Iovani 8:32 - Rapa Nui

³² he ꞌite kōrua i te parautiꞌa, ꞌe hai nā parautiꞌa he eꞌa kōrua mai te rima o te meꞌe haka ꞌekaravo atu i a kōrua.

Iovani 8:32 ပူးပေါင်းရင်းမြစ်များ

Māteo 11:29

E aŋa tāꞌaku meꞌe kī atu ꞌe e riro kōrua he nuꞌu hāpī ꞌāꞌaku. A au, paꞌi, he kope riva, taꞌe riri-riri tahaŋa ꞌe taꞌe manaꞌu i hau rō atu ki te rua. Pē ira he ŋaroꞌa e kōrua te ora.

Iovani 1:14

Tū Vānaŋa era i riro rō he taŋata ꞌe i noho rō ꞌi muri i a tātou. Ko takeꞌa ꞌana e tātou tōꞌona pūai, pūai vaꞌai e te ꞌAtua Matuꞌa ki tāꞌana Poki era e tahi mau nō. Te haŋa o te ꞌAtua mo tātou ꞌe te parautiꞌa o ruŋa ōꞌona i haka takeꞌa mai ai ꞌi ruŋa i a ia.

Iovani 1:17

Hai ⌊Mōtē⌋ te ꞌAtua i haka ꞌite mai ai i tāꞌana roŋo mo tātou, ꞌe hai Ietū Kiritō i haka ꞌite mai ai i tōꞌona haŋa mo tātou ꞌe i te parautiꞌa o ruŋa i a ia.

Iovani 14:6

He pāhono e Ietū: —Ko au te ara, te parautiꞌa, ꞌe te ora. Hai au mau nō kōrua ana tuꞌu ki te ꞌAtua Matuꞌa.

Iovani 16:13

Ki tuꞌu mai te Vārua o te parautiꞌa, he haka aŋi-aŋi he oho atu i te parautiꞌa taꞌatoꞌa o te ꞌAtua. Taꞌe hai manaꞌu ōꞌona ꞌā ka vānaŋa atu ena, hai meꞌe i ŋaroꞌa e ia, ꞌe he haka ꞌite takoꞌa atu he aha te meꞌe ka topa ena.

Iovani 17:17

Hai ꞌite o te nuꞌu nei i te parautiꞌa o ruŋa i a koe e haꞌataꞌa māꞌau, mo tāvini mau nō atu ki a koe; taꞌa vānaŋa ena, paꞌi, he parautiꞌa.

Iovani 6:45

E kī rō ꞌana, paꞌi, ꞌi ruŋa i te puka o te perofeta: “Te ꞌAtua e hāpī rō i te taŋata taꞌatoꞌa”. Te nuꞌu haka roŋo ꞌe ꞌite i te meꞌe hāpī e tōꞌoku Matuꞌa, ko rāua te meꞌe oho mai ki a au.

Iovani 7:17

Te kope haŋa mo aŋa i te meꞌe haŋa o te ꞌAtua he aŋi-aŋi hoki tāꞌaku hāpī nei mai te ꞌAtua ꞌo he vānaŋa ꞌāꞌaku mau ꞌā.

Iovani 8:36

Mo haka eꞌa i a kōrua e te Poki o te ꞌAtua mai te rima o te meꞌe haka ꞌekaravo i a kōrua, he eꞌa mau rō ꞌai.

Rōmano 6:22

A kōrua ꞌi te hora nei taꞌe he tāvini toe o te hara, he tāvini o te ꞌAtua. Te meꞌe nei mo te kōrua riva-riva mau ꞌā; pē ira he tano he oho te kōrua noho iŋa ki te mata o te ꞌAtua, ꞌe, ꞌi te hora hopeꞌa, he ravaꞌa i te ora ꞌāpī ꞌina he hopeꞌa raꞌa vaꞌai e ia.

Rōmano 8:15

Te Vārua vaꞌai mai e te ꞌAtua taꞌe he vārua haka riro i a tātou he ꞌekaravo riꞌa-riꞌa ꞌi te kope haka aŋa i a ia, he Vārua haka riro i a tātou he ŋā poki o te ꞌAtua. Hai ia e kī ena a tātou ki te ꞌAtua: «¡E koro ōꞌoku ē!».

