Iovani 8:39 - Rapa Nui

³⁹ He kī e rā nuꞌu: —¡Te mātou matuꞌa ko ꞌAparahama! He pāhono e Ietū: —ꞌĀhani kōrua he ŋā poki mau ꞌā ꞌa ꞌAparahama, te kōrua meꞌe aŋa he meꞌe aŋa e ia.

Iovani 8:39 ပူးပေါင်းရင်းမြစ်များ

Māteo 3:9

ꞌE ꞌina ko teꞌo-teꞌo ko kī ki a kōrua ꞌā: “A mātou, hoꞌi, he hakaara o ⌊ꞌAparahama⌋; ꞌo ira e tano rō ꞌā ki te mata o te ꞌAtua”. ꞌĪ a au he kī atu: e tano nō te ꞌAtua mo haka riro i te ŋā māꞌea nei he hakaara o ꞌAparahama.

Māteo 5:45

Pē ira he takeꞌa he poki kōrua o te kōrua Matuꞌa ꞌi te raŋi; a ia, paꞌi, e haka eꞌa ena i te raꞌā mo te nuꞌu aŋa i te meꞌe riva-riva ꞌe mo te nuꞌu aŋa i te meꞌe rake-rake, ꞌe e haka hoa ena i te ꞌua mo te nuꞌu tano ki tōꞌona mata ꞌe, takoꞌa, mo te nuꞌu taꞌe tano.

Iovani 8:33

He pāhono e rā nuꞌu: —A mātou he hakaara o ⌊ꞌAparahama⌋, ꞌe ꞌina mātou kai ai ꞌā he ꞌekaravo. ¿Pē hē ia koe e kī mai ena he eꞌa a mātou mai te rima o te kope haka ꞌekaravo i a mātou?

Iovani 8:37

»Ko ꞌite ꞌana a au he hakaara kōrua o ꞌAparahama ꞌe ko ꞌite takoꞌa ꞌana e haŋa rō ꞌana kōrua mo tiŋaꞌi i a au, he taꞌe haŋa o kōrua ki tāꞌaku vānaŋa haka ꞌite atu.

Iovani 8:43

»¿He aha kōrua e taꞌe aŋi-aŋi ena i tāꞌaku meꞌe haka ꞌite atu? He taꞌe tano o kōrua mo haka roŋo mai.

Iovani 8:56

Te tupuna era o kōrua ko ꞌAparahama ko ꞌite ꞌā e uŋa rō mai i a au ki te ao nei ꞌe e tiaki era ki rā mahana hai koa.

Rōmano 4:12

A ꞌAparahama he matuꞌa takoꞌa o te nuꞌu hore o te kiri o te kinoŋa haka moe i te manaꞌu ꞌi ruŋa i te ꞌAtua, te rāua haka moe iŋa i te manaꞌu pa he haka moe iŋa o te manaꞌu o te mātou tupuna ko ꞌAparahama ꞌi te hora kai hore ꞌana te kiri o te kinoŋa.

Rōmano 4:16

ꞌO ira, te hōrea kī e te ꞌAtua ki a ꞌAparahama mo hauhaꞌa mo oho nō mo tōꞌona hakaara taꞌatoꞌa, e ai he meꞌe vaꞌai nō e te ꞌAtua hai riva rahi ōꞌona, hai haka moe nō i te manaꞌu ꞌi ruŋa i a ia. Te auraꞌa: te hōrea mo te nuꞌu taꞌatoꞌa haka moe i te manaꞌu ꞌi ruŋa i te ꞌAtua, pē ꞌAparahama, ka ai atu e maꞌu rō ꞌā ꞌo ꞌina he maꞌu i te haka tere iŋa ꞌa Mōtē. Pē ira a ꞌAparahama i ai ai he matuꞌa o tātou taꞌatoꞌa.

Rōmano 9:7

ꞌE taꞌe taꞌatoꞌa hakaara o ꞌAparahama he ŋā poki parautiꞌa ꞌāꞌana ki te mata o te ꞌAtua. Ko kī era ꞌana, paꞌi, e ia: «Te hakaara parautiꞌa ōꞌou mai i a Itaꞌata ka eꞌa ena».

Karatia 3:29

ꞌE, ꞌi te ai o tātou ꞌāꞌana, he hakaara tātou o ꞌAparahama, ꞌe mo tātou takoꞌa ia te meꞌe hōrea e te ꞌAtua ki a ia.

Karatia 3:7

ꞌO ira, e ꞌite kōrua: te hakaara parautiꞌa o ꞌAparahama he nuꞌu haka moe i te rāua manaꞌu ꞌi ruŋa i te ꞌAtua.