Iovani 8:44 - Rapa Nui

⁴⁴ Te kōrua matuꞌa ko Rukifero; ꞌāꞌana kōrua, ꞌe te kōrua meꞌe haŋa mo aŋa he meꞌe haŋa ꞌāꞌana. A ia he taparahi-taꞌata tiŋaꞌi i te taŋata mai muꞌa ꞌā. ꞌIna he noho ꞌi roto i te parautiꞌa, ꞌe ꞌina e tahi parautiꞌa kī. E reo-reo ena, e vānaŋa ꞌā i tāꞌana meꞌe i ꞌite. A ia he reo-reo ꞌe he matuꞌa o te reo-reo.

Iovani 8:44 ပူးပေါင်းရင်းမြစ်များ

Māteo 12:34

¡E te huaꞌai o te kōreha veneno ē! ¿Pē hē kōrua, te nuꞌu aŋa i te meꞌe taꞌe tano, ana kī i te meꞌe riva-riva? Hai meꞌe rahi o roto i te māhatu, te haha e vānaŋa ena.

Māteo 13:15

Te manaꞌu, paꞌi, o te nuꞌu nei ko mira-mira ꞌā, ko puru ꞌana te tariŋa, ꞌe ko puru ꞌā te mata, ꞌo ŋaroꞌa ꞌe ꞌo takeꞌa, ꞌo aŋi-aŋi, ꞌo huri te manaꞌu ki ruŋa i a au, ꞌo haka kore e au i te rāua hara”.

Māteo 13:38

ꞌe te henua ko te ao nei. Te karu riva-riva era he nuꞌu o roto i te haka tere iŋa ꞌāpī o te ꞌAtua, ꞌe te mauku rake-rake he nuꞌu haka tere e Rukifero.

Iovani 6:70

He kī ia e Ietū: —ꞌĀꞌaku mau ꞌā a kōrua a ho-hoꞌe ꞌahuru mā piti i toꞌo mai. ꞌE, ka ai atu pē ira, e tahi o roto i a kōrua he tātane.

Iovani 7:17

Te kope haŋa mo aŋa i te meꞌe haŋa o te ꞌAtua he aŋi-aŋi hoki tāꞌaku hāpī nei mai te ꞌAtua ꞌo he vānaŋa ꞌāꞌaku mau ꞌā.

Iovani 8:38

A au e vānaŋa nei hai meꞌe i haka ꞌite ꞌe i haka takeꞌa mai e tōꞌoku Matuꞌa. A kōrua takoꞌa e aŋa ena i te meꞌe i takeꞌa ꞌe i ŋaroꞌa mai te kōrua matuꞌa.

Iovani 8:41

Te meꞌe aŋa o kōrua pa he meꞌe aŋa e te kōrua matuꞌa. He kī e rā nuꞌu: —¡Taꞌe a mātou he mōrore; e tahi nō mātou Matuꞌa, he ꞌAtua!

Iovani 8:55

ꞌE, ꞌina kai māhani a kōrua i a ia. Ko au te meꞌe i māhani. Mo kī atu ōꞌoku kai māhani a au i a ia, pē kōrua ꞌā tōꞌoku reo-reo. Te parautiꞌa, paꞌi, ko māhani ꞌana e au i a ia; e haka roŋo ꞌe e haꞌatura rō ꞌana a au ki tāꞌana vānaŋa.

Aŋa o te ꞌĀpōtoro 13:10

he kī: «¡E te poki ꞌa Rukifero, ꞌī e te reo-reo, e te meꞌe rake-rake, ꞌe taꞌe haŋa ki te taꞌatoꞌa meꞌe riva-riva ē! ¿He aha koe e haka pōteko-teko ena i te ara o te ꞌAtua?

Aŋa o te ꞌĀpōtoro 24:9

Tū nuꞌu hūrio tuꞌu era ananake ko kuā Tereturo ꞌai e kī era he parautiꞌa mau ꞌā rā meꞌe.

Aŋa o te ꞌĀpōtoro 5:3

He kī e Pētero: —E ꞌĀnānia, ¿he aha koe i haꞌatiꞌa ai i a Rukifero mo haka tere atu? Ko reo-reo ꞌā koe ki te ⌊Vārua Maitai⌋ hai haka rē e tahi ꞌapa o te moni mōꞌou.

2 Kōrinto 11:3

ꞌE, e riꞌa-riꞌa rō ꞌā a au ꞌo kore te kōrua haŋa parautiꞌa ki te Kiritō, pa he meꞌe topa ki a ⌊Eva⌋ ꞌi te hora haka roŋo ki te reo-reo o tū kōreha era ko Rukifero.

1 Pētero 5:8

E veveri e ꞌara kōrua; te kope taꞌe haŋa atu ena ko Rukifero, nā e kimi e oho ꞌana, pa he reone maruaki, ki te taŋata mo kai.

2 Pētero 2:4

Te ꞌAtua ꞌina kai haka rehu i te hara o te merahi aŋa i meꞌe taꞌe tano. Te meꞌe i aŋa: he ava i rā ŋā merahi ki roto i te pōꞌauahi, ꞌe i haka rē ai ꞌi roto i te pōꞌuri e here-here rō ꞌana hai vivi mo te mahana o te ture.

1 Iovani 1:8

Mo kī o tātou ꞌina a tātou he hara, e reo-reo ꞌana a tātou ki a tātou ꞌā, ꞌe ꞌina kai aŋi-aŋi i te roŋo parautiꞌa o te ꞌAtua.

