Iovani 8:18 - Rapa Nui

¹⁸ Iā, ko au mau ꞌana ia tōꞌoku mataꞌite, ꞌe he Matuꞌa uŋa mai i a au tōꞌoku rua mataꞌite.

Iovani 8:18 ပူးပေါင်းရင်းမြစ်များ

Iovani 10:11

A au he taŋata hāpaꞌo riva-riva i te māmoe. Te taŋata hāpaꞌo riva-riva i te māmoe he vaꞌai i a ia ki te mate mo tāꞌana māmoe.

Iovani 10:14

»He taŋata hāpaꞌo riva-riva a au i te māmoe. Pa he ꞌite iŋa ena ꞌā o tōꞌoku Matuꞌa ko ai a au ꞌe a au ko ai a ia, pē ira takoꞌa ꞌana a au e ꞌite nei ko ai ko ai tāꞌaku māmoe, ꞌe rā ŋā māmoe e ꞌite rō ꞌana ko ai a au. ꞌE he vaꞌai a au i a au mau ꞌā ki te mate mo tāꞌaku māmoe.

Iovani 10:30

ꞌE, a māua ko te Matuꞌa e tahi mau nō.

Iovani 10:9

A au he ꞌōpani: te kope uru a roto i a au he eꞌa mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. He riro pa he māmoe e oꞌo e eꞌa ena, ꞌe he ravaꞌa mauku.

Iovani 11:25

He kī ia e Ietū: —Ko au te meꞌe haka ora i te taŋata mai te mate. ꞌE ko au te meꞌe vaꞌai i te ora. Te taŋata ⌊haka moe i te manaꞌu⌋ ꞌi ruŋa i a au, ka mate atu, e ora haka ꞌou nō.

Iovani 14:6

He pāhono e Ietū: —Ko au te ara, te parautiꞌa, ꞌe te ora. Hai au mau nō kōrua ana tuꞌu ki te ꞌAtua Matuꞌa.

Iovani 8:12

Ko roa atu ꞌā te hora he vānaŋa haka ꞌou a Ietū ki te taŋata, he kī pē nei ē: —A au he mōrī haka māꞌeha i te manaꞌu o te taŋata o te ao; te kope oho mai ki a au e ko oho a roto i te pōhāhā. He ai i a ia te mōrī vaꞌai i te ora ꞌāpī ꞌina he hopeꞌa raꞌa.

Iovani 8:25

He ꞌui e rā nuꞌu: —¿Ko ai ia koe? He pāhono e Ietū: —A au ko tū kope kī mau atu era ꞌā e au mai te hora haꞌamata hāpī i te taŋata ki te hora nei.

Iovani 8:38

A au e vānaŋa nei hai meꞌe i haka ꞌite ꞌe i haka takeꞌa mai e tōꞌoku Matuꞌa. A kōrua takoꞌa e aŋa ena i te meꞌe i takeꞌa ꞌe i ŋaroꞌa mai te kōrua matuꞌa.

Iovani 8:51

ꞌĪ a au he kī atu: te kope haka roŋo i tāꞌaku vānaŋa e ko mate ki te hora hopeꞌa.

Iovani 8:58

He pāhono e Ietū: —ꞌĪ a au he kī atu i te parautiꞌa: ko ai era ꞌana a au i poreko mai ai a ꞌAparahama.

ꞌEvereo 2:4

ꞌE o te ꞌAtua i haka aŋi-aŋi takoꞌa mai he parautiꞌa mau ꞌā hai aŋa i te mana a roto i rā nuꞌu, ꞌe hai vaꞌai ki a rāua, hai ⌊Vārua Maitai⌋, rauhuru nō atu meꞌe mo aŋa i tāꞌana aŋa, tano ki tōꞌona manaꞌu.