Iovani 8:40 - Rapa Nui

⁴⁰ Ka ai atu ko kī atu ꞌana a au i te parautiꞌa hāpī mai e te ꞌAtua, e haŋa nō ꞌana a kōrua mo tiŋaꞌi i a au. ¡A ꞌAparahama kai aŋa i te meꞌe pē nā!

Iovani 8:40 ပူးပေါင်းရင်းမြစ်များ

Iovani 7:1

I oti era he oho a Ietū ki kona era ki kona era o Karirea. Kai haŋa mo oho ki Hūrea ꞌi te meꞌe era te nuꞌu ⌊hūrio⌋ ra-rahi o ira e haŋa ꞌā mo tiŋaꞌi i a ia.

Iovani 8:26

E rahi rō ꞌā te meꞌe mo kī atu ōꞌoku o ruŋa i a kōrua, mo ture ꞌe mo haka ūtuꞌa. Ka ai atu pē ira, tāꞌaku meꞌe kī nō ki te taŋata o te ao he meꞌe kī mai e te kope uŋa mai i a au. He parautiꞌa mau nō, paꞌi, tāꞌana meꞌe kī.

Iovani 8:56

Te tupuna era o kōrua ko ꞌAparahama ko ꞌite ꞌā e uŋa rō mai i a au ki te ao nei ꞌe e tiaki era ki rā mahana hai koa.

Rōmano 4:12

A ꞌAparahama he matuꞌa takoꞌa o te nuꞌu hore o te kiri o te kinoŋa haka moe i te manaꞌu ꞌi ruŋa i te ꞌAtua, te rāua haka moe iŋa i te manaꞌu pa he haka moe iŋa o te manaꞌu o te mātou tupuna ko ꞌAparahama ꞌi te hora kai hore ꞌana te kiri o te kinoŋa.

Karatia 4:16

ꞌE hora nei, ¿ko ai ꞌana a au he kope taꞌe haŋa o kōrua ꞌo te kī nō atu i te parautiꞌa?

Karatia 4:29

Te poki poreko era ꞌa ꞌAparahama hai manaꞌu taŋata he taꞌe haka au nō te aŋa i te poki poreko era hai hāꞌūꞌū o te Vārua Maitai. ꞌE pē ira ꞌā ꞌi te hora nei: te nuꞌu manaꞌu e haꞌatura ki te haka tere iŋa ꞌa Mōtē mo tano ki te mata o te ꞌAtua he taꞌe haka au nō mai te aŋa i a tātou i te nuꞌu ko ꞌite ꞌana: mo tano ki te mata o te ꞌAtua e haka moe i te manaꞌu ꞌi ruŋa i a Ietū.

Meꞌe Haka Takeꞌa 12:17

He ꞌata riri rō atu ꞌai tū manuꞌino era mo rā viꞌe. He eꞌa he oho he moto ki te hakaara haka ꞌou o rā viꞌe, he nuꞌu haꞌatura ki te roŋo o te ꞌAtua ꞌe ki te parautiꞌa haka ꞌite e Ietū.

Meꞌe Haka Takeꞌa 12:4

Hai hiku i to-toi ai i te ꞌapa e tahi o te ꞌapa e toru o te hetuꞌu o te raŋi ꞌe he ava ki ruŋa i te henua. He noho ia rā manuꞌino ꞌi muꞌa o tū viꞌe era e aꞌu ꞌā i te poki, mo kai i rā poki ꞌi te hora era ka poreko era.