1 Iovani 2:21

E pāpaꞌi atu ena a au taꞌe ꞌo te taꞌe ꞌite o kōrua i te hāpī parautiꞌa, ꞌo te ai e ꞌite rō ꞌana e kōrua. ꞌE, ko ꞌite takoꞌa ꞌana e kōrua ꞌina e tahi reo-reo eꞌa mai roto i te hāpī parautiꞌa.

1 Iovani 2:4

Te kope kī: «Ko māhani ꞌā a au i te ꞌAtua» ꞌe ꞌina he haꞌatura ki tāꞌana meꞌe kī, he reo-reo e tahi, ꞌe ꞌina he maꞌu i te roŋo parautiꞌa o te ꞌAtua.

1 Iovani 3:12

ꞌIna ko ai tātou pē ⌊Kāiŋa⌋. A ia ꞌa Rukifero, ꞌe i tiŋaꞌi i haka mate ai i tōꞌona taina. ¿ꞌO te aha i tiŋaꞌi ai i tōꞌona taina? ꞌO te ai te meꞌe aŋa o tōꞌona taina he meꞌe riva-riva ꞌe tāꞌana meꞌe aŋa he meꞌe taꞌe tano.

1 Iovani 3:15

Te kope maꞌu i te riri mo tōꞌona taina he kope taparahi-taꞌata tiŋaꞌi taŋata, ꞌe a kōrua ko ꞌite ꞌā ꞌina e tahi kope tuꞌu pē rā mo ravaꞌa i te ora ꞌāpī ꞌina he hopeꞌa raꞌa.

Hura 1:6

ꞌE te ŋā merahi taꞌe haka hauhaꞌa era i te rāua tōroꞌa ꞌe hoa era i te rāua kona noho, ko here-here ꞌana e te ꞌAtua hai vivi taꞌe mo pakoꞌo ki te hora hopeꞌa, ꞌe ꞌi te kona pōꞌuri i haka rē ai mo te mahana o te ture hopeꞌa.

Meꞌe Haka Takeꞌa 12:9

He ava i rā manuꞌino ananake ko tāꞌana vaꞌehau ki ruŋa i te henua. Rā manuꞌino ko te kōreha era o te noho iŋa tuai era ko Rukifero, he kope reo-reo ki te taŋata o te henua taꞌatoꞌa.

Meꞌe Haka Takeꞌa 13:14

Hai ŋā mana nei, mana haꞌatiꞌa era mo aŋa e ia hai ꞌīŋoa o tū manuꞌino eꞌa era mai roto i te vaikava, i reo-reo ai ki te taŋata. He uŋa ia i te nuꞌu nei he haka aŋa i te ꞌītoro pē rā manuꞌino mau ꞌā, manuꞌino taꞌe mate era ka ai atu i more rō ꞌi te more taparahi-taꞌata ꞌi te hoe.

Meꞌe Haka Takeꞌa 2:10

’ꞌIna koe ko riꞌa-riꞌa ꞌi te ꞌati ka topa ena. Tētahi o kōrua e puru rō ꞌi roto i te hare maꞌuꞌaurī hai Rukifero, he rāveꞌa e tahi mo haka ꞌatu atu i a kōrua taꞌatoꞌa. E hoꞌe ꞌahuru mahana ka ꞌamo ena kōrua i rā ꞌati. E haka noho e oho nō koe i tuꞌu manaꞌu ꞌi ruŋa i a au ka ai atu he mate koe ꞌo te aŋa pē ira, ꞌe he vaꞌai atu e au i te ora ꞌāpī ꞌina he hopeꞌa raꞌa mo haka koa i a koe.

Meꞌe Haka Takeꞌa 21:8

ꞌE te nuꞌu riꞌa-riꞌa mo kī ꞌāꞌaku a rāua, te nuꞌu taꞌe haka moe oho i te rāua manaꞌu ꞌi ruŋa i a au, te nuꞌu aŋa i te meꞌe taꞌe tano hano-hano, te nuꞌu tiŋaꞌi haka mate i te rua, te nuꞌu moe i te viꞌe i te taŋata taꞌe he viꞌe he kenu o rāua, te nuꞌu aŋa i te tahu-tahu, te nuꞌu haꞌamuri ki te ꞌītoro ꞌe te nuꞌu reo-reo taꞌatoꞌa, he hoa ki te kona ꞌi ira e ura ena te azufre mo noho mau rō ꞌāvai ꞌi ira e ꞌava-ꞌava rō ꞌana mai i a au. Ko te meꞌe nei te rua mate iŋa».

Meꞌe Haka Takeꞌa 22:15

ꞌE te nuꞌu aŋa i te meꞌe taꞌe tano hano-hano, te nuꞌu aŋa i te tahu-tahu, te nuꞌu moe i te viꞌe i te taŋata taꞌe he viꞌe he kenu o rāua, te nuꞌu tiŋaꞌi haka mate i te rua, te nuꞌu haꞌamuri ki te ꞌītoro, ꞌe te nuꞌu taꞌatoꞌa te rāua meꞌe aŋa mau nō he reo-reo ꞌi haho ka noho ena.

Meꞌe Haka Takeꞌa 9:11

Te ꞌariki o rā ŋā manuꞌino he merahi mātaki era i tū kona pū era ꞌina he hopeꞌa o te raro nui. Te ꞌīŋoa o te merahi nei ꞌi te ⌊ꞌevereo⌋ ko Āvārone ꞌe ꞌi te ⌊kirieko⌋ ko ꞌĀporione. Te haꞌaauraꞌa o te ŋā ꞌīŋoa nei: «he kope taparahi-taꞌata ꞌi te meꞌe taꞌatoꞌa».