8:47 - Rapa Nui

⁴⁷ Te ŋā poki o te ꞌAtua e haka roŋo rō ꞌana ki te vānaŋa o te ꞌAtua. ꞌE, ꞌi te meꞌe era taꞌe a kōrua o te ꞌAtua, ꞌina he haka roŋo mai.

Iovani 8:47 ပူးပေါင်းရင်းမြစ်များ

Iovani 12:48

Te kope taꞌe haŋa mai ꞌe taꞌe haꞌatura ki tāꞌaku vānaŋa ko ai era ꞌana te meꞌe mo haka ūtuꞌa i a ia: he vānaŋa kī era e au. Hai rā vānaŋa ka haka ūtuꞌa ena ꞌi te mahana o te ture hopeꞌa.

Iovani 18:37

He ꞌui ia e Pirato: —¿Ka kī ꞌō he ꞌariki mau ꞌā a koe? He pāhono e Ietū: —Nā e koe ko kī ꞌā: he ꞌariki au. I oho mai ai ꞌe i poreko ai a au ꞌi te ao nei mo haka ꞌite i te parautiꞌa. Te nuꞌu taꞌatoꞌa o te parautiꞌa he haka roŋo mai.

Iovani 5:25

»Nā e tuꞌu rō te hora, ko te hora mau nei ꞌā, e ŋaroꞌa rō i te reꞌo o te Poki o te ꞌAtua e te nuꞌu mate, te auraꞌa, e te nuꞌu taꞌe tano ki te mata o te ꞌAtua. ꞌE nuꞌu nō era mo haka moe i te manaꞌu ꞌi ruŋa i a ia ꞌe ꞌi ruŋa i tāꞌana vānaŋa he ravaꞌa i te ora ꞌāpī ꞌina he hopeꞌa raꞌa.

Iovani 6:65

ꞌE he kī haka ꞌou: —ꞌO ira a au e kī nō atu ena: ꞌina e tahi kope mo oho mai ki a au mo taꞌe ai o tōꞌoku Matuꞌa i haka poreko ꞌi roto i a ia i te haŋa mo oho mai.

Iovani 8:37

»Ko ꞌite ꞌana a au he hakaara kōrua o ꞌAparahama ꞌe ko ꞌite takoꞌa ꞌana e haŋa rō ꞌana kōrua mo tiŋaꞌi i a au, he taꞌe haŋa o kōrua ki tāꞌaku vānaŋa haka ꞌite atu.

Iovani 8:43

»¿He aha kōrua e taꞌe aŋi-aŋi ena i tāꞌaku meꞌe haka ꞌite atu? He taꞌe tano o kōrua mo haka roŋo mai.

Iovani 8:45

»A kōrua e taꞌe haka roŋo mai ena he kī ōꞌoku i te parautiꞌa.

1 Iovani 3:10

E ꞌite rō ꞌana ko ai te ŋā poki o te ꞌAtua ꞌe ko ai te ŋā poki ꞌa Rukifero: te kope taꞌe aŋa i te meꞌe tano ꞌe taꞌe haŋa ki tōꞌona taina, taꞌe o te ꞌAtua.

1 Iovani 5:1

Nuꞌu nō era mo rāua he parautiꞌa mau ꞌā a Ietū he ⌊Kiritō⌋ he ŋā poki rāua o te ꞌAtua. ꞌE te kope haŋa ki te ꞌAtua Matuꞌa e haŋa takoꞌa ki tāꞌana ŋā poki.

2 Iovani 1:9

Te kope ꞌāmui hai hāpī kē i te hāpī parautiꞌa ꞌa Ietū ꞌina he ꞌAtua o muri i a ia, ꞌe te kope haka tano oho i a ia ki rā hāpī ꞌi muri i a ia te ꞌAtua Matuꞌa ꞌe te Poki.

3 Iovani 1:11

E te taina, ꞌina koe ko aŋa i te meꞌe taꞌe tano aŋa e te rua; e aŋa koe i te meꞌe riva-riva. Te kope aŋa i te meꞌe riva-riva, o te ꞌAtua; ꞌe te kope aŋa i te meꞌe rake-rake, kai māhani ꞌā i te ꞌAtua.