Iovani 8:24 - Rapa Nui

²⁴ Te tumu o tāꞌaku vānaŋa era: “he mā-mate kōrua e ko haka kore hia e te ꞌAtua i te kōrua hara” ko te meꞌe nei: mo taꞌe ai he parautiꞌa mau ꞌā mo kōrua pē nei ē: a au he kope nei e au e kī atu ena, he mā-mate kōrua ꞌi te kōrua hara.

Iovani 8:24 ပူးပေါင်းရင်းမြစ်များ

Iovani 3:36

Te kope haka moe i te manaꞌu ꞌi ruŋa i te Poki o te ꞌAtua he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. ꞌE te kope taꞌe haka moe i te manaꞌu ꞌi ruŋa i a ia e ko ravaꞌa i rā ora; te meꞌe mo ravaꞌa he ūtuꞌa ꞌina he hopeꞌa raꞌa.

Iovani 3:18

»Te taŋata haka moe i tōꞌona manaꞌu ꞌi ruŋa i te Poki o te ꞌAtua e ko haka ūtuꞌa; ꞌe te taŋata taꞌe haka moe i te manaꞌu ꞌi ruŋa i a ia ko ai era ꞌana te ūtuꞌa mōꞌona ꞌo te taꞌe haka moe i te manaꞌu ꞌi ruŋa i te Poki mau nō era e tahi o te ꞌAtua.

Marko 16:16

Te kope haka moe i te manaꞌu ꞌi ruŋa i a au ꞌe haka ⌊papatito⌋ i a ia he eꞌa mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. ꞌE te kope taꞌe haka moe i te manaꞌu ꞌi ruŋa i a au, he haka ūtuꞌa e te ꞌAtua.

ꞌEvereo 12:25

E te taina, e uꞌi kōrua ꞌo taꞌe haka roŋo rō ki te vānaŋa o te ꞌAtua. Te nuꞌu o muꞌa ꞌā hārui hai tuaꞌivi ki tāꞌana vānaŋa haka ꞌite e Mōtē ꞌi te ao nei ꞌina kai taꞌe haka ūtuꞌa e te ꞌAtua. Pē ira ka topa ena ki a tātou mo taꞌe haka roŋo ki te kope ꞌāꞌana te vānaŋa mai mai te raŋi.

Iovani 13:19

»E kī atu ena a au i te meꞌe nei mo aŋi-aŋi riva-riva e kōrua, ꞌi te hora ena ka topa ena rā meꞌe, pē nei ē: a au he kope mau nei ꞌā e au e kī atu ena.

Iovani 4:26

He kī e Ietū: —Ko au rā kope, ko te kope nei e vānaŋa atu ena.

ꞌEvereo 2:3

Mo ai pē ira, ¿pē hē ia ana taꞌe haka ūtuꞌa i a tātou ana hārui hai tuaꞌivi i te rāveꞌa vaꞌai mai e te ꞌAtua mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa? Te meꞌe nei o te Pūꞌoko Haka Tere mau nei ꞌā o tātou i haka ꞌite raꞌe mai. I oho era he haka ꞌite takoꞌa mai he parautiꞌa mau ꞌā e te nuꞌu ŋaroꞌa era i rā meꞌe mai i a ia.

Iovani 8:21

He kī haka ꞌou e Ietū: —E ko roa a au ka oho rō nei ꞌe he kimi mai kōrua i a au. ꞌE, a kōrua e ko tuꞌu atu ki te kona nei ōꞌoku ka oho nei ꞌo te ai e ko haka kore hia e te ꞌAtua i te kōrua hara ka mā-mate rō ena.

Aŋa o te ꞌĀpōtoro 4:12

Te eꞌa mai roto i te ūtuꞌa o te hara ꞌe te ai o te ora ꞌāpī ꞌina he hopeꞌa raꞌa vaꞌai e te ꞌAtua, mai i a Ietū mau nō ana ravaꞌa. Te ꞌAtua, paꞌi, ꞌina kai vaꞌai ki te rua kope i te aŋa nei.

Marko 13:6

Nuꞌu rahi te nuꞌu ka tuꞌu atu ena he kī atu ko au a rāua. Pē nei ka kī atu ena: “He Kiritō au”. E rahi rō te nuꞌu ka haka maꞌa-maꞌa ena.

Ruka 21:8

He pāhono e Ietū: —E uꞌi kōrua ꞌo haka maꞌa-maꞌa rō atu. Nuꞌu rahi te nuꞌu ka tuꞌu atu ena he kī atu ko au a rāua. Pē nei ka kī atu ena: «He Kiritō au» ꞌe «Rā hora ko te hora nei». ꞌIna kōrua ko haka roŋo.

Māteo 24:5

Nuꞌu rahi te nuꞌu ka tuꞌu atu ena he kī atu ko au a rāua. Pē nei ka kī atu ena: “He Kiritō au”, ꞌe nuꞌu rahi te nuꞌu ka haka maꞌa-maꞌa ena.

Iovani 8:25

He ꞌui e rā nuꞌu: —¿Ko ai ia koe? He pāhono e Ietū: —A au ko tū kope kī mau atu era ꞌā e au mai te hora haꞌamata hāpī i te taŋata ki te hora nei.

Iovani 8:28

ꞌO ira i kī ai e Ietū: —Hora ena o kōrua ka veo ena i te ⌊Poki o te taŋata⌋ ꞌi ruŋa i te tātaurō, ka ꞌite iho ena e kōrua: a au ko tū kope kī mau atu era ꞌā e au, tāꞌaku meꞌe aŋa taꞌe hai manaꞌu ōꞌoku, ꞌe tāꞌaku meꞌe kī mau nō he meꞌe hāpī mai e tōꞌoku Matuꞌa.

Iovani 8:58

He pāhono e Ietū: —ꞌĪ a au he kī atu i te parautiꞌa: ko ai era ꞌana a au i poreko mai ai a ꞌAparahama.