Iovani 8:31 - Rapa Nui

³¹ He kī e Ietū ki te hūrio ⌊haka moe i te manaꞌu⌋ ꞌi ruŋa i a ia: —Mo haka roŋo ꞌe mo haꞌatura mo oho nō kōrua ki tāꞌaku vānaŋa, he nuꞌu hāpī mau ꞌana ia kōrua ꞌāꞌaku;

Iovani 8:31 ပူးပေါင်းရင်းမြစ်များ

Māteo 24:13

ꞌE te kope haka moe oho nō i tōꞌona manaꞌu ꞌātā ki te hopeꞌa, he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

Iovani 1:47

I uꞌi era e Ietū ka hāhine mai a Natanaera, he kī: —ꞌĪ mau te kope he itaraera parautiꞌa, e ko kī e tahi reo-reo.

Iovani 2:2

ꞌI ira takoꞌa a Ietū ananake ko tāꞌana nuꞌu hāpī.

Iovani 6:55

Tōꞌoku hakari he kai parautiꞌa, ꞌe tōꞌoku toto he vai parautiꞌa.

Iovani 8:36

Mo haka eꞌa i a kōrua e te Poki o te ꞌAtua mai te rima o te meꞌe haka ꞌekaravo i a kōrua, he eꞌa mau rō ꞌai.

Aŋa o te ꞌĀpōtoro 13:43

I maraŋa era te taŋata mai te hare pure, meꞌe rahi nuꞌu hūrio ꞌe nuꞌu maꞌu takoꞌa i te haka tere iŋa hūrio i oho ꞌi muri i a Pauro ararua ko Verenāvē. ꞌE he hatu e kuā Pauro mo haka noho mo oho nō i te manaꞌu ꞌi ruŋa i te riva rahi o te ꞌAtua.

Aŋa o te ꞌĀpōtoro 14:22

he haka pūai he oho i te manaꞌu o te nuꞌu haka moe i te manaꞌu ꞌi ruŋa i a Ietū o rā ŋā kona. He hatu mo haka hio-hio mo oho i te rāua manaꞌu ꞌi ruŋa i a Ietū, ꞌe he kī: «E ko taꞌe piri mai ki a tātou ki te nuꞌu haka moe i te manaꞌu ꞌi ruŋa i a Ietū te ꞌati ꞌi te ao nei ꞌi raꞌe ki te oꞌo ki te ao haka tere e te ꞌAtua pe muꞌa ka oho ena».

Aŋa o te ꞌĀpōtoro 26:22

ꞌE, hai hāꞌūꞌū o te ꞌAtua, e hio-hio e oho nō nei a au ki ꞌaŋarīnā, ꞌe e vānaŋa nei o ruŋa i a ia ki te nuꞌu taꞌatoꞌa, ka hōnui ka taꞌe hōnui. ꞌIna a au he haka ꞌite, ki te hora hopeꞌa, i te rua vānaŋa mo taꞌe ai he vānaŋa o ruŋa i te meꞌe mo topa kī e te perofeta ꞌe e ⌊Mōtē⌋ pē nei ē:

Rōmano 11:22

Te ꞌAtua e haka takeꞌa rō ꞌana i tōꞌona riva ꞌe i tōꞌona riri. Ki te nuꞌu hūrio hārui i a ia hai tuaꞌivi i haka takeꞌa ai i tōꞌona riri, ꞌe ki a kōrua ki te nuꞌu taꞌe he hūrio i haka takeꞌa ai i tōꞌona riva. Te meꞌe nō, e uꞌi e noho kōrua ꞌi roto i tōꞌona riva rahi, ꞌo paꞌo takoꞌa rō i a kōrua mai ruŋa i rā tumu.

Rōmano 2:7

Ki te nuꞌu aŋa oho i te meꞌe riva-riva ꞌi te manaꞌu ki te mahana era mo haka koa ꞌe mo haka nui-nui i a rāua e te ꞌAtua, ꞌe ꞌi te haŋa mo ai ꞌi muri i a ia pe muꞌa ka oho ena, ki a rāua ka vaꞌai ena e te ꞌAtua i te ora ꞌāpī ꞌina he hopeꞌa raꞌa.

