Iovani 8:25 - Rapa Nui

²⁵ He ꞌui e rā nuꞌu: —¿Ko ai ia koe? He pāhono e Ietū: —A au ko tū kope kī mau atu era ꞌā e au mai te hora haꞌamata hāpī i te taŋata ki te hora nei.

Iovani 8:25 ပူးပေါင်းရင်းမြစ်များ

Iovani 8:12

Ko roa atu ꞌā te hora he vānaŋa haka ꞌou a Ietū ki te taŋata, he kī pē nei ē: —A au he mōrī haka māꞌeha i te manaꞌu o te taŋata o te ao; te kope oho mai ki a au e ko oho a roto i te pōhāhā. He ai i a ia te mōrī vaꞌai i te ora ꞌāpī ꞌina he hopeꞌa raꞌa.

Ruka 22:67

—Mo ai ōꞌou he ⌊Kiritō⌋, ka kī mai. He meꞌe ia e Ietū: —Mo kī atu ōꞌoku ꞌē-ē, e ko haka roŋo mai e kōrua.

Iovani 19:9

He uru haka ꞌou ki roto i te hare he ꞌui ki a Ietū: —¿O hē mau koe? Kai pāhono e Ietū.

Iovani 1:22

He kī: —¿Ko ai ia a koe? Ka hoki nei, paꞌi, mātou e ai te mātou meꞌe mo kī o ruŋa ōꞌou ki te nuꞌu uŋa mai. ¿E ai rō ꞌana taꞌa meꞌe mo kī mai o ruŋa i a koe?

Iovani 10:24

He haka vari e te hūrio ꞌe he ꞌui: —¿ꞌĀtā ki hē koe ka haka mira-mira nō mai ena i te mātou manaꞌu? Hoki he ⌊Kiritō⌋ mau ꞌā koe, ka kī rō mai ꞌai.

Iovani 1:19

He vānaŋa nei ꞌa Iovani ꞌi te hora uŋa e te nuꞌu hōnui ⌊hūrio⌋ i te ⌊oromatuꞌa⌋ ꞌe i te ⌊rēvita⌋ mai Hērutarema mo ꞌite ko ai mau a Iovani. He ꞌui e rā nuꞌu: —¿He Kiritō rō koe?

Iovani 8:24

Te tumu o tāꞌaku vānaŋa era: “he mā-mate kōrua e ko haka kore hia e te ꞌAtua i te kōrua hara” ko te meꞌe nei: mo taꞌe ai he parautiꞌa mau ꞌā mo kōrua pē nei ē: a au he kope nei e au e kī atu ena, he mā-mate kōrua ꞌi te kōrua hara.

Iovani 8:26

E rahi rō ꞌā te meꞌe mo kī atu ōꞌoku o ruŋa i a kōrua, mo ture ꞌe mo haka ūtuꞌa. Ka ai atu pē ira, tāꞌaku meꞌe kī nō ki te taŋata o te ao he meꞌe kī mai e te kope uŋa mai i a au. He parautiꞌa mau nō, paꞌi, tāꞌana meꞌe kī.