Rōmano 8:2

ꞌi te meꞌe era te Vārua Maitai, vaꞌai i te ora ki te nuꞌu ꞌa Ietū Kiritō, haka tere i a tātou ꞌi te hora nei, ko haka eꞌa ꞌana i a tātou mai roto i te pūai o te hara maꞌu i a tātou ki te mate.

1 Kōrinto 7:22

Te kope, paꞌi, he ꞌekaravo ꞌi te hora haka moe i te manaꞌu ꞌi ruŋa i a Ietū, hora nei, ko eꞌa ꞌana mai te pūai o te hara mo tāvini takoꞌa ki a Ietū, Pūꞌoko Haka Tere o tātou. ꞌE te kope taꞌe he ꞌekaravo ꞌi te hora haka moe i te manaꞌu ꞌi ruŋa i a Ietū, hora nei pa he ꞌekaravo o te ⌊Kiritō⌋.

Karatia 5:1

A Ietū Kiritō i haka eꞌa i a tātou mai te meꞌe ena he ꞌamo i te haka tere iŋa ꞌa Mōtē mo tano ki te mata o te ꞌAtua. ꞌO ira, e uꞌi kōrua ꞌo haka ꞌamo haka ꞌou rō atu i te haka tere iŋa era, ꞌo ꞌekaravo haka ꞌou kōrua o rā haka tere iŋa.

Karatia 5:13

E te taina, o te ꞌAtua i haka eꞌa i a tātou mai te meꞌe he ꞌamo i te haka tere iŋa ꞌa Mōtē mo tano o tātou ki tōꞌona mata. Te parautiꞌa nei ꞌina ko ai mo tātou he ꞌōtohe mo aŋa i te meꞌe taꞌe tano pohe nō e te hakari. Te meꞌe o tātou mo aŋa he haŋa ꞌe he hāꞌūꞌū ki te rua hai māhatu.

2 Timoteo 3:7

He haka roŋo nō te aŋa o te ŋā viꞌe nei ki nuꞌu era ki nuꞌu era, ꞌe ꞌina he aŋi-aŋi, ki te hora hopeꞌa, ꞌi hē mau te hāpī parautiꞌa o te ꞌAtua.

Tanatiako 1:25

ꞌE te kope taꞌe rehu te meꞌe ŋaroꞌa, hāpī mo ꞌata ꞌite ōꞌona o ruŋa i te haka tere iŋa hopeꞌa o te tī-tika haka eꞌa i te taŋata mai roto i te hara, haka tano tahi i te meꞌe aŋa ki te meꞌe kī e rā roŋo, he haꞌamaitai e te ꞌAtua ꞌi tāꞌana meꞌe taꞌatoꞌa aŋa.

Tanatiako 2:12

ꞌE a kōrua, e te taina ē, e vānaŋa ꞌe e haka tere i a kōrua pa he nuꞌu ꞌite pē nei ē: te ꞌAtua ka kī ena i te kōrua meꞌe tano ꞌe taꞌe tano hai haka tere iŋa ꞌāꞌana haka eꞌa i te taŋata mai roto i te hara.

1 Pētero 2:16

E noho kōrua pa he nuꞌu taꞌe haka tere e te meꞌe o te ao nei; te ꞌAtua, paꞌi, ko haka eꞌa ꞌana i a kōrua mai rā haka tere iŋa. ꞌE, ka ai atu pē ira, e uꞌi ꞌo riro te parautiꞌa nei he ꞌōtohe e tahi mo aŋa o kōrua i te meꞌe taꞌe tano. Te meꞌe haŋa mau: e noho kōrua pa he tāvini o te ꞌAtua.

2 Iovani 1:1

A au, te pūꞌoko haka tere o te nūnaꞌa taŋata ⌊haka moe i te manaꞌu⌋ ꞌi ruŋa i a Ietū, he ꞌaroha atu ki a koe, e te viꞌe haꞌataꞌa e te ꞌAtua māꞌana ē, ꞌe ki taꞌa ŋā poki. E haŋa rahi rō atu ꞌana a au ki a kōrua, ꞌe taꞌe nō ko au, pē ira takoꞌa ꞌana te nuꞌu ko ꞌite ꞌana i te parautiꞌa