Kōrosa 1:23

Te meꞌe nō, e haka hio-hio e oho te kōrua manaꞌu ꞌi ruŋa i a Ietū ꞌe e tiaki e oho ki te meꞌe taꞌatoꞌa hōrea e te ꞌAtua mo te nuꞌu ꞌāꞌana, meꞌe i ꞌite e kōrua ꞌi te hora ŋaroꞌa era i te ⌊roŋo riva-riva o ruŋa i a Ietū⌋, roŋo haka ꞌite oho a te kona taꞌatoꞌa o te ao, ꞌe roŋo hāꞌūꞌū e au, e Pauro, mo haka ꞌite.

1 Timoteo 2:15

Te tano mau: e haka tere te ŋā viꞌe hai manaꞌu o te ꞌAtua ki moꞌa ai e te taŋata. E noho e hāpaꞌo i te rāua ŋā poki, e haka moe e oho i te rāua manaꞌu ꞌi ruŋa i a Ietū, e haŋa e oho ki te rua, ꞌe e haꞌatura e oho ki te ꞌAtua. Pē ira he haka eꞌa e te ꞌAtua mai roto i te ūtuꞌa o te hara.

1 Timoteo 4:16

E uꞌi riva-riva te huru o tuꞌu noho iŋa ꞌe te huru o tuꞌu hāpī iŋa i te rua; e haka hio-hio e oho nō koe i te ŋā meꞌe taꞌatoꞌa ena. Mo aŋa ōꞌou pē ira, taꞌe ko koe nō te meꞌe ka eꞌa ena mai roto i te ūtuꞌa o te hara, pē ira ꞌana te nuꞌu haka roŋo atu.

2 Timoteo 3:14

ꞌE a koe, e maꞌu hio-hio te ŋā meꞌe hāpī atu era. Ko ꞌite ꞌana, paꞌi, e koe he parautiꞌa ꞌe ꞌa ꞌai i hāpī atu.

ꞌEvereo 3:14

E te taina, mo haka moe mo oho nō tātou i te manaꞌu ꞌi ruŋa i a Ietū ki te hora hopeꞌa pa he hora raꞌe era ꞌā, mo tātou takoꞌa te meꞌe taꞌatoꞌa ꞌa Ietū Kiritō.

ꞌEvereo 8:9

Te haka tere iŋa nei e ko ai pa he haka tere iŋa vaꞌai era e au ki te kōrua tupuna, hora toꞌo mai era e au a te rima mo haka eꞌa mai te henua era ko Ehipto; ꞌe ꞌi te taꞌe haꞌatura o rāua ki rā haka tere iŋa, he hārui e au hai tuaꞌivi, i kī ai e te ꞌAtua.

Tanatiako 1:25

ꞌE te kope taꞌe rehu te meꞌe ŋaroꞌa, hāpī mo ꞌata ꞌite ōꞌona o ruŋa i te haka tere iŋa hopeꞌa o te tī-tika haka eꞌa i te taŋata mai roto i te hara, haka tano tahi i te meꞌe aŋa ki te meꞌe kī e rā roŋo, he haꞌamaitai e te ꞌAtua ꞌi tāꞌana meꞌe taꞌatoꞌa aŋa.

1 Iovani 2:19

A rāua mai roto i a tātou i eꞌa ai, ꞌe, ka ai atu pē ira, taꞌe a rāua o tātou. ꞌĀhani, paꞌi, o tātou ko noho mai ꞌana. Te meꞌe nei i topa ai mo takeꞌa riva-riva: taꞌe taꞌatoꞌa nuꞌu o roto i a tātou he nuꞌu o tātou.

1 Iovani 2:24

ꞌO ira, e hāpaꞌo ꞌe e haka tere kōrua hai hāpī ŋaroꞌa mai te hora haka moe era ꞌā i te kōrua manaꞌu ꞌi ruŋa i a Ietū. Mo aŋa pē ira, e ko topa kē a kōrua mai muri i te ꞌAtua Poki ꞌe mai muri i te ꞌAtua Matuꞌa.

2 Iovani 1:9

Te kope ꞌāmui hai hāpī kē i te hāpī parautiꞌa ꞌa Ietū ꞌina he ꞌAtua o muri i a ia, ꞌe te kope haka tano oho i a ia ki rā hāpī ꞌi muri i a ia te ꞌAtua Matuꞌa ꞌe te Poki.